Heyvan qalıqları, arxiv şəkli

Fermerlərə muştuluq: Vəhşi heyvanlar mal-qaranızı parçalasa da, ziyana düşməyəcəksiniz

4064
(Yenilənib 08:47 09.09.2020)
Fermerlərin zəhməti hədər getməyəcək: Zəhərlənmədən, xəstəlikdən ölən, vəhşi heyvanlar tərəfindən parçalanan və yaxud oğurlanan iribuynuzlu heyvanların sığortalanmasına başlanılır.

İbrahim Həşimov, Sputnik Azərbaycan

BAKI, 9 sentyabr — Sputnik. Azərbaycanın bölgələrində əhalinin əsas məşğuliyyəti kənd təsərrüfatıdır. Heyvandarlıq da fermer təsərrüfatlarının əsasını təşkil edir. Lakin bir çox hallarda kəndlinin illərlə çəkdiyi əziyyət hədər gedir. Bəzən xeyli maddi dəyəri olan mal-qaranı ya vəhşi heyvan parçalayır, ya da onlar müxtəlif xəstəliklərdən tələf olur. Sputnik Azərbaycan-ın məlumatına görə, Zaqatalanın da əksər kəndləri dağlıq və dağətəyi zonalarda yerləşdiyindən, oradakı fermerlər sözügedən problemlərlə tez-tez rastlaşırlar. Rayonun Muxax kənd sakini Nazim Əliyev Sputnik Azərbaycan-a bildirib ki, tez-tez təsərrüfatlara vəhşi heyvanlar hücum edir:

"Dağa yaxın yaşayıram. İki il əvvəl bir baş heyvanımı canavar yedi".

Rayonun Yuxarı Çardaxlar kənd sakini Rəcəb Mainov isə qeyd edir ki, mal-qaranın ölümünə təkcə vəhşi heyanların hücumu səbəb olmur.

"Zəhərlənmədən də olub. Otdan və ya hansısa qidadan zəhərlənib. Quduzluqdan da ölən heyvan olub. Qonşuluqda quduzluğa görə basdırılan heyvan da olub. Amma sığorta sistemi olsa, sığortalaya bilsək, belə çox narahatlıq olmaz", - deyə Rəcəb Mainov qeyd edib.

Yuxarı Çardaxlar kəndinin digər sakini Aydın Ramazanov da deyib ki, illərlə zəhmət çəkərək bəslədiyi iribuynuzlu heyvan bir neçə saatın içərisində tələf olub. Heyvanı sığortalaya bilmədiyi üçün də bu hadisə onun üçün böyük itki ilə nəticələnib.

"Bundan 2-3 il qabaq mənim heyvanım xəstələnmişdi. Onu sığortalatdırmamış, öldü. Boş yerə zəhmətim hədər getdi. Pul ala bilmədim. Sığortalaya bilsəm, o boyda ziyana düşməzdim".

Aqrar Sığorta Fondundan Sputnik Azərbaycan-a bildirilib ki, fermerlərin bu cür narahatlıqları artıq geridə qalmaq üzrədir. Yaxın vaxtlarda aqrar sığorta mexanizminin tam işə salınması nəzərdə tutulub. Aqrar Sığorta Fondunun şöbə müdiri Pərvin Quliyeva Sputnik Azərbaycan-a bildirib ki, ilkin olaraq 1-7 yaş arası südlük inək və camışlar sığortalanacaq. Sonrakı mərhələlərdə sığortalanan kənd təsərrüfatı heyvanlarının siyahısı genişlənəcək. Risklər siyahısına da hazırda fermerləri ən çox narahat edən və onların daha çox qarşılaşdıqları hadisələr daxil edilib.

"Bura vəhşi heyvanların hücumu, təbii fəlakətlər, yoluxucu xəstəliklər, eyni zamanda zəhərli otlardan və yemlərdən zəhərlənmələr daxildir. Bundan əlavə, 3-cü şəxslərin hərəkətləri də verdiyimiz risk təminatına daxil edilib. 3-cü şəxslərin hərəkətləri geniş ifadədir. Burada həm qərəzli, həm də qərəzsiz olan ifadələr daxil edilib ki, artıq hadisə baş verən anda onun müəyyən edilməsi mümkün olacaq. Yol nəqliyyat hadisələri zamanı heyvanların vurulması da vəziyyətdən asılı olaraq bura aid edilə bilər.", - deyə Quliyeva bildirib.

Fermerlərin istəyindən asılı olaraq, əlavə sığorta haqqı ödəməklə heyvanları nəzərdə tutulmuş risklərlə yanaşı, oğurluq, soyğunçuluq və quldurluq hallarından da sığortalamaq mümkün olacaq. Heyvanların sığortalanması üçün bir sıra şərtlər də mövcuddur. Heyvan qapalı yerdə saxlanmalı və həmin yer Nazirlər Kabinetinin "Heyvanların saxlanması, yetişdirilməsi və istifadə olunması Qaydaları"na uyğun olmalıdır. Heyvana qulluq və onun qidalanması da qaydalara uyğun şəkildə həyata keçirilməlidir. Sığortalanacaq heyvanın peyvəndlənməsi, birkalanmış olması, eləcə də Elektron Kənd Təsərrüfatı İnformasiya Sisteminə (EKTİS) daxil edilməsi də vacibdir.

"Fermer "mənim heyvanım sığortalansın" deyəndə onun üzərində mütləq birka olmalıdır ki, müqavilədə o, əksini tapsın. Hadisə zamanı heyvan tələf olanda, müstəqil ekspert gəlib baxacaq ki, bu həmin sığortalı heyvandır, ya yox", - Aqrar Sığorta Fondunun rəsmisi əlavə edib.

Pərvin Quliyeva onu vurğulayıb ki, EKTİS-də qeydiyyat çox vacibdir:

"EKTİS-də indidən qeydiyyatdan keçməyə başlamaq tövsiyə olunur. Müqavilələrin hələ hazır olmasına baxmayaraq, indi qeydiyyatdan keçsinlər ki, sığortalama zamanı buna daha az vaxt sərf eləsinlər. Çünki sistemdə qeydiyyatda olmayan heyvan sığortalanmayacaq!"

Fermerlər heyvanları sığortalamaq üçün yaşadıqları bölgələrdə fəaliyyət göstərən və Aqrar Sığorta Sisteminə daxil olan vasitəçi sığorta şirkətlərinin ofislərinə müraciət etməlidirlər. Bunun üçün ilkin olaraq 7 sığorta şirkəti seçilib. Hələlik sığorta haqları müəyyənləşməyib. "Aqrar Sığorta haqqında" qanuna əsasən, sığorta haqqının yarısı dövlət büdcəsi hesabına ödəniləcək.

4064
Teqlər:
mal-qara, Canavar hücumu, canavar, kəndli, Zaqatala, fermer
Əlaqədar
Fermerlər necə əlavə gəlir əldə edə bilərlər?
Dama-dama qızıl olar: Yevlaxlı fermerlər yeni üsula keçiblər
Yol polisi mal-qara sahiblərinə xəbərdarlıq etdi
Azərbaycanda bir ilk - Fermerlərin işi daha da asanlaşır
Məhkəmə zalı, arxiv şəkıli

Xalq artisti qonşusunu məhkəməyə verib

5
(Yenilənib 17:18 18.09.2020)
Yaşadığı binanın əsas divarlarının və kommunikasiya xətlərinin zədələnə biləcəyini görən aktrisa Səbail rayon məhkəməsinə müraciət edib

BAKI, 18 sentyabr — Sputnik. Akademik Milli Dram Teatrının aktrisası, Xalq artisti Zemfira Nərimanova qonşusunu məhkəməyə verib. Sputnik Azərbaycan-ın məlumatına görə, aktrisanın yaşadığı tarixi binanın konstruksiyasına zərər vura biləcək tikinti işləri aparılır. Binanın əsas divarlarının və kommunikasiya xətlərinin zədələnə biləcəyini görən aktrisa Səbail rayon məhkəməsinə müraciət edib. Məhkəmədə onu vəkil Aynur Abdullayeva təmsil edir. Xəbəri təsdiq edən Xalq artisti hazırda iş məhkəmədə olduğu üçün ətraflı məlumat vermək istəmədiyini bildirib.

Eyni zamanda, Zemfira xanım bu məhkəmə ilə bağlı yaxın günlərdə mətbuata geniş açıqlama verəcəyini qeyd edib.

5
Teqlər:
Zemfira Nərimanova, xalq artisti, məhkəmə, bina, aktrisa
Əlaqədar
Xalq artisti evini satışa çıxarıb
Azərbaycanda çəkilən yeni film tamaşaçıları ötən əsrə aparacaq
Afaq Bəşirqızının oğlu yeni direktor olan xanımından boşanır
Heydər Əliyev Fondu Xalq artistinin müalicəsini üzərinə götürüb
Xalq artisti toy təklifindən imtina edib
Fransa prezidenti Emmanuel Makron, arxiv şəkli

Makron regiondakı problemlərin üzərinə benzin tökür Türkiyənin Müdafiə naziri

2
(Yenilənib 17:11 18.09.2020)
Avropa İttifaqının bu regionda qayda qoymaq, qaydaları dəyişdirmə, sərhədləri müəyyənləşdirmək kimi hüququ yoxdur. Yunan qonşularımızın istəksiz olması və bir sıra ön şərtlər irəli sürməsi bu mövzuları yavaşladır.

BAKI, 18 sentyabr — Sputnik. Fransa Prezidenti Emmanuel Makron Aralıq dənizinin şərqi regionunda problemlərin üzərinə benzin tökür. Sputnik Türkiyə xəbər verir ki, bunu Türkiyənin Milli Müdafiə naziri Hulusi Akar bildirib.

"Makron buradakı problemlərin üzərinə benzin tökür. Bu isə həll yolunu daha da uzadır. Xəyal görən Makronun özüdür. Avropa İttifaqının bu regionda qayda qoymaq, qaydaları dəyişdirmə, sərhədləri müəyyənləşdirmək kimi hüququ yoxdur. Yunan qonşularımızın istəksiz olması və bir sıra ön şərtlər irəli sürməsi bu mövzuları yavaşladır. Toplantılar sonuna qədər davam edir", - deyə Türkiyənin müdafiə naziri qeyd edib.

Xatırladaq ki, bu ilin iyununda Türkiyə hökuməti Aralıq dənizinin Kipr adası yaxınlığında olan ərazisində öz maraqlarını qorumaq barədə qərar verib. Rəsmi Ankara bir sıra ölkələrin etirazına baxmayaraq geoloji kəşfiyyat işlərini davam etdirmək niyyətindədir.

Aralıq dənizinin şərq hissəsi – bir tərəfdə Avropa İttifaqının üzvləri Kipr və Yunanıstanla digər tərəfdə isə Türkiyə olmaqla gərginlik mənbəyidir. Türkiyə dəfələrlə yataqların Kipr türkləri ilə Kipr yunanların birgə işlətmələrini təklif edib. Rəsmi Ankara Moskva ilə əməkdaşlığı da istisna etməyib. Enerji daşıyıcıları mübahisəsinə həmçinin, Misir və İsrail də daxildir.

Tərəflər arasında fikir ayrılığı 1974-cü ildə Kiprdə adanın Yunanıstan anneksiyası ilə bağlı çevriliş baş verəndən sonra başlayıb. Həmin vaxt Türkiyə Kiprin şimalına qoşun yeridib və həmin ərazidə Kipr – Türk Federativ dövləti yaradıb. Daha sonra onun adı Şimali Kipr Türk Respublikasına dəyişdirilib. Adanın digər hissəsinə isə Kipr Respublikasının nəzarəti altındadır.

 

2
Teqlər:
Hulusi Akar, Emmanuel Makron, Aralıq dənizi, Kipr, Yunanıstan, Türkiyә
Əlaqədar
Makron Aralıq dənizində baş verənlərə görə Türkiyə və Rusiyanı ittiham etdi
Yunan Baş nazir Türkiyəyə ultimatum verdi – Bu tarixə qədər vaxtınız var...
Üç gərgin tərəf, bir Lavrov və ABŞ - Ərdoğana verilən mesaj Qarabağı xatırlatdı
Politoloq: “Avropa Birliyi Türkiyəyə qarşı çıxan dövlətlərə dəstək verir”
Azərbaycan Prezidenti: "Bütün məsələlərdə Türkiyənin yanında olacağıq"