Yerevanda etiraz aksiyası

"Bizim övladlarımızı qaytarın!" Ermənistan Müdafiə Nazirliyi önündə aksiya

35
(Yenilənib 19:52 16.11.2020)
O qeyd edib ki, oğlu heç bir lazımi təcrübə toplamadan Qarabağda ön cəbhəyə göndərilib. Lakin o övladının adını heç bir siyahıda tapa bilmir.

BAKI, 16 noyabr — Sputnik. Hərbçi övladları itkin düşmüş onlarla valideyn və onların yaxınları Ermənistan Müdafiə Nazirliyinin qarşısında aksiya keçirirlər. Sputnik Ermənistan xəbər verir ki, onlar Müdafiə Nazirliyindən öz yaxınlarının harada olması sualına cavab tələb edirlər.

Ermənistan Müdafiə Nazirliyi önündə vəziyyətin gərgin olduğu bildirilir. Nazirliyin inzibati binası polis tərəfindən mühasirəyə alınıb.

Valideynlər hərbi qurumdan övladlarının koordinatlarını vermələrini tələb edirlər. Onlar övladlarının arxasınca getməyə hazır olduğunu qeyd edirlər.

"Övladlarımız hardadırlar? Bizim övladlarımızı qaytarın! Niyə onların adları heç bir siyahıda yoxdur", - deyə hərbçi valideynindən biri qeyd edib.

Qarik Mxitaryan jurnalistlərə bildirib ki, oğlu orduya avqust ayında çağırılıb. O qeyd edib ki, oğlu heç bir lazımı təcrübə toplamadan Qarabağda ön cəbhəyə göndərilib. Lakin o övladınn adını heç bir siyahıda tapa bilmir.

Hazırda aksiya davam edir.

35
Teqlər:
itkin, müharibə, Qarabağ, Ermənistan, Müdafiə Nazirliyi

Nümayişçilər Parisi dağıdır: 130 minlik aksiya iğtişaşlarla müşayiət olunur

18
(Yenilənib 00:36 29.11.2020)
Fransada "Qlobal təhlükəsizlik haqqında" qanun layihəsinin 24-cü maddəsinə etiraz aksiyalarında 130 mindən çox adam iştirak edib. 

BAKI, 29 noyabr — Sputnik. Fransada informasiya azadlığına dəstək aksiyalarında 130 mindən çox adam iştirak edib. 

Sputnik Azərbaycan xəbər veiri ki, bu barədə BFMTV telekanalı ölkənin Daxili İşlər Nazirliyinə istinadla məlumat yayıb.

Ümumilikdə ölkədə "Qlobal təhlükəsizlik haqqında" qanun layihəsinin 24-cü maddəsinə etiraz əlaməti olaraq Fransada 70 nümayiş keçirilib. Nümayişçilər sözügedən maddədə polis və jandarmların çəkilişlərinin aparılmasına qadağa qoyulmasına etiraz edirlər. Onlar bunu ölkədə informasiya azadlığının boğulması kimi qiymətləndirirlər.  

Parisdə dinc aksiyalar şəklində başlayan nümayişlər sonra kütləvi iğtişaşlarla əvəz olunub. Polis və jandarmeriya nümayişçilərə qarşı gözyaşardıcı qaz bombalarından və su şırnağından istifadə edirlər. 

Qeyd edək ki, çərşənbə axşamı, Fransa Milli Assambleyası "Qlobal təhlükəsizlik haqqında" qanun layihəsini ilk oxunuşda qəbul edib. Qanun layihəsinin 24-cü maddəsində "polis və jandarmın sifətinin və identifikasiyasının digər elementlərinin" onların "fiziki və psixi toxunulmazlığına açıq-aşkar zərər yetirmək məqsədilə" yayılmasına görə 1 il müddətinə həbs cəzası və ya 45 min avro cərimə nəzərdə tutulur.

Jurnalist həmkarlar ittifaqları və müxalifət bu normanın tətbiqindən sonra jurnalistlərin və vətəndaşların nümayişlər zamanı hüquq-mühafizə orqanlarının əməkdaşlarının işlərini sərbəst şəkildə qeyd ala bilməyəcəklərindən qorxaraq buna qarşı çıxırlar. Hökumət isə dəfələrlə əmin etməyə çalışıb ki, qanun layihəsi jurnalistlərə hüquq-mühafizə orqanlarının əməkdaşlarının çəkilişlərini qadağan etməyəcək.

18
Teqlər:
Fransa
Ziyarətçilər Mixail Nesterovun sərgisində, arxiv şəkli

Rus rəssamın çəkdiyi ikona Londonda ağlasığmaz qiymətə satılıb

12
Hərracın ən qiymətli, 75,25 min funt sterlinqə satılan əsəri Mixail Larionovun (1881-1964) "Balıq və gül natürmort"u olub.

BAKI, 28 noyabr — Sputnik. Rus rəssam Mixail Nesterovun (1862-1942) "Əllə hazırlanmayan xilaskar" ikonası "Bonhams" hərrac evi tərəfindən təşkil olunan rus incəsənəti nümunələri alqı-satqısında 56,5 min funt sterlinqə satılıb.

Sputnik Azərbaycan xəbər verir ki, rus rəssamının əsərinə verilən məbləğ satışı üçün təxmin olunan qiymətdən demək olar ki, iki dəfə az olub.

Hərrac kataloqunda deyildiyi kimi, ikona Nesterovun Moskvadakı Marfo-Mariinski Mərhəmət Monastırının qərb fasadını bəzədiyi mozaikanın daha kiçik bir versiyasıdır.

Hərracın ən qiymətli, 75,25 min funt sterlinqə satılan əsəri Mixail Larionovun (1881-1964) "Balıq və gül natürmort"u olub.

Eyni qiymətə "Karl Faberje" zərgərlik şirkətinin nefrit, qızıl və platindən düzəltdiyi saat satılıb. Aleksandr Moravovun (1878-1951) 1910-cu ildə çəkdiyi "Heyvanların su içdiyi yerdə" rəsminə isə alıcı 69 min funt sterliq pul ödəyib.

12
Teqlər:
rus, hərrac, London, rəssam