ABŞ Prezidenti Donald Tramp, arxiv şəkli

Trampın təhdidi işə yarayır: "TikTok"un rəhbəri şirkətdən ayrılır

15
(Yenilənib 12:43 27.08.2020)
ABŞ Prezidenti Donald Tramp avqustun əvvəlində "TikTok Təhlükəsi ilə Mübarizə Haqqında" fərman imzalayıb.

BAKI, 27 avqust — Sputnik. Populyar "TikTok" video xidmətinin icraçı direktoru Kevin Mayer vəzifəsindən istefa verib.

Sputnik Azərbaycan xəbər verir ki, bu barədə "Financial Times" qəzeti daxili sənədə istinadən məlumat yayıb.

Mayerin istefasına səbəb ABŞ Prezidenti Donald Trampın "TikTok"u ölkədə bağlamaq təhdidləri olub.

"Kevin Mayer icraçı direktor olduqdan bir neçə ay sonra "TikTok"u tərk edir", – əməkdaşlara göndərilmiş məktubda deyilir.

Mayer 2020-ci ilin mayından şirkətin icraçı direktoru olub.

Sənədə əsasən, baş menecer Vanessa Pappas "TikTok"un müvəqqəti icraçı direktoru olacaq.

Trampın "TikTok"la mübarizə haqqında fərmanı

Çinin "ByteDance" şirkətinə məxsus "TikTok" qısa videoçarxlar yaratmaq və izləmək üçün xidmətdir. "TikTok" dünyada sürətlə populyarlıq qazanır.

ABŞ Prezidenti Donald Tramp avqustun əvvəlində "TikTok Təhlükəsi ilə Mübarizə Haqqında" fərman imzalayıb. Prezident sənəddə Amerika yurisdiksiyasında "ByteDance" ilə istənilən razılaşmaya xitam verilməsi üçün 45 gün verib. Tramp "TikTok"un satın alınması üçün mümkün müqavilənin imzalanmasına sentyabrın 15-dək vaxt verdiyini deyib.

Avqustun əvvəlində "Microsoft" şirkəti "TikTok"un ABŞ, Kanada, Avstraliya və Yeni Zelandiyada biznesinin alınması üçün danışıqların davam etdiyini və onları 15 sentyabr tarixindən gec olmayaraq başa çatdıracağını deyib.

Bundan sonra media xəbər verib ki, "Twitter" şirkəti "TikTok" xidmətinin Amerika şöbəsi ilə birləşməyə dair ilkin danışıqlar aparıb.

15
Tələbə

Ali məktəblərə qəbulun nəticələri açıqlandı

146
(Yenilənib 00:33 24.09.2020)
Dövlət İmtahan Mərkəzi tərəfindən ali təhsil müəssisələrinə tələbə qəbulunun nəticələri açıqlanıb. Sosial şəbəkələrdə bu barədə paylaşımlar edilir.

BAKI, 23 sentyabr - Sputnik. Dövlət İmtahan Mərkəzi tərəfindən ali təhsil müəssisələrinə tələbə qəbulunun nəticələri açıqlanıb.

Sputnik Azərbaycan  DİM-ə istinadla xəbər verir ki, artıq abituriyentlərə ali məktəblərə qəbul olub-olmadıqları barədə sms göndərilir.

Qeyd edək ki, artıq sosial şəbəkələrdə övladları və özləri ali məktəblərə daxil olan şəxslər bu barədə paylaşımlar edirlər. 

146
Mina Hüseyn

Şortikin əleyhinə daha bir sərt tənqid səsləndi

44
(Yenilənib 23:29 23.09.2020)
Müğənni Mina Hüseynin ARB kanalında yayımlanan "Xəbər ətər" verilişinə geyindiyi şort tənqid edilib.

BAKI, 23 sentyabr — Sputnik. Müğənni Mina Hüseynin Arb kanalında yayımlanan "Xəbər ətər" verilişinə geyindiyi şort tənqid edilib.

Sputnik Azərbaycan-ın məlumatına görə, verilişə telefon zəngi ilə qoşulan Əməkdar artist Zöhrə Abdullayeva gənc ifaçını geyiminə görə qınayıb:

"Mina gözəl qızdır. Amma sənə ağbirçək məsləhətim var. Mən də sən yaşda olmuşam, amma belə geyinməmişəm. İstəmirəm qəlbinə toxunum. O nə oturuşdur? Efirdə niyə elə oturmusan? Onsuz da əynində heç nə yoxdur. Müğənni şort geyinməz. Müğənni pünhan qalmalıdır. O niyə elə geyimdə ora çıxıb? Alt paltarında efirə çıxıb. Bu "saruçqa" geyinib, amma aşağı hissədən heç nə geyinməyib. Oxumağı pis deyil, amma geyimi pisdir. Biz elə geyinsəydik, bizi alan olmazdı".

Z.Abdullayevanın fikirlərinə Mina bu cür cavab verib:

"Məndən böyükdür, fikirlərinə hörmətlə yanaşıram. Amma bu mənim tərzimdir. Dünya ulduzlarına baxıb, bu tərzi seçmişəm. Nə üçün dediyinizi başa düşürəm. Bu mənim tərzimdir, gələcəkdə düzəldərəm. Amma mən sənətə ərə getmək üçün gəlməmişəm".

44