Azərbaycan hərbçiləri, arxiv şəkli

İsmayıllıda qəhrəman yolu gözləyən Bağdagül xanım: "Sizin iki ananız var - Vətən mən"

105
(Yenilənib 16:13 29.10.2020)
"Bu xəbəri eşidəndə sevindiyimdən ağladım. Bizim oğlumuzun qəhrəmanlığı ilə bağlı video hazırlandığından xəbərimiz yox idi. Kəndimizin uşaqları bu videonu Nazirliyin saytında görüb kiçik oğlum Azərin telefonuna göndərmişdilər"

Zülfiyyə Quluyeva, Sputnik Azərbaycan

BAKI, 29 oktyabr — Sputnik. Müharibə başlayandan Azərbaycanın bütün bölgələri kimi İsmayıllı rayonu da Ordumuza dəstəyi ilə seçilir. Azsaylı xalqların dinc şəraitdə yaşadığı İsmayıllı rayon sakinləri döyüşlərdə könüllü iştirakı, qəhrəmanlıqları ilə də fərqlənməyi bacarırlar.

Bu günlərdə Azərbaycan Müdafiə Nazirliyi Ermənistan Silahlı Qüvvələrinin 19 canlı qüvvəsini məhv edən, İsmayıllının Quşencə kəndindən könüllü olaraq Orduya xidmətə gedən Bəşirov Araz Adil oğlunun qəhrəmanlığını əks etdirən videoçarx hazırlayıb. Videoçarxda bildirilir ki, baş çavuş Bəşirov Araz Adil oğlu torpaqlarının azadlığı uğrunda gedən döyüşlərdə verilən tapşırıqları layiqincə yerinə yetirərək Ermənistan ordusunun 19 canlı qüvvəsini snayper tüfəngi ilə məhv edib.

Sputnik Azərbaycan qəhrəman əsgərimizin valideynlərinin təəssüratını öyrənib. Araz Bəşirovun anası, Quşencə kənd sakini Bağdagül Bəşirova Sputnik Azərbaycan-a açıqlamasında oğlu ilə nəinki özünün, bütün İsmayıllı camaatının fəxr etdiyini söyləyib: "Bu xəbəri eşidəndə sevindiyimdən ağladım. Bizim oğlumuzun qəhrəmanlığı ilə bağlı video hazırlandığından xəbərimiz yox idi. Kəndimizin uşaqları bu videonu Nazirliyin saytında görüb kiçik oğlum Azərin telefonuna göndərmişdilər. Arzum budur ki, bütün əsgərlərimiz mənim oğlum kimi qəhrəmanlıq göstərərək, baş ucalığı ilə evlərinə qayıtsınlar". 

B.Bəşirova ilə söhbət əsnasında öyrənirik ki, üç övladı var. Qəhrəmanlığı ilə tarix yazan Araz isə evin böyük uşağıdır:

"Üç övladım var. İkisi oğlan, biri qız. Araz müharibə başlayandan Orduya könüllü yazılıb. Sentyabrın 27-də Azərbaycan əks-hücuma başlayıb. Oğlum Araz həmin gün könüllü qeydiyyatdan keçib. Sentyabrın 30-da isə döyüşə yollanıb. Onun könüllü orduya yazıldığını eşidəndə fəxr hissi keçirdim. Mənə dedi ki, indi Vətənə onun kimi sərrast atmağı bacaran əsgər lazımdır. Elə əsgərlikdə də snayper olub. Bir ana kimi bu gün başım ucadır. Bizim oğullarımız Orduya getməsələr, kim qoruyacaq bu torpaqları?"

Qəhrəman anası deyir ki, Arazın dekabrın 1-də 25 yaşı tamam olacaq. Övladlarını vətənpərvər ruhda tərbiyə edən Bağdagül ana deyir ki, hələ övladları körpə ikən onlara iki analarının olduğunu başa salıb: "Deyirdim ki, sizin iki ananız var. Vətən və mən. O biri oğlum da hərbi xidməti başa vuraraq evə dönüb. O da Orduya getmək üçün can atır".

Arazın qəhrəmanlığı qohum-əqrabanın da sevincinə səbəb olub. B.Bəşirova hamının onlara gözaydınlığı verdiyini söyləyir.

Arazın atası Adil Bəşirov da sevincindən evə-eşiyə sığışmır: "Oğlum torpaqlarımızın azadlığı uğrunda qəhrəmanlıq göstərir. Belə oğulun atası, sizcə, necə olar? Oğlum nəinki mənim, bütün İsmayıllının başını uca edir. Allah bütün əsgərlərimizi qorusun".

B.Bəşirova oğlu Arazla üç gündür ki, danışmadığını desə də, Ordumuzun qələbə xəbərlərinin onu ovutduğunu söyləyir: "Araz telefonla çox qısa danışır. Hər şeyin yaxşı olduğunu, Ordumuzun ancaq irəli getdiyini söyləyir".

Bağdagül Bəşirova deyir ki, kənd camaatı Arazın gəlişini səbirsizliklə gözləyir: "Kəndimiz Arazın qəhrəmanlığı ilə fəxr edir. Kənd camaatı deyir ki, torpaqlarımızı azad edib zəfər qazanandan sonra Arazın gəlişini toy kimi qarşılayacaqlar. Bir ana üçün bu sözləri eşitməyin nə qədər qürurverici olduğunu isə sözlə ifadə etmək mümkün deyil. Bu hissi övladı döyüşdə olan bütün analara arzu edirəm!"

105
Mövzu:
Azərbaycan və Ermənistan arasında müharibə (1127)
Əlaqədar
Çağırsa ellər, gedərəm davaya - Azərbaycan kişisi evə yox, səngərə tələsir - REPORTAJ
Yelena Parxomenko: Özümü azərbaycanlı hesab edir və Qarabağda qələbə gözləyirəm
Bir ay cəbhədə: Bakılılar əsgərlərimizə nə arzulamaq istədilər – video
Böyük köçün astanasında - "Zəngilana qayıtmaq üçün yalnız bir şərtim var..."
Bir ailədən üç əsgər ön cəbhədə: Tat icması qələbə xəbərini dörd gözlə gözləyir – video
PPX avtomobili, arxiv şəkli

Bakı sakini küçədə qətlə yetirilib

19
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

19
Teqlər:
cinayət, istintaq, Bakı, qətl, Xətai rayonu, Xətai
Здание МИД Франции

Rəsmi Parisdən bəyanat : Fransa "Dağlıq Qarabağ Respublikası"nın müstəqilliyini tanımır

66
(Yenilənib 00:45 27.11.2020)
Fransa Xarici İşlər Nazirliyi bəyan etdi: Fransa özünü müstəqil elan etmiş “Dağlıq Qarabağ Respublikası”nı tanımır

BAKI, 27 noyabr - Sputnik. Rəsmi Paris “Dağlıq Qarabağ Respublikası”nın müstəqilliyini tanımır.

Sputnik Azərbaycan APA-ya istinadla xəbər verir ki, bu barədə Fransa Xarici İşlər Nazirliyinin brifinq zamanı yayımlanmış açıqlamasında deyilir.

“25 noyabrda Senat qətnamə qəbul edib və bu qətnamədə öz müstəqilliyini elan etmiş “Dağlıq Qarabağ Respublikası”nın tanınması ilə bağlı Fransa hakimiyyətinə çağırış edilib. Səsvermədən əvvəlki müzakirələr zamanı Xarici İşlər Nazirliyinin Dövlət katibi Jan-Batist Lemuan Fransa hökumətinin bu mövzuda mövqeyini bir daha xatırladıb – Fransa özünü müstəqil elan etmiş “Dağlıq Qarabağ Respublikası”nı tanımır”, - deyə məlumatda qeyd olunub.

Xatırladaq ki, noyabrın 25-də Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Azərbaycan və Türkiyənin rəsmi dairələri bu qərara ciddi təpki göstəriblər. Azərbaycanın Milli Məclisi 26 noyabrda Fransaya etiraz bəyanatı ünvanlayıb. Xarici İşlər Nazirliyi isə Fransaya nota verib və Fransa səfirini nazirliyə çağıraraq bu barədə onu bilgiləndirib.   

66
Teqlər:
Azərbaycan XİN, Milli Məclis, Dağlıq Qarabağ, Fransa, Paris