BAKI, 12 noyabr — Sputnik. Ermənistan Prezidenti Armen Sarkisyan Ermənistanın Baş naziri Nikol Paşinyanla görüşüb. Sputnik Ermənistan xəbər verir ki, bu barədə Ermənistan prezidentinin mətbuat xidməti məlumat yayıb.
"Bu gün səhər saatlarında Prezident Armen Sarkisyanın Baş nazir Nikol Paşinyanla görüşü baş tutub", - deyə məlumatda bildirilir.
Qeyd olunur ki, tərəflər Ermənistandakı vəziyyəti müzakirə ediblər.
Xatırladaq ki, ötən gün Ermənistanda müxalifət liderlərinin əksəriyyəti həbs olunub. Paşinyan isə Azərbaycan və Rusiya ilə birgə bəyanatı imzalayandan sonra iş yerinə getmirdi. Çünki Baş nazirin ofisi müxaliflər tərəfindən dağıdılmışdı.