Allahşükür Paşazadə, arxiv şəkli

Niyə məhz Allahşükür Paşazadə - Nobel mükafatının ölkəmizə gəlməsi üçün 2 əsaslı səbəb var

2744
QMİ sədrinin Nobel mükafatına namizədliyinin verilməsinin səbəblərindən biri, Rusiya ilə Çeçenistan müharibəsinin dayandırılmasındakı xidmətləridir.

BAKI, 14 sentyabr — Sputnik. Qafqaz Müsəlmanları İdarəsinin sədri Hacı Allahşükür Paşazadənin Nobel Sülh Mükafatına namizədliyi təsdiqlənib. Bəs görəsən, dünyanın ən məşhur mükafatlarından olan Nobel Sülh Mükafatı hansı kriteriyalara görə təqdim olunur? Beynəlxalq Nobel İnformasiya Mərkəzinin yaradıcısı, vitse-prezidenti, tarix elmləri doktoru Bəybala Ələsgərovla bu barədə danışdıq. Mərkəzin yaradıcısının Sputnik Azərbaycan-a verdiyi məlumata görə, bu mükafat elm adamlarına və ictimai xadimlərə verilir: "Azərbaycanda Nobel İnformasiya Mərkəzi 1996-cı ildə Nazirlər Kabinetinin xüsusi qərarı ilə yaradılıb və dünyada beşinci mərkəz sayılır. Bu vaxta qədər 896 nəfərə Nobel mükafatı verilib. 25-i qadın, digərləri isə kişidir. 39 ölkənin bayrağı dalğalanır. 40-cı biz olacağıq".

Bəybala müəllim bildirir ki, seçilmiş namizədlər oktyabr ayında dünya ekspertlərinə göndəriləcək: "Namizədi biz seçirik. Məsələn, biz bilirik ki, hansısa alimin kəşfi var. Dəvət edirik, ya da özləri müraciət edir. Respublikamızdan 4 təqdimat var. Sonra gizli təqdimat keçirilir. Nobel mükafatının təqdimat prosesi dekabr ayının 10-dan fevral ayının 1-ə qədər davam edir. Bir ay sonra, yəni, oktyabr ayında dünya ekspertlərinə göndəriləcək".

Müsahibimizin sözlərinə görə, namizədlər hər regiondakı ekspert qrupu tərəfindən müəyyən edilir və sənədlər toplanaraq Nobel komitəsinə təqdim olunur: "Bir aydan sonra həmin sənədlər dünya ekspertlərinə göndərilir. Amerika, İngiltərə, Almaniya, Rusiya və s. ölkələrə göndəriləcək. Onlardan müsbət rəy aldıqdan sonra gizli səsvermə keçirilir. Bu da hər il sentyabrın axırı, oktyabrın əvvəlində olur. Seçilmiş namizədlər dekabrın 10-da - İsveçin milli bayramı günündə təqdim olunacaq ".

Həmsöhbətimiz deyib ki, Allahşükür Paşazadənin namizədliyi artıq ikinci dəfə verilir: "Birinci dəfə texniki səhv ucbatından sənədlər qəbul olunmayıb. Bu dəfə isə onun namizədliyi təsdiqlənib. Keçən il Ümumdünya konfransında şeyxin namizədliyini bir daha gündəmə gətirdim. Lazım olan bütün sənədləri də hazırlayıb göndərdim Nobel komitəsinə. Bizə dedilər ki, sənədlər qeydiyyatdan keçdi. İndi qalıb gizli səsvermə".

"Niyə məhz Allahşükür Paşazadə?" sualına Beynəlxalq Nobel İnformasiya Mərkəzinin yaradıcısı belə cavab verib:

"Onun seçilməsinin kriteriyalarından biri, Rusiya ilə Çeçenistan müharibəsinin dayandırılmasındakı xidmətləridir. Bundan başqa, özünün də iştirakı ilə çoxsaylı qanvermə aksiyaları keçirib. Dünyanın 7 ölkəsindən şeyxin mükafatı alması barədə müsbət rəy söylənilib. İlk səs qardaş Türkiyədən gəldi".

"Beynəlxalq Nobel İnformasiya Mərkəzin nəznində ekspert qrupları işləyir. Kimya, fizika, ədəbiyyat və s. üzrə elm adamları Nobel Sülh mükafatına namizəd seçirlər. Əvvəlcə azərbaycanlı eksperlər seçir, sonra dünya eksperlərinə göndəririk. Beynəlxalq Nobel İnformasiya Mərkəzinə çalışırıq gəncləri götürək", - deyə Bəybala Ələsgərov əlavə edib.

Qeyd edək ki, bu vaxta qədər Azərbaycandan 11 nəfər Nobel ödülünə təqdim olunub. Professor Nemət Qasımov 1998-ci ildə Nobeldən 2 səsə görə məhrum olub.

2744
Koronavirus testləri, arxiv şəkli

Azərbaycanda koronavirusa yoluxmada yarıbayarı azalma

3
Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 1 nəfər vəfat edib.

BAKI, 16 iyun — Sputnik. Azərbaycan Respublikasında koronavirus (COVID-19) infeksiyasına 27 yeni yoluxma faktı qeydə alınıb, 162 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 1 nəfər vəfat edib.

İndiyədək ölkədə ümumilikdə 335291 nəfərin koronavirus infeksiyasına yoluxması faktı müəyyən edilib, onlardan 329038 nəfər müalicə olunaraq sağalıb, 4959 nəfər vəfat edib, aktiv xəstə sayı 1294 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 7023, ötən müddət ərzində isə ümumilikdə 3644912 test aparılıb.

Qeyd edək ki, iyunun 15-də Azərbaycan Respublikasında koronavirus (COVID-19) infeksiyasına 68 yeni yoluxma faktı qeydə alınıb, 177 nəfər müalicə olunaraq sağalıb.

Eləcə də oxuyun:

  • Koronavirusa qarşı hansı vaksini vurdurmaq daha yaxşıdır? Mütəxəssisdən faydalı fikirlər
  • ÜST rəhbəri koronavirusun laboratoriya mənşəli olduğunu istisna etmir

3
Teqlər:
statistika, Azərbaycan, Koronavirus, epidemiya, COVID-19
Mövzu:
Azərbaycanda koronavirus: son xəbərlər
AZAL təyyarəsi

Daha yeddi ölkənin vətəndaşlarının Azərbaycana səfərinə icazə verilib - Yeni qərar

11
Nazirlər Kabinetinin bu gün imzaladığı qərara əsasən, iyunun 21-dən daha yeddi ölkənin vətəndaşlarının Azərbaycan Respublikasına səfər etməsinə icazə verilir.

 

BAKI, 16 iyun — Sputnik. İyunun 21-dən daha bir sıra ölkələrin vətəndaşlarının Azərbaycan Respublikasının ərazisinə səfər etməsinə icazə veriləcək.

Sputnik Azərbaycan-ın xəbərinə görə, bu barədə Nazirlər Kabineti yanında Operativ Qərargahın məlumatında bildirilib.

"Ölkəmizdə həyata keçirilən sistemli tədbirlər, həmçinin uğurlu vaksinasiya proqramı nəticəsində Azərbaycanda epidemioloji vəziyyət yaxşılaşmaqda davam edir.

Bununla əlaqədar, Azərbaycan Respublikası Nazirlər Kabineti yanında Operativ Qərargahın qərarına uyğun olaraq, 10 iyun tarixindən epidemioloji vəziyyəti sabit olan bir sıra ölkələrin vətəndaşları üçün hava yolu ilə Azərbaycan Respublikasının ərazisinə səfərlərdə yumşalmalar tətbiq edilib.

Vaksinasiyanın əhatəlilik dairəsinin daha geniş olduğu ölkələrdə epidemioloji vəziyyətin davamlı surətdə yaxşılaşdığını nəzərə alaraq, iyunun 21-dən aşağıda qeyd olunan ölkələrin vətəndaşlarının Azərbaycan Respublikasının ərazisinə səfər etməsinə icazə verilir:

- ABŞ

- Bəhreyn

- Birləşmiş Ərəb Əmirlikləri

- Böyük Britaniya

- İsrail

- Macarıstan

- Qətər

Azərbaycana gəlmək üçün tələblər

Qeyd olunan ölkələrin vətəndaşlarının Azərbaycan Respublikasına səfər etməsi üçün aşağıdakı tələblər gözlənilməlidir:

- yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID Pasport) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənədin təqdim olunması;

- 1 yaşdan 18 yaşadək olan sərnişinlərin uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənədin təqdim olunması.

Yaşı 1 yaşdan aşağı olan uşaqlar üçün COVID pasport və PCR test nəticələrinə dair sənədlər tələb olunmur.

Azərbaycan Respublikasına birbaşa uçuşlar icra edən bütün aviadaşıyıcılar yalnız müvafiq tələblərə cavab verən sərnişinləri qeydiyyata almalıdırlar.

Azərbaycan ərazisinə daxil olarkən sərhəd nəzarətindən keçdikləri zaman müəyyən edilmiş tələblərə cavab verməyən sərnişinlər ölkə ərazisinə buraxılmır və aviadaşıyıcının hesabına həmin reyslə geri qaytarılır", - deyə məlumatda qeyd olunub.

İlk qaranquşlar

Qeyd edək ki, Nazirlər Kabinetinin 5 iyunda imzaladığı qərarından sonra 10 iyun tarixindən etibarən epidemioloji vəziyyətdə müsbət dinamikanın müşahidə edildiyini nəzərə alaraq Rusiya Federasiyası və Türkiyə Respublikasının vətəndaşları hava yolu ilə Azərbaycan ərazisinə səfərinə icazə verilib. Həmin qərara əsasən yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID pasport) və uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması şərti ilə ölkəmizə səfər edə bilərlər. Həmçinin 1 yaşdan 18 yaşadək olan sərnişinlərin uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunmalıdır. Eyni zamanda, 10 iyundan başlayaraq Azərbaycana daxil olmaq üçün bütün 1 yaşdan yuxarı olan sərnişinlərin COVID-19-a dair PCR testin neqativ nəticəsini təsdiq edən rəsmi sənədin müddəti uçuşdan əvvəl 48 saatdan 72 saatadək artırılır. 1 yaşdan aşağı olan uşaqlar üçün COVID pasport və PCR test nəticələrinə dair sənədlər tələb olunmur. Azərbaycan Respublikasına birbaşa uçuşlar icra edən bütün aviadaşıyıcılar yalnız müvafiq tələblərə cavab verən sərnişinləri qeydiyyata almalıdırlar. Azərbaycan ərazisinə daxil olarkən sərhəd nəzarətindən keçdikləri zaman tələblərə cavab verməyən sərnişinlər ölkə ərazisinə buraxılmır və aviadaşıyıcının hesabına həmin təyyarə ilə geri qaytarılır.

Eləcə də oxuyun:

  • Azərbaycanda gəlmə turizmə "yaşıl işıq" - Siyahı artırıla bilər

  • İlham Əliyevin köməkçisi quru sərhədlərinin açılması məsələsinə aydınlıq gətirib

11
Teqlər:
Azərbaycan, icazə, vətəndaş, xarici, uçuş