Bakıya gətiriləcək yeni avtobus

Bakıya 115 ədəd yeni avtobus gətiriləcək

16
(Yenilənib 13:04 26.08.2020)
Hazırda BMC və MAN şirkətləri ilə elektirik avtobuslarının gətirilməsi, onların çalışması üçün uyğun infrastrukturun qurulmasına dair müzakirələr aparılır.

BAKI, 26 avqust — Sputnik. Dövlət başçısının vətəndaşlara keyfiyyətli ictimai nəqliyyat xidmətlərinin göstərilməsi ilə bağlı tapşırığına uyğun olaraq paytaxta 115 ədəd yeni avtobus gətiriləcək. Sputnik Azərbaycan-ın məlumatına görə, bu barədə Bakı Nəqliyyat Agentliyi məlumat yayıb. Agentlikdən bildirdilər ki, Türkiyənin BMC şirkətinin istehsalı olan avtobuslar müasir, komfortlu və ekoloji baxımdan təmiz nəqliyyat vasitələridir.

Sıxılmış təbii qaz mühərrikli (CNG) avtobusların 80 ədədi 12 metrlik, 35-i isə 9 metrlik avtobuslardır. İlkin olaraq 12 metrlik avtobusların çatdırılmasına başlanılacaq. Yaxın günlərdə başlanılacaq prosesin noyabrın sonunadək yekunlaşdırılması planlaşdırılır. Avtobusların gətirilməsi ilə Bakı şəhərinin marşrut şəbəkəsi daha da müasirləşəcək ki, bu da sərnişindaşımaların daha rahat və təhlükəsiz təşkili baxımından əhəmiyyətlidir. Əhaliyə göstərilən ictimai nəqliyyat xidmətlərinin həm təhlükəsizlik, həm də keyfiyyət nöqteyi-nəzərindən qabaqcıl dünya standartlarına çatdırılması daim dövlətin diqqət mərkəzindədir. Cənab Prezidentin tapşırığı əsasında son 5 ildə 603 ədəd orta və iri tutumlu müasir sərnişindaşıyan avtobus alınaraq, Bakı şəhərinin marşrut şəbəkəsində istismara buraxılıb.

Avtobus parkının yenilənməsi ilə bağlı ötən müddətdə görülən tədbirlər pandemiya dövründə şəhər nəqliyyatının dayanıqlığını təmin edib. Dövlət başçısının müvafiq sərəncamına əsasən 2019-cu ildə alınan 300 ədəd avtobus sayəsində müntəzəm xətlərlə yanaşı, 12 sayda ekspres xətt təşkil olunub və müntəzəm xətlər üzrə avtobusların sayı artırılıb ki, bu da pandemiya zamanı mühüm əhəmiyyət kəsb edir. Xüsusi ilə avtobus parkında 18 metrlik avtobusların olması səhər və axşam pik saatlarında sərnişin axının idarə olunması baxımından zəruri hesab olunur. Yeni avtobusların alınması ilə ətraf kənd və qəsəbələr, o cümlədən də Mərdəkan, Maştağa, Bilgəh, Buzovna, Zaqulba, Sabunçu, Zabrat, Qaraçuxur və Bakıxanov qəsəbələrinin birbaşa şəhər mərkəzi ilə əlaqələndirilməsi mümkün olub. Avtobus parkının yenilənməsi çərçivəsində paytaxta elektirik mühərrikli avtobusların gətirilməsi də planlaşdırılır. Hazırda BMC və MAN şirkətləri ilə elektirik avtobuslarının gətirilməsi, onların çalışması üçün uyğun infrastrukturun qurulmasına dair müzakirələr aparılır.

16
Ceyms Bond

Ceyms Bondun silahı hərracda satıldı

5
(Yenilənib 20:46 05.12.2020)
Bir müddət əvvəl isə hərraca Bondun "Doktor Nou" filmində ilk sevgilisi, isveçrəli aktrisa Ursula Andressin çimərlik geyimi çxarılmışdı

 

BAKI, 5 dekabr — Sputnik. Şon Konnerinin agent-007 rolunu oynadığı "Ceyms Bond" filmində istifadə edilən tapança hərracda yüksək qiymətə satılıb.

Sputnik Azərbaycan xarici mətbuata istinadla xəbər verir ki, tapança 256 min dollara satılıb.

Söhbət "Doktor Nou" filmində olan Walther PP silahından gedir. Süjet xəttinə görə, məhz bu filmdə Bond Berettanı Walther PP-yə dəyişir. Çünki o, Berettanın uğursuluq gətirəcəyini düşünürdü. Həmin vaxtdan Walther PP xüsusi agentin əsas silahına çevrilir.

Silah gözlənildiyindən baha qiymətə satılıb. Çünki əvvəlcə o, 150-200 min dollar məbləğində dəyərləndirilmişdi.

Bir müddət əvvəl isə hərraca Bondun "Doktor Nou" filmində ilk sevgilisi, isveçrəli aktrisa Ursula Andressin çimərlik geyimi çxarılmışdı. Geyim yarım milyon dollar məbləğində dəyərləndirilmişdi.

Qeyd edək ki, çimərlik geyimi ilk dəfə 2001-ci ildə 45 dollara Planet Hollywood restoranlar şəbəkəsinin rəhbəri Robert Erl tərəfindən satın alınmışdı.

5
Teqlər:
tapança, hərrac, Şon Konneri, film
Bill Geyts

Bill Geyts tarix verdi - Həyat zaman normala dönər?

9
(Yenilənib 21:00 05.12.2020)
Bill Geyts inkişaf etdirilən peyvəndlər və müalicə üsulları sayəsində ABŞ-ın 2021-ci ilin yazına qədər normala dönə biləcəyini söyləyib

BAKI, 5 dekabr — Sputnik. “Microsoft” şirkətinin qurucusu Bill Geyts pandemiyanın gedişatı ilə bağlı bir açıqlama verib.

Sputnik Azərbaycan NTV-yə istinadla xəbər verir ki, Bill Geyts qarşıdakı 4-5 ayın pandemiya ilə mübarizədə çətin olacağı ilə bağlı xəbərdarlıq edib. O, peyvənd istehsalının bahar aylarında artacağını və nəzərəçarpacaq dəyişikliyin yaşanacağını vurğulayıb.

Bill Geyts inkişaf etdirilən peyvəndlər və müalicə üsulları sayəsində ABŞ-ın 2021-ci ilin yazına qədər normala dönə biləcəyini söyləyib. Milyonçu maska taxmağın və sosial məsafə saxlamağın vacibliyini bir daha diqqətə çatdırıb.

Qeyd edək ki, Bill Geyts koronavirus peyvəndi araşdırmaları üçün bir çox şirkətə milyonlarla dollar sərmayə qoyub.

9
Teqlər:
vaksin, pandemiya, Koronavirus, COVID-19, epidemiya, "Microsoft", Bill Qeyts, Bill Gates
Mövzu:
Dünyanı cənginə almış bəla