AVRO 2020-nin loqosu, arxiv şəkli

UEFA AVRO-2020-nin taleyi barədə: turnir bir ölkədə keçirilə bilər

21
(Yenilənib 23:44 02.11.2020)
AVRO-2020 yayda Avropanın 12 şəhərində keçirilməli idi. Adı dəyişdirilməyən turnir pandemiya səbəbindən 2021-ci il iyunun 11-dən iyulun 11-dək keçiriləcək

Futbol üzrə 2020-ci il Avropa çempionatının hələlik ilkin variant üzrə keçirilməsi planlaşdırılır, amma belə də mümkündür ki, oyunlar ancaq bir ölkədə keçirilsin.

Bu barədə RİA Novosti-nin turnirin tamamilə Rusiyada keçirilməsi barədə sualına cavab olaraq UEFA-nın nümayəndəsi bildirib.

Bazar ertəsi Fransanın Le Parisien nəşri yazmışdı ki, UEFA koronavirus pandemiyası səbəbindən 2021-ci ilə təxirə salınan AVRO-2020-nin bir ölkədə keçirilməsi variantını nəzərdən keçirir və bu bir ölkə Rusiya ola bilər. Nəşrin məlumatına görə, UEFA koronavirusla bağlı vəziyyəti diqqətlə izləyir və hesab edir ki, hazırkı epidemiya şəraitində turniri əvvəl planlaşdırıldığı kimi 12 şəhərdə keçirmək mümkün deyil. Qeyd olunur ki, AVRO-2020-nin keçirilməsinə etibarlı iddiaçı Rusiya ola bilər, çünki 2018-ci ildə bu ölkə dünya çempionatını da uğurla təşkil etmişdi.

"Bu günə plan belədir ki, biz AVRO-nu planlaşdırdığımız kimi keçirək, ancaq deyə bilərəm ki, biz bu turniri on bir, səkkiz, beş və ya bir ölkədə keçirə bilərik", - Le Parisien-in xəbəri ilə bağlı Avropa çempionatının tamamilə Rusiyada keçirilməsinə dair RİA Novosti-nin sualına cavabında UEFA nümayəndəsi deyib.

AVRO-2020 yayda Avropanın 12 şəhərində keçirilməli idi. Adı dəyişdirilməyən turnir pandemiya səbəbindən 2021-ci il iyunun 11-dən iyulun 11-dək keçiriləcək. Plan üzrə oyunları Bakı, Budapeşt, Münhen,  Kopenhagen, Dublin, Bilbao, Roma, Amsterdam, Sankt-Peterburq, Buxarest, Qlazqo və London qəbul etməlidir. Londonun "Uembli" stadionunda o cümlədən həlledici oyunlar - yarımfinallar və final keçirilməlidir. Sankt-Peterburq AVRO-nun qrup mərhələsinin 3 oyununu və bir dörddəbir final oyununu qəbul etməlidir.

21
Teqlər:
futbol, Rusiya, UEFA, AVRO-2020
Əlaqədar
Bakının AVRO-2020-yə ev sahibliyi edəcək şəhərlərin siyahısından çıxarılacağı iddia edildi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
Təxribat futbola da sızdı: Elxan Məmmədov UEFA-ya şikayət edəcək
UEFA tamaşaçıları Çempionlar Liqasının oyunlarına buraxa bilər
 Pantsir-S1 zenit-raket kompleksi

Türkiyə "Pantsir-S1"-ə bənzəyən hədəfin məhv edildiyi video nümayiş etdirib

4
(Yenilənib 20:55 23.04.2021)
Türkiyənin xarici işlər naziri Mövlud Çavuşoğlu ölkəsinin Ukraynaya döyüş PUA-larını heç bir şərt olmadan satdığını və müqavilənin Rusiyaya qarşı yönəlmədiyini bildirib.

BAKI, 23 aprel — Sputnik. Türkiyənin "Roketsan" hərbi sənaye şirkəti "Twitter"də ən yeni "Akıncı" pilotsuz uçuş aparatının səhrada MAM-T tipli "ağıllı bombalarla" Rusiyanın "Pantsir-S1" zenit-raket top kompleksinə bənzəyən hədəfi məhv etdiyi animasiya videoçarxını nümayiş etdirib. Sputnik Azərbaycan Rusiya mediasına istinadən xəbər verir ki, bir qədər əvvəl "Roketsan" adı çəkilən ağıllı sursatların ilk uğurlu sınağı barədə məlumat yayıb.

Xatırladaq ki, RF telekanallarından birində yayımlanan "Vesti nedeli" (Həftənin xəbərləri) verilişində bu ölkənin istehsalı olan "Lanset" PUA-nın üzərində Türkiyə SQ emblemi olan "Bayraktar" PUA-ya bənzər hədəfin məhv edildiyi animasiya videoçarxı nümayiş olunub.

​Qeyd edək ki, Türkiyədə PUA-ların aparıcı istehsalçısı olan "Baykar" şirkətindən Ukraynanın artıq "Bayraktar" həmlə PUA-larını aldığı barədə məlumat verilib.

Hərbi ekspert Viktor Muraxovski bildirib ki, Ukrayna Prezidenti Vladimir Zelenskinin aprelin 10-da Türkiyəyə etdiyi səfərin məqsədlərindən biri "Akıncı" həmlə PUA-larının alınması cəhdi ola bilər.

Qeyd edək ki, Türkiyə xarici siyasət idarəsinin rəhbəri Mövlud Çavuşoğlu ölkəsinin Ukraynaya döyüş PUA-larını heç bir şərt olmadan satdığını və müqavilənin Rusiyaya qarşı yönəlmədiyini bildirib.

4
Teqlər:
video, "Pantsir" zenit raket-top kompleksi, Baykar Makina, PUA, Türkiyə
Ofisdə iş, arxiv şəkli

İşsizlər üçün gözlənilən sistem yaxın vaxtlarda istifadəyə veriləcək

2
(Yenilənib 20:50 23.04.2021)
Yaxın vaxtlarda test rejimində fəaliyyətə başlayacaq ƏMAS ölkə üzrə bütün işəgötürənlər üçün funksional bir "ERP" formatını ehtiva edəcək.

BAKI, 23 aprel — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən rəqəmsal məşğulluğa keçid istiqamətində mühüm layihələrdən olan əmək münasibətləri və məşğulluq altsistemi (ƏMAS) yaxın vaxtlarda test rejimində fəaliyyətə başlayacaq. Bu barədə nazirlikdən Sputnik Azərbaycan-a verilən məlumatda bildirilib.

Agentliyin sədri Mustafa Abbasbəyli qurumun fəaliyyət istiqamətləri və həyata keçirdiyi aktiv məşğuluq proqramları barədə məlumat verib. O, rəqəmsal məşğulluğa keçid və xidmətlərin elektronlaşdırılması istiqamətində icra olunan 8 layihəni qeyd edib. Bildirib ki, bunlar ƏMAS, ölkənin məşğulluq xəritəsi, məşğul şəxslərin ölkə üzrə reyestri, qeyri-formal məşğulluğa nəzarət informasiya ehtiyatı, səyyar yoxlama və monitorinq sistemi, elektron əmək birjası və yarmarkası, həmçinin ictimai işlər portalıdır (works.gov.az).

Qeyd olunub ki, yaxın vaxtlarda test rejimində fəaliyyətə başlayacaq ƏMAS ölkə üzrə bütün işəgötürənlər üçün funksional bir "ERP" formatını ehtiva edəcək. Əmək müqaviləsinin e-formada bağlanması, rəqəmsal kadr-uçot sisteminin yaradılması, əməyin təşkili və mühafizəsində beynəlxalq standartların tətbiqi, əməyin ödənilməsində qanunvericiliyin tələblərinin gözlənilməsi və bu sahədə dövlət siyasətinin həyata keçirilməsinin dəstəklənməsində ƏMAS önəmli rol oynayacaq. Vakansiya bankının daha təkmil formalaşdırılması və xüsusi alqoritmlər vasitəsilə işəgötürən üçün işçi, işçi üçün isə işəgötürən seçimi təşkil ediləcək.

Daha sonra insan resursları üzrə məsul şəxslərin sualları cavablandırılıb, təklifləri dinlənilib.

2