Ağcaqanadlar, arxiv şəkli

Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək

27
(Yenilənib 15:38 25.09.2020)
İnfeksionist Natiq Əliyev: "Türkiyədə yayılmış bu ağcaqanadlar Azərbaycan ərazisində görülməyib və COVID-19-la əlaqədar heç bir təhlükəsi də yoxdur".

BAKI, 25 sentyabr — Sputnik. Son günlər Türkiyədə bu vaxtadək rast gəlinməmiş çox təhlükəli Asiya pələng ağcaqanadları aşkarlanıb. Onlar son dərəcə təhlükəli xəstəlik daşıyıcıları hesab edilirlər. Bu ağcaqanadlar digərlərindən daha aqressivdirlər və Zika virusu, sarı titrətmə kimi xəstəlikləri daşıya bilərlər.

Hazırkı dövr Azərbaycan üçün də çox həssas bir dönəm hesab edilir. Maraqlıdır, belə bir dönəmdə bu ağcaqanadlar, eyni zamanda da digər həşəratlar ölkəmiz üçün hansısa təhlükə mənbəyi ola bilərmi?

Mərkəzi Neftçilər Xəstəxanasının infeksionisti, COVID-19 xəstələrinin müalicəsi prosesində artıq uzun müddətdir ki, yaxından iştirak edən Natiq Əliyev Sputnik Azərbaycan-a açıqlamasında deyib ki, ümumiyyətlə, heç bir həşəratın COVID-19-la bağlı təhlükəsi yoxdur. Çünki onlar daşıyıcı funksiyasını yerinə yetirmədikləri üçün bir insandan digərinə COVID-19-u yaya bilməzlər.

"Türkiyədə yayılmış bu ağcaqanadlar Azərbaycan ərazisində görülməyib və COVID-19-la əlaqədar heç bir təhlükəsi də yoxdur. Sadəcə olaraq belə ağcaqanadlar müəyyən zoonotik xəstəliklərin yayılması üçün şərait yarada bilər. Hələlik isə Azərbayanda belə bir təhlükə də görülmür", - deyə infeksionist bildirib.

Payız-qış fəsli gəldiyi üçün kəskin respirator virusların yayılma ehtimalı var, deyə N.Əliyev bildirir ki, COVID-19 yuxarı tənəffüs yolu xəstəlikləri olub hava-damcı yolu ilə keçir və onun heyvandan insana keçmə faktı bu günədək aşkarlanmayıb.

27
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

20
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

20
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

34
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

34