Gömrük işçisi, arxiv şəkli

Gömrükçü olmaq istəyənlərə şad xəbər

9
(Yenilənib 16:42 10.09.2020)
Magistraturaya qəbul üzrə yerlər artırılıb: Dünya iqtisadiyyatı istiqaməti üzrə "Gömrük işi" ixtisaslaşmasına 10, Hüquqşünaslıq istiqaməti üzrə "Cinayət hüququ, cinayət prosesi, kriminalistika və məhkəmə ekspertizası" ixtisaslaşmasına 5 yer ayrılıb.

BAKI, 10 sentyabr — Sputnik. Dövlət Gömrük Komitəsinin Akademiyasına 2020/2021-ci tədris ilində bakalavriat səviyyəsi üzrə tələbə qəbulu üçün 154 plan yeri ayrılıb.

Dövlət Gömrük Komitəsinin Akademiyasının İctimaiyyətlə əlaqələr şöbəsindən Sputnik Azərbaycan-a verilən məlumata görə, sözügedən tədris ilində birinci qrup üzrə "İnformasiya təhlükəsizliyi", ikinci qrup üzrə "Beynəlxalq ticarət və logistika", həmçinin "İqtisadiyyat", III qrup üzrə "Hüquqşünaslıq" ixtisaslarına qəbul aparılır. "İnformasiya təhlükəsizliyi" ixtisası üzrə 22 yer, "İqtisadiyyat" ixtisası üzrə 44 yer, "Hüquqşünaslıq" ixtisası üzrə 44 yer, bu ildən qəbul aparılan yeni ixtisas - "Beynəlxalq ticarət və logistika" ixtisası üzrə isə 44 yer ayrılıb.

2020/2021-ci tədris ilində magistratura səviyyəsi üzrə yerlərin sayı da artırılıb. Dünya iqtisadiyyatı istiqaməti üzrə "Gömrük işi" ixtisaslaşmasına 10, Hüquqşünaslıq istiqaməti üzrə "Cinayət hüququ, cinayət prosesi, kriminalistika və məhkəmə ekspertizası" ixtisaslaşmasına 5 yer ayrılıb.

İctimaiyyətlə əlaqələr şöbəsindən həmçinin bildirilib ki, bu il magistratura səviyyəsinə qəbulda Akademiyanın plan yeri 100 faiz dolub.

9
Əlaqədar
Gömrük Komitəsi "aliexpress"dən alış-veriş edənlərin suallarına aydınlıq gətirdi
Bir daha gömrük rüsumu haqda: birdən olmaz, yavaş-yavaş
Məmur

Məktəb direktorları ilə imtahanlar barədə müzakirə aparıldı

2
(Yenilənib 13:55 28.01.2021)
Onlayn görüşdə fevralın 1-dən başlayaraq ümumi təhsilin məktəbəhazırlıq qrupları və ibtidai təhsil üzrə tədris prosesinin bərpası ilə bağlı təhsil müəssisələrində görülən hazırlıq işlərindən də söhbət açılıb

BAKI, 28 yanvar — Sputnik. Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin rəhbərləri ilə onlayn görüş keçirilib.

İdarədən Sputnik Azərbaycan-a verilən məlumata görə, 2020-2021-ci tədris ilinin I yarımilinin yekunlarına həsr olunmuş onlayn görüşdə BŞTİ-nin müvafiq struktur bölmə rəhbərləri və məktəb direktorları iştirak ediblər. Görüşdə I yarımil ərzində distant təhsilin təşkili sahəsində görülən işlər, məktəbdaxili qiymətləndirmələrin və fənn olimpiadalarının nəticələri, IX və XI siniflər üzrə buraxılış imtahanlarına hazırlıq, şagirdlərin elektron yerdəyişməsi, müəllim-şagird-valideyn münasibətlərinin düzgün formalaşdırılması, qarşıda duran digər vəzifələr ətrafında müzakirələr aparılıb.

Həmçinin "2020-2021-ci tədris ilində ümumi təhsillə bağlı aktual məsələlər və hədəflər barədə" Təhsil nazirinin əmrində müəyyən edilmiş əsas prioritet istiqamətlər barədə danışılıb. Onlayn görüşdə fevralın 1-dən başlayaraq ümumi təhsilin məktəbəhazırlıq qrupları və ibtidai təhsil üzrə tədris prosesinin bərpası ilə bağlı təhsil müəssisələrində görülən hazırlıq işlərindən də söhbət açılıb. Tədrisin təşkilində məktəb direktorlarının üzərinə düşən məsuliyyətin düzgün dəyərləndirilməsinin vacibliyindan bəhs olunub. Daha sonra məktəb direktorları çıxış edərək rəhbərlik etdikləri təhsil müəssisələrinin fəaliyyəti barədə onları maraqlandıran sualları səsləndiriblər.

2
Teqlər:
reklam, görüş, onlayn, Məktəb direktorları
quş qripi

İndi quş qripi ilə bağlı xəbərdarlıq edildi

7
(Yenilənib 13:29 28.01.2021)
AQTA ilin fəslinə görə quşların miqrasiyasını nəzərə alaraq əhaliyə xəbərdarlıq edib və bir sıra qaydalara əməl etmələrı üçün tövsiyələrini açıqlayıb.

BAKI, 28 yanvar — Sputnik. Köçəri quşların miqrasiya marşrutlarının respublikamızın ərazisindən keçməsi, habelə bu quşların daimi və müvəqqəti məskunlaşma yerlərinin ölkə ərazisində mövcudluğu quş qripi xəstəliyinin yayılma riskini artırır. Qida Təhlükəsizliyi üzrə Dövlət Agentliyindən Sputnik Azərbaycan-a verilən məlumata görə, hazırda dünyanın bir sıra ölkələrində yüksək patogen quş qripi xəstəliyi qeydə alınıb və xəstəliyin yayılma arealı genişlənməkdə davam edir. Xəstəliyin törədicisi əksər hallarda vəhşi quşlar vasitəsilə yayılır və ev quşlarının yoluxması xəstə vəhşi quşlarla təmas nəticəsində baş verir. Buna görə də vətəndaşlar bir sıra qaydalara əməl etməlidirlər.

Agentlikdən qeyd edilib ki, ailə təsərrüfatlarında və müxtəlif həcmli fermer təsərrüfatlarında quşların yalnız qapalı şəraitdə saxlanması, təsərrüfatda olan quşların, həmçinin quşların yemlənməsi üçün istifadə olunan yemlərin vəhşi quşlarla təmasının qarşısının alınması, ölü halda çöl və ev quşlarına rast gəldikdə bu barədə aidiyyəti üzrə məlumat verilməsi (AQTA-nın 1003-Çağrı Mərkəzi və regional bölmələri, rayon baytarlıq idarələri və s.), quşlarla təmas zamanı (qulluq, yemləmə, daşınma və s.) gigiyena qaydalarına ciddi şəkildə əməl olunması və sanitariya-gigiyena tələblərinin gözlənilməsi, quşların nəqliyyat vasitələrində açıq şəkildə, baytarlıq nəzarətindən kənar və müşayiətedici baytarlıq sənədləri olmadan daşınmaması, quşların açıq şəkildə satılmasına və ya yol kənarlarında, ticarət obyektlərində, ictimai iaşə müəssisələrində və digər yerlərdə diri halda satışının, yaxud nümayiş olunmasının həyata keçirilməməsi, qoruq ərazilərində, parklarda, dəniz kənarında və digər açıq ərazilərdə vəhşi və sinantrop (yaşayış yerlərində məskunlaşmış göyərçin, sərçə, qarğa və s.) quşlarla təmasa yol verilməməsi, təsərrüfatlara başqa təsərrüfatlardan quş, yem və qulluq əşyalarının gətirilməməsi və s. kimi tədbirlərə əməl edilməlidir: "Vətəndaşlara epizootik vəziyyətlə bağlı diqqətli olmaq, eyni zamanda xəstəlik əlamətləri müşahidə edilən və ya tələf olan quş cəsədlərindən uzaq durmaq, şübhəli hallarla bağlı dərhal aidiyyəti üzrə məlumat vermələri tövsiyə olunur".

7
Teqlər:
tövsiyə, AQTA, xəbərdarlıq, "quş qripi"