Belarus Prezidenti Aleksandr Lukaşenko, arxiv şəkli

Avropa İttifaqı Lukaşenkoya qarşı sanksiya tətbiq etməkdən imtina etdi

31
(Yenilənib 20:44 04.09.2020)
Polşa və Baltikyanı ölkələr də daxil olmaqla, Avropa İttifaqının əksər ölkələrinin mövqeyi fərqli olub, onlar Lukaşenkonun adının sanksiya siyahısına daxil olmasını istəyiblər.

BAKI, 4 sentyabr — Sputnik. Avropa İttifaqı Belarus Prezidenti Aleksandr Lukaşenkoya qarşı sanksiya tətbiq etməyəcək. Sputnik Azərbaycan xəbər verir ki, bu barədə Almaniyanın "Die Welt" nəşri məlumat yayıb.

"Sanksiyanın tətbiq olunmasının əleyhinə ilk növbədə Fransa və İtaliya tərəfindən Almaniya çıxıb", - deyə nəşr yazır.

Qeyd olunur ki, bu ölkələrin liderləri "dialoq üçün kanalları açıq saxlamaq istəyirlər".

Polşa və Baltikyanı ölkələr də daxil olmaqla, Avropa İttifaqının əksər ölkələrinin mövqeyi fərqli olub, onlar Lukaşenkonun adının sanksiya siyahısına daxil olmasını istəyiblər.

Qeyd edək ki, Belarusda üç həftədən artıq müddətdir ki, avqustun 9-u prezident seçkilərinin rəsmi nəticələrinə etiraz olaraq kütləvi aksiyalar keçirilir. Rəsmi nəticələrə görə, Aleksandr Lukaşenko seçkilərdə səslərin 80%-ni toplayıb. Lukaşenko özü iddia edir ki, baş verənlərin arxasında Qərb dayanır.

31
Bakı Şəhər Baş Polis İdarəsinin mətbuat şöbəsinin rəisi, polis mayoru Elşad Hacıyev

Elşad Hacıyev Daxili İşlər Nazirliyinə təyin edildi

2
(Yenilənib 13:20 26.11.2020)
Əmrə əsasən, polis mayoru Elşad Hacıyev Kütləvi İnformasiya və İctimaiyətlə Əlaqələr Şöbəsinə rəis təyin edilib

BAKI, 26 noyabr — Sputnik. Daxili İşlər Nazirliyinin Kütləvi İnformasiya və İctimaiyətlə Əlaqələr Şöbəsinə rəis təyin edilib.

Sputnik Azərbaycan xəbər verir ki, bununla bağlı daxili işlər naziri, general-polkovnik Vilayət Eyvazov əmr imzalayıb.

Əmrə əsasən, polis mayoru Elşad Hacıyev Kütləvi İnformasiya və İctimaiyətlə Əlaqələr Şöbəsinə rəis təyin edilib.

Qeyd edək ki, Bakı şəhər Baş Polis İdarəsinin İctimaiyyətlə Əlaqələr Şöbəsi ləğv edilib.

2
Teqlər:
rəis, əmr, Daxili İşlər Nazirliyi, Elşad Hacıyev
Azərbaycan Milli Məclisinin binası

Milli Məclis Fransa Senatına etiraz bəyanatı qəbul etdi: MÜDDƏALAR

33
Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib

Xalid Məmmədov, Sputnik Azərbaycan

BAKI, 26 noyabr — Sputnik. Milli Məclis noyabrın 25-də Fransa Senatının Fransa hökumətini qondarma "Dağlıq Qarabağ Respublikası"nı tanımağa çağıran məsləhət xarakterli qəbul etdiyi qətnaməsi ilə bağlı bəyanat yayıb.

Sputnik Azərbaycan xəbər verir ki, bəyanatı deputat Cavanşir Feyziyev təqdim edib.

Milli Məclisin bu gün keçirilən iclasında Fransa Senatının qəbul etdiyi qətnaməyə etiraz bəyanatı qəbul edilib.

Azərbaycan parlamentinin bəyanatında qətnamə pislənilir və qeyd edilir ki, bu sənəd beynəlxalq hüququn əsas norma və prinsiplərinin kobud şəkildə pozulmasıdır.

Azərbaycan Milli Məclisi Azərbaycan Hökumətinə aşağıdakılar ilə bağlı çağırış edir.

- Fransanın ATƏT-in Minsk Qrupunun həmsədrliyindən geri çağırılması üçün ATƏT-in rəhbərliyinə müraciət edilsin.

- Azərbaycan ilə Fransa arasında mövcud siyasi münasibətlərə yenidən baxılsın.

- Azərbaycan ilə Fransa arasında mövcud iqtisadi əlaqələr dərindən təhlil edilərək müvafiq tədbirlər görülsün. 

Xatırladaq ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

33
Teqlər:
bəyanat, etiraz, qətnamə, Senat, Fransa, Milli Məclis
Mövzu:
Azərbaycan və Ermənistan arasında müharibə