Rusiya Donanmasına məxsus gəmi, arxiv şəkli

Rusiyalı politoloq: "ABŞ-ın Rusiyaya təzyiqi qəbuledilməzdir"

46
"Burada biz həmişəki kimi ikili standartlarla üz-üzəyik, birinə nəyisə etmək olar, o birinə yox. ABŞ-ın bütün bu açıqlamaları ikili diplomatiya yürütmək nümunəsidir".

BAKI, 6 noyabr — Sputnik. Rusiya Xarici İşlər Nazirliyi ABŞ-ın Kiprdən Rusiya Donanmasına məxsus gəmiləri öz limanlarına buraxmamaq tələbinə cavab verib. Politoloq, Ali İqtisadiyyat Məktəbinin professoru Oleq Matveyçev Sputnik radiosunun efirində Vaşinqtonun bu cür təzyiqlərinin qəbuledilməz olduğunu vurğulayıb.

Rusiya Xarici İşlər Nazirliyinin rəsmi nümayəndəsi Mariya Zaxarova ABŞ Dövlət katibinin hərbi-siyasi məsələlər üzrə köməkçisi Klark Kuperin Rusiya gəmilərinin Kipr limanlarına qəbulu ilə bağlı sözlərini şərh edib.

Qeyd edək ki, bir qədər bundan əvvəl Kuper ABŞ-ın Kiprin Rusiya hərbi gəmilərinin limanlara daxil olmasının qarşısını almaq üçün heç bir tədbir görməməsindən məmnun olmadığını dilə gətirmişdi. Onun sözlərinə görə, əgər Kipr Rusiya gəmilərinin limandan keçməsinə icazə verməsə, ABŞ-la müdafiə sahəsində daha çox əməkdaşlıq etmək imkanı qazanar.

Zaxarovanın sözlərinə görə, Vaşinqtonun hər hansı bir ölkə ilə qarşılıqlı əlaqələrin inkişafı üçün şərt kimi Rusiya Federasiyası ilə əməkdaşlığın pozulmasını irəli sürdüyü ilk dəfə müşahidə edilmir.

"Bu cür yanaşma istənilən dövlətin müstəqil xarici siyasət yürütmək hüququna ziddir", – deyə Zaxarova brifinqdə bildirib.

Politoloq, Ali İqtisadiyyat Məktəbinin professoru Oleq Matveyçev də Sputnik radiosunun efirində Vaşinqtonun bu cür təzyiqlərinin qəbuledilməz olduğunu vurğulayıb.

"Ortada öz qarşılıqlı maraqları çərçivəsində hərəkət edən iki suveren dövlət var: Rusiya və Kipr. Gəmilərlə və ya gəmilərsiz, bunun Amerikaya dəxli yoxdur. ABŞ başqa bir ölkənin işinə qarışır, daha doğrusu, bir deyil, iki ölkənin – Kiprin və Rusiyanın. Bu isə yolverilməzdir. Halbuki ABŞ özü heç bir dövlətə imkan verməz ki, onun daxili məsələsinə qarışsın. Burada biz həmişəki kimi ikili standartlarla üz-üzəyik, birinə nəyisə etmək olar, o birinə yox. ABŞ-ın bütün bu açıqlamaları ikili diplomatiya yürütmək nümunəsidir. Bunun yalnız bir cavabı var: hər hansı bir Amerika "resepti"ndən açıq şəkildə imtina etməklə, suverenliyini təsdiqləmək. Əgər onlar (amerikalılar – red.) həyasızcasına nəyi isə bəyan edirlərsə, buna qətiyyən məhəl qoyulmamalıdır", – deyə Oleq Matveyçev bildirib.

46
Baş Prokurorluq

Baş Prokurorluq əhaliyə müraciət etdi - səbirli olun

3
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

3
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər

Topçu Vüsal məsələsində son nöqtə qoyuldu - "Məqsədimiz..."

24
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

24