Şəmkirin Zəyəm Cırdaxan kəndində yanğın hadisəsi

Şəmkirdə müəmmalı yanğınlar - Kənd sakinlərinin yuxusu ərşə çəkilib

2397
(Yenilənib 22:28 14.09.2020)
Zəyəm Cırdaxan sakinləri ümid edir ki tezliklə bu yanğında əli olanlar aşkar edilib qanun qarşısında cavab verəcəklər. Yalnız bundan sonra kənd rahat nəfəs alacaq.

İlham Mustafayev, Sputnik Azərbaycan

BAKI, 14 sentyabr — Sputnik. Son günlər Şəmkirin Zəyəm Cırdaxan kəndinin sakinləri gecədən səhərə həyəcan keçirirlər. Yuxularını ərşə çəkən isə kiminsə və ya kimlərinsə gecələr evlərə od vurmasıdır.

Sputnik Azərbaycan-ın bölgə müxbiri xəbər verir ki, bir neçə gün ərzində kənd sakinlərinə məxsus 4 ev, 10-a yaxın mal-qara tövləsi və ot tayaları yandırılıb. Bu səbəbdən 2 min ev, 10 min əhalisi olan kənd sakinləri hamısı narahatdır. Zəyəm Cırdaxanlılar növbəti yanğının onların başına gəlməməsi üçün gecələr oyaq qalırlar. Onlar yanğınların kim və ya kimlər tərəfindən törədilməsinin məlum olmadığını deyirlər. Baş verənlərlə bağlı kənddə müəmmalarla dolu fikirlər dolaşır, videolar paylaşılır, qəribə məxluqun kadrlara düşdüyü iddia olunur.

  • Şəmkirin Zəyəm Cırdaxan kəndində yanğın hadisəsi
    © Sputnik / Ilham Mustafa
  • Şəmkirin Zəyəm Cırdaxan kəndində yanğın hadisəsi
    © Sputnik / Ilham Mustafa
  • Şəmkirin Zəyəm Cırdaxan kəndində yanğın hadisəsi
    © Sputnik / Ilham Mustafa
1 / 3
© Sputnik / Ilham Mustafa
Şəmkirin Zəyəm Cırdaxan kəndində yanğın hadisəsi

Lakin bütün bu kim fərziyyələrə sakinlər özləri də inanmır. Onlar evlərə od vuranın məhz insan olduğunu deyirlər. Amma kimin və ya kimlərin olduğunu isə müəyyən edə bilməyiblər. Evində yanğın olan Nargilə Əhmədova sakinlərin səbəbkarı aşkarlamaq üçün gecələri oyaq qaldıqlarını bildirib:

"Gecə təxminən saat 2 olardı. Nəvəm mənə bildirdi ki evimiz yanır. Baxdım ki, yol tərəfdən ev yanır. Tövlələr və əl damı yandı. İçərisində un, dən, taxılımızın hamısı yandı. Bizdəki artıq dördüncü yanğın idi. Bizdən sonra da neçəsini yandırıblar".

Artıq hadisələrlə bağlı hüquq-mühafizə orqanları araşdırmalara başlayıb. Bunu kənd icra nümayəndəsi İsmayıl Burciyev bildirib. O qeyd edib ki, hadisənin səbəbkarlarının axtarılıb tapılması istiqamətində işlərə başlanıb.

Zəyəm Cırdaxan sakinləri ümid edir ki tezliklə bu yanğında əli olanlar aşkar edilib qanun qarşısında cavab verəcəklər. Yalnız bundan sonra kənd rahat nəfəs alacaq.

2397
Azərbaycan bayrağı, arxiv şəkli

Azərbaycan Odusunun uğurlu əməliyyatı nəticəsində bir sıra kəndlərimiz azad edilib

48
(Yenilənib 14:17 27.09.2020)
Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

BAKI, 27 sentyabr — Sputnik. "Azərbaycan Odusunun uğurlu əməliyyatı nəticəsində bir sıra kəndlərimiz azad edilib".

Sputnik Azərbaycan xəbər verir ki, bu sözləri Müdafiə Nazirliyinin mətbuat katibi, polkovnik-leytenant Anar Eyvazov deyib.

Məlumata görə, Füzulinin 5, Cəbrayılın bir kəndi azad edilib.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

48
Teqlər:
işğal, Azərbaycan kəndləri, Azərbaycan Ordusu, münaqişə, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Səfərbərlik Xidməti məlumat yaydı
Çavuşoğlu və Lavrov Qarabağdakı son durumu müzakirə etdilər
İlham Əliyev Təhlükəsizlik Şurasının iclasını keçirib
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Lavrovun Azərbaycan XİN rəhbəri ilə danışığı hazırlanır
Dövlət Bayrağı meydanı

Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür

7
(Yenilənib 14:06 27.09.2020)
Azərbaycan Respublikasının Silahlı Qüvvələri Ermənistanın növbəti hərbi təcavüzünün qarşısını almaq və təmas xətti boyunca sıx şəkildə yaşayan mülki əhalinin təhlükəsizliyini təmin etmək məqsədilə əks-hücum və cavab tədbirlərini həyata keçirirlər

Eldar Tanrıverdiyev, Sputnik Azərbaycan

BAKI, 27 sentyabr — Sputnik. "Bu ilin 27 sentyabr tarixində Ermənistan silahlı qüvvələri atəşkəs rejimini kobud şəkildə pozaraq, təmas xətti boyunca Azərbaycan Respublikasının mövqelərini, Tərtər rayonunun Qapanlı, Ağdam rayonunun Çiraqlı və Orta Qərvənd, Füzuli rayonunun Alxanlı, Şükürbəyli və Cəbrayıl rayonunun Cocuq Mərcanlı kəndlərini iriçaplı silahlar, minaatanlar və müxtəlif çaplı artilleriya qurğularından atəşə tutaraq, Azərbaycana qarşı növbəti təcavüzə əl atıb".

Sputnik Azərbaycan xəbər verir ki, Azərbaycan Xarici İşlər Nazirliyinin bəyanatında bildirilib.

"Azərbaycan Respublikasının Müdafiə Nazirliyinin məlumatına əsasən, mülki əhali və hərbi qulluqçular arasında həlak olan və yaralananlar var. Çoxsaylı evlərə və mülki obyektlərə ciddi ziyan dəyib.

Azərbaycan Respublikasının Silahlı Qüvvələri Ermənistanın növbəti hərbi təcavüzünün qarşısını almaq və təmas xətti boyunca sıx şəkildə yaşayan mülki əhalinin təhlükəsizliyini təmin etmək məqsədilə özünü müdafiə hüququ çərçivəsində və beynəlxalq humanitar hüquqa tam riayət etməklə əks-hücum və cavab tədbirlərini həyata keçirirlər.

Ermənistan tərəfinin Azərbaycana qarşı növbəti təcavüzü beynəlxalq hüququn fundamental norma və prinsiplərinin, Ermənistan qoşunlarının Azərbaycanın işğal olunmuş ərazilərindən tam və qeyd-şərtsiz çıxarılmasını tələb edən BMT Təhlükəsizlik Şurasının 1993-cü il tarixli 822, 853, 874 və 884 saylı qətnamələrinin, beynəlxalq humanitar hüququn, o cümlədən 1949-cu il Cenevrə Konvensiyaları və onların əlavə protokollarının kobud şəkildə pozulmasıdır.

27 sentyabr tarixində Ermənistanın Azərbaycana qarşı yeni təcavüz aktı son aylar ərzində Ermənistan tərəfinin təxribatları, o cümlədən 12-16 iyul Tovuz istiqamətində hücum cəhdi, 23 avqust Goranboy istiqamətində diversiya-kəşfiyyat təxribatı, Azərbaycanın işğal olunmuş ərazilərində qeyri-qanuni məskunlaşdırma siyasətinin aparılması, eləcə də Ermənistan rəhbərliyinin təhrikçi bəyanatları və fəaliyyətinin davamıdır.

Ermənistan silahlı qüvvələrinin Azərbaycanın işğal olunmuş Dağlıq Qarabağ və ətraf bölgələrində qeyri-qanuni mövcudluğunun regionda sülh və sabitliyə ciddi təhlükə olduğuna yaxşı bələd olan və Ermənistanın Azərbaycana qarşı təcavüzü və işğalçı fəaliyyətinə beynəlxalq hüququn norma və prinsiplərindən irəli gələrək prinsipial mövqe nümayiş etdirən beynəlxalq ictimaiyyət, Ermənistanın Azərbaycana qarşı işğalçılıq siyasətini və təxribatçı əməllərini kəskin şəkildə qınamalı və Ermənistanı beynəlxalq hüquq, o cümlədən beynəlxalq humanitar hüquq öhdəliklərinə əməl etməyə məcbur etməlidir.

Yaranmış vəziyyətə görə tam məsuliyyət Ermənistanın siyasi-hərbi rəhbərliyinin üzərinə düşür", - XİN-in bəyanatında vurğulanıb.

7
Mövzu:
Azərbaycan və Ermənistan arasında müharibə
Əlaqədar
Ermənistan cəbhə boyu təxribat törədib, ölənlər və yaralananlar var
MN: Ermənistan Silahlı Qüvvələrinin atəş nöqtələri susdurulur
Ermənistan ordusunun mərmi atəşi nəticəsində Ağdamda mülki şəxs yaralanıb
Ermənistanda hərbi vəziyyət və səfərbərlik elan edildi
TBMM sədri: "Ermənistan regionda sülh baxımından islaholunmaz terror dövlətidir"