Lənkəranda bir qrup gənc cəbhədəki əsgərlər üçün pay göndərib

Lənkəranlı gənclərdən unikal addım - FOTO

298
“Bundan sonra yenə də layihədə iştirak etmək üçün pul vəsaiti köçürülərsə, həmin məbləği Müdafiə Nazirliyinin fonduna köçürəcəyik”

Rahim Muradov, Sputnik Azərbaycan

BAKI, 14 oktyabr — Sputnik. Lənkəranda bir qrup gənc cəbhədəki əsgərlər üçün pay göndərib. “Əsgər payı” adlanan layihə üçün bank hesabı da açılıb.

Layihə rəhbəri Cabir Baxşıyevin Sputnik Azərbaycan-a verdiyi məlumata əsasən, layihədə rəhbərlik etdiyi özəl təhsil müəssisəsinin müəllimləri ilə yanaşı, bir neçə Lənkəran sakini də iştirak edib: “Ümumilikdə 2 min manata yaxın məbləğ yığıldı. Bu vəsaitə əsgərlərimiz üçün əlcək, papaq, corab, siqaret, su, meyvə və digər ərzaq məhsulları alındı. Ötən gün dostlarımızın şəxsi avtomobillərində “Əsgər payı”mız cəbhədə vətənimizi işğalçılardan azad edən qardaşlarımız üçün aparıldı. 

  • Lənkəranda bir qrup gənc cəbhədəki əsgərlər üçün pay göndərib
    © Sputnik / Rahim Murad
  • Lənkəranda bir qrup gənc cəbhədəki əsgərlər üçün pay göndərib
    © Sputnik / Rahim Murad
  • Lənkəranda bir qrup gənc cəbhədəki əsgərlər üçün pay göndərib
    © Sputnik / Rahim Murad
1 / 3
© Sputnik / Rahim Murad
Lənkəranda bir qrup gənc cəbhədəki əsgərlər üçün pay göndərib

Ümumilikdə layihədə təxminən 35 nəfər iştirak edən var idi. Bildirim ki, əsgərlərimiz üçün sovqat göndəriləndən sonra yenidən layihəyə qoşulmaq istəyənlər var. Bundan sonra yenə də layihədə iştirak etmək üçün pul vəsaiti köçürülərsə, həmin məbləği Müdafiə Nazirliyinin fonduna köçürəcəyik”.

Xatırladaq ki, bu ilin aprel ayında Cabir Baxşıyev və bir qrup gənc koronavirus pandemiyasının ölkəmizdə ilk yayıldığı dövrdə Lənkəranda aztəminatlı ailələr üçün yardım kampaniyası çərçivəsində bir neçə ailəyə ərzaq yardımı ediblər.

298
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

20
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

20
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

34
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

34