Tofiq Yaqublu

Tofiq Yaqublunun səhhətinə zərər gəlməsində maraqlı olan qüvvələr var - Zahid Oruc

711
(Yenilənib 12:52 17.09.2020)
Milli Məclisin İnsan hüquqları komitəsinin bu gün keçirilən iclasında komitə sədri Zahid Oruc: "Əminliklə deyə bilərəm ki, hökumət Tofiq Yaqublunun səhhətinin ağırlaşmasında maraqlı deyil.

BAKI, 17 sentyabr — Sputnik. "Əminliklə deyə bilərəm ki, hökumət Tofiq Yaqublunun səhhətinin ağırlaşmasında maraqlı deyil. Tofiq Yaqublu əyani olaraq tanıdığımız bir insandır".

Sputnik Azərbaycan-ın məlumatına görə, bunu Milli Məclisin İnsan hüquqları komitəsinin bu gün keçirilən iclasında komitə sədri Zahid Oruc deyib.

"Təəssüflər olsun ki, Tofuq Yaqublunun səhhətinə zərər gəlməsində maraqlı olan qüvvələr var", - deyə deputat əlavə edib.

Sentyabrın 3-də Bakının Nizami Rayon Məhkəməsi hakim Nəriman Mehdiyevin sədrliyi ilə Milli Şuranın və Müsavat Partiyasının üzvü Tofiq Yaqublunun 4 il 3 ay həbsə məhkum edilməsi barədə hökm çıxarıb.

Tofiq Yaqublu martın 22-dən həbsdədir. Ona qarşı CM-in 221.3 (silah və ya silah qismində istifadə olunan əşyalar tətbiq etməklə xuliqanlıq etmə) maddəsilə ittiham irəli sürülüb. İddia olunur ki, Tofiq Yaqublu avtomobili ilə qəza törədib, daha sonra o biri maşında olan ər-arvadı – Elxan və Cəvahir Cəbrayılovları döyüb, xəsarət yetirib.

Tofiq Yaqublu ittihamın saxta olduğunu bəyan edib. O, sentyabrın 1-də ölüm aclığı elan edib. Son günlər səhhətində ağırlaşma baş verdiyindən, cəzaçəkmə müəssisəsindən Sity Hospital-a köçürülüb.

711
Teqlər:
Milli Məclis, Zahid Oruc, Tofiq Yaqublu, Tofiq Yaqublu
Əlaqədar
Tofiq Yaqublu və İlqar Məmmədovun adları Əfv Komissiyasına göndərilən siyahıya salınıb
İlqar Məmmədov və Tofiq Yaqublu barəsində məhkəmə qərarı ləğv edilib
Penitensiar Xidmət Tofiq Yaqublu ilə bağlı məlumat yaydı
Tofiq Yaqublu həbs olundu
Şəkidə yanğın zamanı xəsarət alan var – yanğın yerindən eksklüziv kadrlar

Qubada ot tayalarını yandıraraq kəndlilərə ziyan vuran şəxslər müəyyən edilib

0
(Yenilənib 23:28 21.09.2020)
Yeniyetmələr kənd sakinləri arasında şübhə doğurmamaq üçün yanğınları törətdikdən sonra onun söndürülməsində fəallıq göstəriblər.

BAKI, 21 sentyabr — Sputnik. Quba rayonunun Dəlləkli kəndi ərazisində sakinlərə məxsus təsərrüfatlarda ot tayalarında yanğın törədənlərin kimliyi müəyyənləşib.

Daxili İşlər Nazirliyinin Mətbuat Xidmətinin Quba regional qrupundan Sputnik Azərbaycan-ın bölgə müxbirinə verilən məlumata görə, sentyabrın 19-da və 20-də baş verən yanğınların qəsdən törədilməsi şübhə doğurduğundan, dərhal müvafiq araşdırmalara başlanılıb.

Quba Rayon Polis Şöbəsi əməkdaşlarının keçirdikləri təxirəsalınmaz tədbirlərlə yanğınların kənd sakini olan 3 yeniyetmə (azyaşlı olduqlarına görə adları açıqlanmır) tərəfindən törədilməsi müəyyən edilib. Polis əməkdaşları tərəfindən aparılan söhbətlər zamanı onlar törətdikləri əməlləri səmimi etiraf edərək, peşman olduqlarını bildiriblər. Yeniyetmələr kənd sakinləri arasında şübhə doğurmamaq üçün yanğınları törətdikdən sonra onun söndürülməsində fəallıq göstəriblər.

Faktlarla bağlı Quba RPŞ-nin Təhqiqat bölməsində araşdırmalar aparılır.

0
Teqlər:
Quba rayonu, Quba, Daxili İşlər Nazirliyi
Əlaqədar
Qubada müəmmalı yanğınlar baş verib: Polis kəndin girişində post qoyub
Türkiyənin Xarici İşlər naziri Mövlud Çavuşoğlu

Mövlud Çavuşoğlu: "Ermənistanı ağlını başına toplamağa çağırıram"

4
(Yenilənib 23:33 21.09.2020)
Türkiyə Xarici işlər naziri Mövlud Çavuşoğlu Ermənistanı hücumları dayandıraraq, ağlını bağına toplamağa çağırıb.

BAKI, 21 sentyabr — Sputnik. Ermənistanın hücumu nəticəsində bu gün şəhid olan kiçik çavuş Elşən Məmmədova Allahdan rəhmət, ailəsinə və qardaş Azərbaycan xalqına başsağlığı verirəm.

Sputnik Azərbaycan-ın məlumatına görə, Türkiyə Xarici işlər naziri Mövlud Çavuşoğlu bu sözlərlə Azərbaycan xalqı ilə həmrəyliyini ifadə edib.

Nazir sosial şəbəkə hesabından yazıb:

"Ermənistanı hücumları dayandıraraq, ağlını bağına toplamağa çağırıram. Can Azərbaycanın haqlı mübarizəsində daim yanındayıq".

Xatırladaq ki, sentyabrın 21-də saat 09:20 radələrində Ermənistan-Azərbaycan dövlət sərhədinin Tovuz istiqamətində düşmənin növbəti təxribatı nəticəsində Azərbaycan Ordusunun müddətdən artıq həqiqi hərbi hərbi qulluqçusu, 1982-ci il təvəllüdlü kiçik çavuş Məmmədov Elşən Əli oğlu şəhid olub.

4