Kinolent

Azərbaycanda çəkilən yeni film tamaşaçıları ötən əsrə aparacaq

16
(Yenilənib 17:39 14.09.2020)
Filmin quruluşçu rejissoru Əli-Səttar Quliyev bundan əvvəl "Mozalan" studiyasında elə bu kollektivlə "Əlvida Şmit" bədii filmini çəkib.

Şahpəri Abbasova, Sputnik Azərbaycan

BAKI, 11 sentyabr — Sputnik. Mədəniyyət Nazirliyinin sifarişi ilə "Mozalan" studiyası 2-ci tammetrajlı bədii "Olimpiya" adlandırılan filmin çəkilişləri artıq yekunlaşıb. Bu barədə Sputnik Azərbaycan-a danışan filmin icraçı prodüseri Tərlan Babayevin sözlərinə görə, film melodram janrındadır: ""Olimpiya" adlanan bu filmin çəkilişləri Zaqatala, Balakən və Bakıda aparılıb. Quruluşçu rejissor Əli-Səttar Quliyevdir. Filmin süjet xəttini tam açmaq mümkün deyil. "Olimpiya" çox tənha bir insanın qeyri-adi hekayəsidir. Özünü harada tapacağını və harada itirəcəyini heç bilmirsən. "Mozalan" studiyası tərəfindən ikinci tammetrajlı bədii filmin təsvirinə uyğun gələn sırf bu ifadədir. Bu tipik olmayan hekayə keçmiş bir idmançının, 1980-ci ildə Moskvada keçirilən Olimpiya oyunlarında boks üzrə bürünc mükafatçısı, sakit, dinc, eyni zamanda tənha bir insan haqqındadır. Qısa desək, baş qəhraman 30 ildən sonra vacib bir xəbəri eşidərək, həyatı boyu özünə yad olan bütün hisslərlə qarşılaşır və bir müddət həmin hisslərlə yaşayır. İki seçim qarşısında qalan baş qəhraman nəyi seçəcək? Tənhalıqda qalmağı, ya da ki daha maraqlı həyatın qarşısına ilk addımını atmağı?"

Qeyd etdiyimiz filmin quruluşçu operatoru Azərbaycanın Əməkdar mədəniyyət işçisi Nadir Mehdiyevdir. Filmdə respublikanın bir çox tanınmış aktyorları, o cümlədən Xalq artistləri Mabud Məhərrəmov, Hacı İsmayılov, Şamil Süleymanov, Əməkdar artist Rasim Cəfərov, aktyorlardan Kəmalə İsrafilova, Azər Aydəmir, Vüsal Hacıqədir rol alıblar. Filmin baş qəhrəmanı obrazı isə Xalq artisti Qurban İsmayılova həvalə edilib.

O da diqqətə çatdırılıb ki, Rüstəm Babazadənin ssenarisi əsasında çəkilən "Olimpiya" filminin quruluşçu rəssamı Arif Niftiyev, filmin 2-ci rejissoru Akif Rüstəmovdur. Filmin gələn il təhvil verilməsi nəzərdə tutulur. Filmsevərlər bu dəfə ötən əsrin 80-90-cı illərində çəkilən filmlərin ruhuna, ovqatına uyğun yeni bir əsərlə tanış olacaqlar.

Qeyd edək ki, filmin quruluşçu rejissoru Əli-Səttar Quliyev bundan əvvəl "Mozalan" studiyasında elə bu kollektivlə "Əlvida Şmit" bədii filmini çəkib.

16
(0:49 / 5.85Mb / просмотров видео: 3)

Dağıdılmış qəbir daşları Ağcabədi məzarlığının atəşə tutulandan sonrakı videosu

2
Bu gün səhər saatlarından Ermənistan Silahlı Qüvvələri humanitar atəşkəs rejimini pozmaqda davam edib. Atılan mərmilərdən biri İmamqulubəyli kənd qəbiristanlığına düşüb.

Ağcabədinin Hacılar, Qiyaməddinli, Boyat, Arazbar və İmamqulubəyli kəndləri ağır artilleriyadan intensiv atəşə tutulub. Səhər saat 07:00 radələrində atılan mərmilərdən biri İmamqulubəyli kənd qəbiristanlığına düşüb. 7 qəbir daşı dağılıb, xeyli qəbirdə qəlpə izləri əmələ gəlib.

Ağcəbədi atəş altında: Evlər dağınıq, şüşələr paramparça, təsərrüfatlar viran – video >>

Sakinlər Ermənistan Silahlı Qüvvələrinin kəndləri mütəmadi atəşə tutduğunu, lakin heç nədən qorxmadıqlarını bildiriblər.

2
Mövzu:
Azərbaycan və Ermənistan arasında müharibə
Bakı metrosunda maska rejimi

Vəziyyət pisləşsə, tədbirlər sərtləşdiriləcək - Baş infeksionist

2
(Yenilənib 15:04 31.10.2020)
"Operativ Qərərgah tərəfindən epidemioloji situasiya nəzarətə götürülərək təhlil olunur və yoluxma dinamikasının daha da pisləşməsi baş verərsə, bu və ya digər adekvat qərarların qəbul olunması istisna olunmur"

Zülfiyyə Quluyeva, Sputnik Azərbaycan

BAKI, 31 oktyabr — Sputnik.  "Hazırda fəaliyyətinə icazə verilmiş qeyri-ərzaq təyinatlı ticarət mərkəzlərinin bağlanması məsələsi də karantin dövründə sərtləşdirmə tədbirlərindən biridir".

Bu sözləri Sputnik Azərbaycan-a açıqlamasında Səhiyyə Nazirliyinin Baş infeksionisti Təyyar Eyvazov bildirib. O qeyd edib ki, onlayn satışın həcminin artması koronavirus pandemiyası dövründə təqdirəlayiq hal hesab olunmalıdır:

"Bu tip ticarət həmin müəssisələrdə əhali sıxlığının və təmasların azalmasına, dolayısı yolla yoluxmaların dinamikasına təsir göstərir. Hazırkı epidemioloji durumda Nazirlər Kabineti yanında Operativ Qərərgah tərəfindən dövlət müəssisələrində ofislərdə çalışan işçilərin sayına məhdudiyyət qoyulub, bu özəl müəssisələr üçün də tövsiyə olunub, distant şəkildə işləməyə üstünlük verilir. Hazırda fəaliyyətinə icazə verilmiş qeyri-ərzaq təyinatlı ticarət mərkəzlərinin bağlanması məsələsi də karantin dövründə sərtləşdirmə tədbirlərindən biridir".

Baş infeksionist onu da əlavə edib ki, Operativ Qərərgah tərəfindən epidemioloji situasiya nəzarətə götürülərək təhlil olunur və yoluxma dinamikasının daha da pisləşməsi baş verərsə, bu və ya digər adekvat qərarların qəbul olunması istisna olunmur.

2
Teqlər:
Koronavirus, epidemiya, COVID-19
Əlaqədar
On rayon və şəhər sərt karantin rejimi zonasından çıxarılır
Qubada koronavirus xəstəsi yerlilərini təşvişə saldı
Vasif Əliyev: “Yenidən sərt karantin rejiminə keçilə bilər”
Koronavirus sağalır, fəsadları qalır
Azərbaycanda koronavirus xəstəsi yaşayış yerini icazəsiz tərk etdi