BAKI, 12 sentyabr — Sputnik. Rusiyanın "Laskovıy May" qrupunun prodüseri Andrey Razin 2020-ci ilin noyabrından dünyanın siyasi həyatında qlobal dəyişikliklərin başlayacağını bildirib.
Sputnik Azərbaycan xəbər verir ki, o, bu barədə "Instagram" səhifəsində yazıb.
Razin deyib ki, hamı onun "həqiqəti proqnozlaşdırmaq" qabiliyyəti barədə bilir.
Onun sözlərinə görə, bu dəyişikliklər "böyük sarsıntılar, aclıq və insan itkisi" ilə xarakterizə olunacaq.
Посмотреть эту публикацию в Instagram
"Bu dəyişiklikləri xarakterizə edən ən vacib aspektlərdən biri ABŞ-Çin münasibətlərinin faktiki olaraq soyuq müharibə mərhələsinə keçməsi olacaq", - o yazıb.
Avropanın bir sıra ölkələrinin iqtisadiyyatında "durğunluq prosesləri" mümkündür. Onun fikrincə, vergilərin artırılması hesabına insanlar arasında bərabərsizlik artacaq. Prodüser həmçinin insanları daha da çox narahat edəcək iqlim məsələsinin əhəmiyyətini qeyd edib.
Bununla yanaşı, Razin texnoloji inqilabın baş verəcəyini də istisna etmir.
