Yahudi muzeyi, arxiv şəkli

Bu qərar Yaxın Şərqdəki vəziyyəti dəyişə bilər

13
(Yenilənib 15:56 29.08.2020)
BƏƏ İsraillə tam diplomatik münasibətlər quran üçüncü ərəb ölkəsidir. Bundan əvvəl Misir və İordaniya müvafiq olaraq 1979 və 1994-cü illərdə İsrail ilə sülh razılaşmasına nail olublar.

BAKI, 29 avqust — Sputnik. Birləşmiş Ərəb Əmirlikləri (BƏƏ) İsrailin üzərindən boykotu götürdüyünü elan edib.

Sputnik Azərbaycan "Reuters" agentliyinə istinadən xəbər verir ki, məhdudiyyətlər BƏƏ Prezidenti Şeyx Xəlifə bin Zaid Əl Nəhyanın 1972-ci il tarixli dekreti ləğv etməsindən sonra aradan qaldırılıb.

Bildirilir ki, tədbir "ikitərəfli münasibətlərin qurulması məqsədi ilə ikitərəfli əməkdaşlığı dəstəkləməyə" yönəlib.

Boykotun ləğvi ilə Birləşmiş Ərəb Əmirliklərindən olan şirkətlər və fərdlər İsraildən olan həmkarları ilə işləyə biləcəklər.

Bir qədər əvvəl İsrail və BƏƏ ABŞ-ın vasitəçiliyi ilə münasibətlərin normallaşdırılmasına dair razılaşma əldə edib. Sövdələşmənin şərtlərinə görə, İsrail İordan çayının qərb sahilində öz suverenliyini yaymaq qərarını müvəqqəti olaraq təxirə salacaq. Sazişin rəsmi imzalanmasından əvvəl tərəflər danışıqlar aparmalı və səfirliklərin, həmçinin ticarət və turizm əlaqələrinin açılmasını müzakirə etməlidirlər.

BƏƏ İsraillə tam diplomatik münasibətlər quran üçüncü ərəb ölkəsidir. Bundan əvvəl Misir və İordaniya müvafiq olaraq 1979 və 1994-cü illərdə İsrail ilə sülh razılaşmasına nail olublar.

13
Ankara şəhərinə mənzərə, arxiv şəkli

Çamadanları toplayın, Ankaraya yol göründü

1
(Yenilənib 11:19 25.09.2020)
Türk Hava Yollarının İstanbula icra etdiyi xüsusi uçuşlar davam edəcək. İstanbul – Naxçıvan – İstanbul uçuşları da eyni qaydada həftənin cümə günləri icra ediləcək.

Eldar Tanrıverdiyev, Sputnik Azərbaycan

BAKI, 25 sentyabr — Sputnik. Türk Hava Yolları 2 Oktyabr 2020-ci il tarixindən etibarən Ankara Bakı və Bakı Ankara xüsusi uçuşlarına başlayacaq. Uçuşların çərşənbə və cümə olmaqla həftədə 2 dəfə həyata keçirilməsi planlanlaşdırılıb və onlar AnadoluJet markası ilə həyata keçiriləcək.

Türk Hava Yollarından Sputnik Azərbaycan-a bildirilib ki, Ankara-Bakı reysi 14:40-18:05-də, Bakı-Ankara isə 19:00-20:35-də təşkil olunacaq: "Bakı – Ankara – Bakı reysinə bileti www.anadolujet.com web səhifəsinə və ya səlahiyyətli agentliklərə müraciət etməklə əldə etmək mümkündür. Ankara uçuşlarımızda tələbə endiriminin keçərli olduğunu və tətbiq edilə bilinəcəyini xüsusiylə qeyd etmək istəyirik".

Məlumatda qeyd olunur ki, Türk Hava Yollarının İstanbula icra etdiyi xüsusi uçuşlar davam edəcək. Oktyabrda bu uçuşların sayı həftəlik 14 uçuş olacaq. İstanbul – Naxçıvan – İstanbul uçuşları da eyni qaydada həftənin cümə günləri icra ediləcək.

1
Moskva meri Sergey Sobyanin, arxiv şəkli

Moskva meri distant rejiminə keçməyə çağırıb: Soyuqlar yaxınlaşır, xəstəlik artacaq

51
(Yenilənib 11:53 25.09.2020)
Sobyanin iş yerlərində sanitar-epidemioloji təhlükəsizlik tədbirlərinin ciddi şəkildə yerinə yetirilməsini təmin etməyi tapşırıb.

BAKI, 25 sentyabr — Sputnik. Moskva meri Sergey Sobyanin koronavirusun yayılması təhlükəsi fonunda işəgötürənlərə mümkün qədər çox əməkdaşı distant iş rejimə keçirməyi tövsiyə edib.

Sputnik Azərbaycan xəbər verir ki, Sobyaninin çağırışı onun şəxsi saytında dərc olunub.

Sobyanin həmçinin dezinfeksiya, fərdi mühafizə vasitələrinin istifadəsi, sosial məsafə, temperaturun ölçülməsi və COVID-19 testləri də daxil olmaqla, iş yerlərində sanitar-epidemioloji təhlükəsizlik tədbirlərinin ciddi şəkildə yerinə yetirilməsini təmin etməyi tapşırıb.

Bundan əlavə, mer sentyabrın 28-dən etibarən yaşlı və xroniki xəstəlikləri olan insanlardan distant iş formatına keçməyi və ya tətil götürməyi xahiş edib.

Sobyanin bildirib ki, Moskvada "koronavirus hallarının sayı əhəmiyyətli dərəcədə artıb" və soyuqların yaxınlaşması ilə soyuqdəymə xəstəliklərinin artması müşahidə olunacaq. O, bütün moskvalıları nəqliyyatda, mağazalarda və digər ictimai yerlərdə maska və əlcək rejimlərinə riayət etməyə çağırıb.

51
Teqlər:
epidemiya, Koronavirus, COVID-19, moskva meri, Moskva, Sergey Sobyanin