Balaxanı qəsəbəsində

Balaxanının sədası İtaliyaya da çatdı Bakının kəndi italyanlarda maraq doğurub

573
(Yenilənib 14:50 17.09.2020)
Çoxsaylı internet səhifələrində və sosial media platformalarında Balaxanı qəsəbəsi ilə bağlı yayılan fotolar İtaliyanın məşhur "Si Viaggia" səyahət portalının diqqətini cəlb edib.

Eldar Tanrıverdiyev, Sputnik Azərbaycan

BAKI, 17 sentyabr — Sputnik. Son zamanlar çoxsaylı internet səhifələrində və sosial media platformalarında Balaxanı qəsəbəsi ilə bağlı yayılan fotolar İtaliyanın məşhur "Si Viaggia" səyahət portalının diqqətini cəlb edib. Portalda "Turistləri və blogerləri heyran edən Azərbaycan qəsəbəsi" adlı yazı dərc olunub. Bu barədə Sputnik Azərbaycan-a Azərbaycanın İtaliyadakı səfirliyindən daxil olan məlumatda bildirilir.

Yazıda Azərbaycanın son zamanlarda böyük marağa səbəb olan turizm marşrutlarından birinə çevrildiyi, ölkənin Formula 1 Qran Pri yarışları kimi mötəbər tədbirlərin keçirilməsi ilə müxtəlif televiziya kanallarının və sosial mediada fotolar paylaşan tanınmış blogerlərin böyük marağına səbəb olduğu bildirilir.

Yazıda son dövrlərdə Azərbaycanda turizm sektorunun sürətlə inkişaf etdiyi, məşhur paytaxt Bakı ilə yanaşı, UNESCO-nun Ümumdünya İrs Siyahısına daxil edilmiş Şəkinin, eləcə də Qəbələ və Quba kimi digər şəhərlərin, turizm marşrutları boyunca yerləşmiş çoxsaylı yeni məkanların getdikcə daha çox tanındığı qeyd edilir.

Bu xüsusda, Balaxanı qəsəbəsinin Azərbaycanın incilərindən hesab olunduğu, indiyə kimi o qədər də tanınmış turizm məntəqəsi olmamasına baxmayaraq, qəsəbənin rəngarəng görüntülərinin artıq çoxsaylı internet portallarında, xüsusilə blogerlər tərəfindən "Instagram" sosial media platformasında yer aldığı qeyd olunur. Qeyd olunur ki, Balaxanı dünyanın ən qədim neft hasilatı nöqtələrindən biri kimi tanınır. Məhz burada 1593-cü ildə ilk quyu və 1837-ci ildə ilk neft distillə fabriki inşa edilib və bu səbəbdən də neftlə çirklənmiş ərazilərdən hesab olunurdu. Hazırda isə ərazidə torpağın təmizlənməsi və yenidənqurma işlərindən sonra Balaxanı əvvəlki imicini kökündən dəyişərək Qafqazın kiçik bir incisinə çevrilib.

Balaxanı qəsəbəsində abadlıq işləri
© Photo : Small and Medium Business Development Agency of the Republic of Azerbaijan

Yazıda qeyd olunur ki, bir vaxtlar boz sənaye qəsəbəsi olan Balaxanı bu gün artıq rəngarəng bir məkana çevrilib və tarixi abidələr və mədəniyyət yerləri ilə zəngin olan qəsəbənin turizm idarəsi Balaxanının təbliğini yerli əhalini də cəlb etməklə həyata keçirir. Bildirilir ki, qəsəbənin mərkəzi küçələri abadlaşır, evlərin pəncərələri rəngarəng rənglərlə boyanır, evlərin fasadlarına və girişlərinə maraqlı dekorasiya elementləri yerləşdirilir, qəsəbənin müxtəlif guşələri ənənəvi və ya müasir əşyalarla bəzədilir. Yazıda qəsəbənin ən çox sevilən yerləri arasında arasında gözoxşayan dizayn elementlərinə malik "Coffee shop"un olduğu diqqətə çatdırılır. Qəsəbə haqqında axtarış edərkən sosial mediada ağ və mavi evlərin, gözəl dekorativ elementlərlə bəzədilmiş, kiçik quş yuvaları yerləşdirilmiş divarların fotolarına da rast gəlindiyi bildirilir.

Yazıda bütün bunların fonunda Azərbaycanın "Instagram" blogerlərini heyran edərək davamlı olaraq çoxsaylı "selfie" çəkdirməyə sövq edən bu cür çoxsaylı məkanlarının mövcud olduğu diqqətə çatdırılır.

573
Teqlər:
UNESCO, Bakı, Balaxanı qəsəbəsi, İtaliya
Əlaqədar
Retro maşınlarda Balaxanı küçələrində: qəsəbə bir anlığa retro filmdən bir kadra çevrilib
Haradan haraya! Balaxanı bu dəfə də yeni turizm məkanı kimi
Bakıda buludlu hava, arxiv şəkli

İstirahət gününün havası açıqlandı

4
(Yenilənib 12:41 23.01.2021)
Havanın temperaturu Abşeron yarımadasında gecə 1-3 dərəcə isti, gündüz 6-8, Bakıda gecə 1-3 dərəcə isti, gündüz 6-8 dərəcə isti olacaq.

BAKI, 23 yanvar — Sputnik. Bakıda və Abşeron yarımadasında yanvarın 24-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-qərb küləyi əsəcək. Havanın temperaturu Abşeron yarımadasında gecə 1-3 dərəcə isti, gündüz 6-8, Bakıda gecə 1-3 dərəcə isti, gündüz 6-8 dərəcə isti olacaq. Atmosfer təzyiqi normadan yüksək 770 mm civə sütunu təşkil edəcək, nisbi rütubət gecə 70-80 faiz, gündüz 50-55 faiz olacaq. Azərbaycanın rayonlarında hava şəraitinin əsasən yağmursuz keçəcəyi gözlənilir. Ayrı-ayrı yerlərdə duman olacaq. Qərb küləyi əsəcək. Havanın temperaturu gecə 1-6 dərəcə şaxta, gündüz 7-10 dərəcə isti, dağlarda gecə 5-10 dərəcə şaxta, gündüz 0-5 dərəcə isti olacaq. Gecə və səhər dağlıq və dağətəyi rayonlarda yolların buz bağlayacağı ehtimalı var.

Tibbi-meteoroloji proqnoza gəlincə, yanvarın 24-də meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

4
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

34
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

34