BAKI, 6 noyabr — Sputnik. Rusiya Prezidenti Vladimir Putin bu ölkənin Təhlükəsizlik Şurasının daimi üzvləri ilə Dağlıq Qarabağ ətrafında vəziyyəti müzakirə edib. Sputnik Azərbaycan "RİA Novosti"-yə istinadən xəbər verir ki, bunu Rusiya prezidentinin mətbuat katibi Dmitri Peskov bildirib.
"Qarabağ ətrafında vəziyyətə, həmçinin nizamlanma üzrə səylərə dair fikir mübadiləsi davam edib", - deyə Peskov qeyd edib.
O, həmçinin bildirib ki, iclas zamanı Rusiyada koronavirus epidemiyası ilə bağlı vəziyyət, həmçinin sosial-iqtisadi inkişafa dair məsələlər də müzakirə edilib.
