Nura Suri, arxiv şəkli

Tanınmış müğənni: "Sanki üzərimizdə eksperiment aparılır"

35
"Karantin girəndən hamı cinayətkar kimi görünür. Orada onu cərimələdilər, burada bunu tutdular. Vallah, əsəb dözmür".

Şahpəri Abbasova, Sputnik Azərbaycan

BAKI, 31 avqust — Sputnik.  Son günlər bəzi saytlarda "Nura Surinin oğlu koronavirusa yoluxub" başlığı altında xəbərlərin yayılması populyar müğənnini özündən çıxarıb. Sputnik Azərbaycan xəbər verir ki, müğənni özünün "Facebook" səhifəsində oğlu haqqında yazdığı statusu dəyişdirilərək paylaşıldığını iddia edib:

"Mənim statusumu bəzi saytlar kəsib-doğrayıb "Nuranın oğlu virusa yoluxdu" başlığı ilə yayıblar. Düşünürəm ki, bunu bilərəkdən ediblər və əməlli-başlı virusun reklamı ilə məşğuldurlar. Sizə deyəcək söz tapmadım. Kim nə məqsədlə edibsə, Allah min əvəzini versin".

Müğənni eyni zamanda, Operavtiv Qərargahın qəbul etdiyi qərarları da tənqid edib: "Karantin girəndən hamı cinayətkar kimi görünür. Orada onu cərimələdilər, burada bunu tutdular. Vallah, əsəb dözmür. Qorxu hissi xəstəlikdən daha pisdir. Etməyin belə. İşsizdir insanlar. Çətindir. Dözmək mümkün deyil. İdman zallarını açın. Rayonlara gediş-gəlişi açın. Kommunal xərclərə endirim edin. İnterneti pulsuz edin (online oxuyur uşaqlar). Məktəbləri açın. Restoranları açın. Elə bil 6 aydır qorxulu filmdə yaşayırıq. Sanki üzərimizdə eksperiment aparılır".

35

Bir neçə şəhər rayonda sərtləşdirilmiş xüsusi karantin rejiminin müddəti uzadıldı

4
Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır

BAKI, 5 dekabr - Sputnik. Azərbaycanda sanitar-epidemioloji vəziyyəti nəzərə alaraq Nazirlər Kabineti yanında Operativ Qərargah bəzi şəhər və rayonlarda sərtləşdirilmiş xüsusui karantin rejiminin müddətinin uzadılmasına dair qərar qəbul edib.

Sputnik Azərbaycan-ın məlumatına görə, bununla bağlı Nazirlər Kabineti “Xüsusi karantin rejimi ilə bağlı əlavə tədbirlər barədə” 336 nömrəli Qərarda müvafiq dəyişiklik edib.

Dəyişikliyə əsasən, Şəki, Lənkəran şəhərlərinin, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarının inzibati ərazisində Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır.

Qeyd edək ki, əvvəl bu müddət dekabrın 7-si saat 06:00-dək müəyyən edilmişdi.

4
Teqlər:
Xaçmaz, Quba, İsmayıllı, Masallı, Cəlilabad, Biləsuvar, Zaqatala, Qax, Lənkəran, Şəki, sərt karantin rejimi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Stasionar telefon, arxiv şəkli

Müdafiə Nazirliyində valideynlər üçün fasiləsiz qaynar telefon xətləri açıblar

3
(Yenilənib 16:14 05.12.2020)
Vətəndaşlar qeyd olunan nömrələrə zəng edərək onları maraqlandıran suallarla bağlı müraciət edə bilərlər

BAKI, 5 dekabr - Sputnik. Hərbi qulluqçuların valideynlərini və yaxınlarını narahat edən məsələlərlə bağlı müraciətləri qəbul etmək məqsədilə Müdafiə Nazirliyində sutka ərzində fasiləsiz qaynar telefon xətləri fəaliyyət göstərir.

Sputnik Azərbaycan bildirir ki, bu barədə Müdafiə Nazirliyinin məlumatında deyilir.
"Bir daha bildiririk ki, vətəndaşlar (012) 912, (012) 538-61-31, (012) 404-76-34 nömrəli telefonlara zəng edərək onları maraqlandıran suallarla bağlı müraciət edə bilərlər", - məlumatda qeyd olunur.

3
Teqlər:
qaynar xətt, valideynlər, hərbçilər, telefon, Müdafiə Nazirliyi