Koronavirusа qarşı peyvənd, arxiv şəkli

Belarus koronavirus vaksininin sınaqlarına hazırlaşır

10
(Yenilənib 19:38 17.09.2020)
Minsk və Moskva "Sputnik V" vaksininin sınaqlarının üçüncü mərhələsində Belarusun da iştirakı barədə razılığa gəliblər.

BAKI, 17 sentyabr — Sputnik. Belarus Rusiyanın koronavirus əleyhinə vaksininin klinik sınaqları üçün sənədlər paketini alıb.

Sputnik Azərbaycan Belarus Respublikası Səhiyyə Nazirliyinin "Telegram" kanalına istinadən xəbər verir ki, hazırda əldə olunmuş sənədlər araşdırılır. 

Ekspert qrupunun tərkibinə "Səhiyyə Ekspertiza və Sınaq Mərkəzi" müəssisəsinin əməkdaşları, həmçinin epidemiologiya və infeksion xəstəliklər üzrə aparıcı mütəxəssislər daxildir. Onlar preparatın "effektivliyinə və təhlükəsizliyinə dair etibarlı məlumatların əldə edilməsi" imkanını qiymətləndirməli, eləcə də sınaqla bağlı etik məsələləri nəzərdən keçirməlidirlər.

Koronavirus vaksini, arxiv şəkli
© REUTERS / Dado Ruvic / Illustration / File Photo

"Vaksin sınağının ikili gizli plasebo-nəzarət formasında keçirilməsi planlaşdırılır. Bu sınaq Rusiya Federasiyası ərazisində aparılan "Qam-KOVİD-Vak" vaksinin irimiqyaslı tədqiqatının bir hissəsi olacaq", — Səhiyyə Nazirliyi bildirir.

Belarusdakı sınaqlarda yüzə yaxın könüllü iştirak edəcək. Arzu edənlər tədqiqat meydançaları kimi seçilmiş təşkilatlarının saytlarında müraciət edə bilərlər.

Bundan əvvəl Minsk və Moskva "Sputnik V" vaksininin sınaqlarının üçüncü mərhələsində Belarusun da iştirakı barədə razılığa gəliblər.

"Sputnik V" vaksininin sınaqları zamanı iştirakçıların 100 faizində davamlı humoral və hüceyrə səviyyəsində immun cavabı formalaşıb və onlarda heç bir meyar üzrə ciddi arzuolunmaz hal yaranmayıb. Bununla yanaşı, peyvənd edilmiş könüllülərdə virusu neytrallaşdıran anticisimlərin səviyyəsi sağalmış insanlardakı anticisimlərin səviyyəsindən 1,4-1,5 dəfə artıq olub.

10
Teqlər:
Belarus, vaksinasiya, vaksin

Gəncə istiqamətində Ermənistanın PUA-sı məhv edildi

5
(Yenilənib 19:23 20.10.2020)
Oktyabrın 20-də axşam saatlarında Gəncə istiqamətində Ermənistan silahlı qüvvələrinə məxsus PUA Hava Hücumundan Müdafiə bölmələrimiz tərəfindən məhv edilib.

BAKI, 20 oktyabr - Sputnik. Gəncə istiqamətində Ermənistanın PUA-sı məhv edilib.

Müdafiə Nazirliyindən Sputnik Azərbaycan-a verilən məlumata görə, oktyabrın 20-də axşam saatlarında Gəncə istiqamətində Ermənistan silahlı qüvvələrinə məxsus PUA Hava Hücumundan Müdafiə bölmələrimiz tərəfindən vurulub.

Qeyd edək ki, bu gün Azərbaycanın Prezidenti, Ali Baş Komandan İlham Əliyev xalqa müraciəti zamanı işğaldan azad edilən növbəti yaşayış məntəqələrimizin adlarını açıqlayıb.

Belə ki, oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

5
Əlaqədar
MN: Ermənistana məxsus taktiki PUA Tovuz üzərində məhv edildi
Qarşı tərəfə məxsus daha bir PUA məhv edilib
Dünya azərbaycanlıları Gəncə terroru barədə dünyaya car çəkib
Türk ulduzları Gəncə terroruna səssiz qalmayıblar
Gəncə terrorunda gözlərini itirən Pərvin - "O, bir daha balalarını görə bilməyəcək"
“Professor Gül” gəmi-bərəsi, arxiv şəkli

Bakı limanında gəmilər sevinc fiti verdilər

5
Bakı portundakı gəmilər Zəngilanın Azərbaycan Silahlı Qüvvələri tərəfindən işğaldan azad edilməsi şərəfinə fit veriblər.

BAKI, 20 oktyabr — Sputnik. Bakı portundakı gəmilər Zəngilan şəhəri və digər yaşayış məntəqələrimizin Azərbaycan Silahlı Qüvvələri tərəfindən işğaldan azad edilməsi şərəfinə fit veriblər.

Bu barədə Sputnik Azərbaycan-a hadisənin şahidi olan sosial şəbəkə istifadəçiləri məlumat veriblər.

Qeyd edək ki, bu gün Azərbaycanın Prezidenti, Ali Baş Komandan İlham Əliyev xalqa müraciəti zamanı işğaldan azad edilən növbəti yaşayış məntəqələrimizin adlarını açıqlayıb.

Belə ki, oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

5
Əlaqədar
İyirmi yeddi ildən sonra gələn azadlığın adı - Zəngilan
İşğaldan azad edilmiş Zəngilan şəhərində Azərbaycan bayrağı dalğalanır - VİDEO
Ali Baş Komandan: Zəngilan bizimdir!