Yeni doğulmuş körpələr, arxiv şəkli

Yenidoğulmuşlarda yaranan qulaq problemi - Düz bildiyimiz səhvlər

42
"Valideynlər uşaqları çimizdirdikdən sonra xarici qulaq keçəcəyinin görünən hissələrini dəsmal və ya pambıqla qurutmaları kifayətdir" - Otorinolarinqoloq

BAKI, 1 sentyabr — Sputnik. "Bir çox valideynlər yeni doğulmuş və körpə yaşlarında olan uşaqları çimizdirərkən qulağa su düşməsinin uşağın sağlamlığına ziyan vuraraq iltihab yaratmasından ehtiyat edərək qulağa suyun daxil olmasının qarşısını almaq məqsədilə xarici qulaq keçəcəyinə pambıq tıxaclardan isitfadə edirlər. Qeyd etmək istəyirəm ki, anatomik olaraq xarici qulaq keçəcəyi "S"-ə bənzər formada olub ön hərəkətli qığırdaq və arxa sümük hissələrdən ibarətdir və ön hissəsində olan xüsusi vəzilər hesabına kükürd ifraz edərək xarici qulaq keçəcəyinə düşən zərərli  mikroorqanizmlərdən qulağı müdafiə edərək bakteriosid təsir gösterir. Ön qığırdaq hissəsinin hərəkətli olması hesabına xarici qulaq keçəcəyinə düşmüş mayenin tamamilə xaric olmasına şərait yaradır".

Bu barədə Sputnik Azərbaycan-a açıqlamasında otorinolarinqoloq Elvin Əzizov deyib.

© Sputnik / Stringer
Doktor Elvin Əzizov

O deyir ki, yenidoğulmuş və südəmər uşaqlarda xarici qulaq keçəcəyinin sümük hissəsi inkişaf etmədiyi üçün qulaq keçəcəyi daha geniş olub, düz formadadır: "Bu da xarici qulaq keçəcəyinə düşmüş mayenin daha tez xaric olmasına şərait yaradır və eləcə də xarici qulaq keçəcəyində ifraz olunan kükürdün miqdarı daha artıq olduğu üçün qoruyuculuq funksiyasını iki qat artırır".

"Valideynlər uşaqları çimizdirdikdən sonra xarici qulaq keçəcəyinin görünən hissələrini dəsmal və ya pambıqla qurutmaları kifayətdir", - deyə ekspert bildirib.

42

ABŞ “Şimal Axını-2”-yə qarşı koalisiya yaradacaq: bu tikintini dayandıracaqmı?

1
(Yenilənib 16:51 23.09.2020)
ABŞ “Şimal Axını-2” qaz borusunun tikintisini dayandırmağa cəhd etmək üçün yeni üsul fikirləşib. Dövlət Departamentinin başçısı Mayk Pompeo bəyan edib ki, amerikalılar koalisiya yaratmaq fikrindədir.

Rusiya isə bu ideyanın altında növbəti hərbi əməliyyata başlamaq cəhdinə ehkam görür. Federasiya Şurasının beynəlxalq işlər üzrə komitəsinin başçısı Konstantin Kosaçyov qeyd edib ki, Vaşinqtonla koalisiya çox vaxt müharibə anlamına gəlir. Onun nəyə görə bu qənaətə gəldiyini və ABŞ-ın Avropaya Rusiya yanacağı əvəzinə öz maye qazını qabağa sala bilib-bilməyəcəyini videomuzda izləyin.

1
 Azərbaycana yeni gətirilən təcili tibbi yardım avtomobilləri

Təcili tibbi yardım avtomobillərinin bir qismi hədiyyə edilib

7
(Yenilənib 16:55 23.09.2020)
Naxçıvan Muxtar Respublikasının Baş Naziri Agentliyin İdarə Heyətinin sədrindən "Mercedes Sprinter 316" markalı avtomobil bazasında yığılan 7 ədəd – bunlardan 5 ədədi sadə, 2 ədədi reanimobil olmaqla təcili tibbi yardım avtomobillərini qəbul edib.

BAKI, 23 sentyabr — Sputnik. Respublika Olimpiya Mərkəzində İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri tərəfindən Naxçıvan Muxtar Respublikasının Baş Nazirinə dövlət başçısının adından təcili tibbi yardım avtomobilləri təqdim edilib. Agentlikdən Sputnik Azərbaycan-a verilən məlumata görə, səhiyyənin inkişafı istiqamətində dövlət tərəfindən aparılan islahatlardan danışan Agentliyin İdarə Heyətinin sədri Zaur Əliyev bildirib ki, sözügedən sahənin inkişafı Azərbaycan Respublikasının Prezidenti cənab İlham Əliyevin daim diqqət mərkəzində olub: "Ölkə başçısının tapşırığına uyğun olaraq Agentlik tərəfindən ölkəmizə yeni təcili tibbi yardım avtomobilləri gətirilib. Yeni sifariş olunan təcili tibbi yardım avtomobillərinin ilk hissəsi cari ilin iyul ayında, növbəti hissəsi isə sentyabr ayında gətirilib. Təcili tibbi yardım avtomobilləri arasında respublikaya gətirilən yeni, müasir standartlara cavab verən Ambulans-Perinatal ölkə səhiyyəsində yenilikdir".

Daha sonra Naxçıvan Muxtar Respublikasının Baş Naziri Agentliyin İdarə Heyətinin sədrindən "Mercedes Sprinter 316" markalı avtomobil bazasında yığılan 7 ədəd – bunlardan 5 ədədi sadə, 2 ədədi reanimobil olmaqla təcili tibbi yardım avtomobillərini qəbul edib.

Naxçıvan Muxtar Respublikasının Baş Naziri Səbuhi Məmmədovun sözlərinə görə, dövlət başçısının səhiyyə sahəsində yürütdüyü məqsədyönlü siyasətin nəticəsidir ki, bu gün Azərbaycan Respublikası koronavirus pandemiyası ilə yüksək səviyyədə mübarizə aparır. Baş Nazir bildirib ki, Naxçıvan Muxtar Respublikasına təqdim edilən təcili tibbi yardım avtomobilləri muxtar respublikada səhiyyə sahəsi üzrə həyata keçirilən işlərə əlavə bir töhfədir: "Biz bunu yüksək qiymətləndiririk və cənab Prezidentə və Birinci vitse-prezidentə öz təşəkkürümüzü ifadə edirik".

Məlumat üçün bildirək ki, 2020-ci il ərzində Agentlik tərəfindən Almaniya istehsalı olan "Mercedes Sprinter 416" markalı avtomobil bazasında Türkiyə Respublikasında yığılan 26 ədəd reanimobil, "Mercedes Sprinter 316" markalı avtomobil bazasında yığılan 42 ədəd sadə təcili tibbi yardım avtomobilləri, Türkiyə istehsalı olan "Ford Transit" markalı 10 ədəd sadə və 22 ədəd reanimobil "Gəncə Avtomobil Zavodu" İstehsalat Birliyindən, həmçinin 84 ədəd Fiat Doblo markalı təcili tibbi yardım avtomobilləri "Autouniversal" Məhdud Məsuliyyətli Cəmiyyətindən satın alınıb.

7