Bayraq

Şuşa azad olunan gün necə qeyd olunmalıdır - TƏKLİF

66
(Yenilənib 08:21 12.11.2020)
Millət vəkili: "Qarabağ tamamilə işğaldan azad olunduqdan sonra ola bilər ki, Qələbə Günü məhz 8 noyabr olsun"

Nigar İsgəndərova, Sputnik Azərbaycan

BAKI, 12 noyabr — Sputnik. Noyabrın 8-də Azərbaycanın müzəffər Ordusu Şuşa şəhərini də işğaldan azad edib. Tarix boyu Azərbaycan üçün xüsusi əhəmiyyətə malik olan Şuşanın işğaldan azad olunması respublikanın hər yerində xüsusi təmtəraqla, coşqu ilə qeyd olundu.

Torpaqlarımızın azadlığı uğrunda 27 sentyabrdan başlayan döyüşlər, demək olar ki, Şuşa istiqamətində gedən döyüşlərlə özünün ən pik həddinə çatdı.

Millət vəkili Tahir Kərimli Sputnik Azərbaycan-a açıqlamasında 8 noyabrın ayrıca bir gün kimi xüsusiləşməsinə ehtiyac olduğunu deyir: "Qarabağ tamamilə işğaldan azad olunduqdan sonra ola bilər ki, Qələbə Günü məhz 8 noyabr ola, yaxud da bu gün ermənilər üçün tamamilə Kapitulyasiya günü hesab oluna bilər. Yəni, hələlik bu haqda düşünmək bir qədər tez olsa da, onu qeyd edim ki, 8 noyabr xüsusi bir gün kimi mütləq qeyd olunmalıdır. Çünki Şuşanın işğaldan azad olunması bizim üçün xüsusi önəm daşıyır. Əslində, elə Şuşanın alınması bizim ən böyük qələbəmizdir. Ən azı, bu günün Şuşanın işğaldan azad olunması günü kimi qeyd olunmasını istəyirəm".

66
Mövzu:
Azərbaycan və Ermənistan arasında müharibə (1120)
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

69
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

69
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

41
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

41
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ