Bakının bu beş məktəbi qəbul imtahanlarında fərqləndi

© Photo : Baku city Education Department В одной из бакинских школ, фото из архива
 В одной из бакинских школ, фото из архива  - Sputnik Azərbaycan
Abunə olmaq
İdarənin tabeliyindəki ümumi təhsil məktəblərinin 5 məzunu I və IV ixtisas qrupları üzrə qəbul imtahanlarından maksimum nəticə əldə edib

 

BAKI, 4 sentyabr — Sputnik. Qəbul imtahanlarında maksimum nəticə göstərmiş abituriyentlərin adları açıqlanıb. Sputnik Azərbaycan-a Bakı Şəhəri üzrə Təhsil İdarəsindən (BŞTİ) verilən məlumata görə, İdarənin tabeliyindəki ümumi təhsil məktəblərinin 5 məzunu I və IV ixtisas qrupları üzrə qəbul imtahanlarından maksimum nəticə əldə edib.

Belə ki, 20-21 avqust tarixlərində keçirilmiş qəbul imtahanlarının (XI sinif üzrə) nəticələrinə əsasən, BŞTİ-nin tabeliyindəki 114 nömrəli tam orta məktəbin məzunu Əliyev Həsənbala Fuad oğlu, 166 nömrəli məktəb-liseyin məzunu Bürcəliyev Səbuhi Məlikəjdər oğlu, 229 nömrəli tam orta məktəbin məzunu Ağakişiyev Məhəmməd Rəsul oğlu, 284 nömrəli tam orta məktəbin məzunu Nəbiyev Oktay Sübhi oğlu və 311 nömrəli tam orta məktəbin məzunu Hüseynov Səbuhi Ramiq oğlu 400 bal toplayıblar. Qeyd edək ki, bu mərhələdə toplanıla biləcək maksimal bal 400 baldır. Ali məktəblərə qəbul imtahanlarının bu mərhələsində maksimum nəticə göstərmiş abituriyentlərlə bərabər, onlardan elə də geri qalmayan minlərlə digər abituriyent də yüksək nəticə əldə edib. Yüksək nəticə göstərən abituriyentləri təbrik edir, bütün məzunlara uğurlar arzulayırıq.

Xəbər lenti
0