Saş karxanası, arxiv şəkli

Daş karxanalarının fəaliyyətindən narazılıq - Nazirlik isə rəy verir

232
"Daş karxanaları müasir texnologiyalardan yararlanmalı, mümkün qədər ətrafa az toz və səs yayan avadanlıqlardan istifadə etməlidir".

BAKI, 25 avqust — Sputnik. "Azərbaycanda daş karxanaları ilə bağlı vətəndaşlardan şikayət daxil olur. Amma son illər Azərbaycanda daş karxanalarının sayı kəskin azalıb". Sputnik Azərbaycan-ın məlumatına görə, bunu Ekologiya və Təbii Sərvətlər Nazirliyinin rəsmi "Facebook" səhifəsində “Ekspert saatı” verilişinin bugünkü qonağı Dövlət Ekoloji Təhlükəsizlik Xidmətinin rəisi Hikmət Əlizadə söyləyib. O bildirib ki, daş karxanalar ilə bağlı araşdırmalar aparılır: "Əgər son üç illə müqayisəli götürsək 3 il əvvəl Azərbaycanda 800-dən artıq daş-çınqıl karxanası vardı. Son üç ildə onlardan 500-nin fəaliyyəti tələblərə əməl etmədikləri üçün dayandırılıb. Hazırda karxanaların sayı 300-ə düşüb. Bağlanan karxanaların ətraf mühitə vurduğu ziyanın həddi 30 milyon olub. Ondan 15 milyonu ödənilib. Digər məbləğin ödənilməsi üçün hüquq mühafizə orqanlarına müraciət edilib".

H.Əlizadə bildirib ki, yaxın gələcəkdə karxanaların fəaliyyətini dayandırması da mümkündür: "Yaxın gələcəkdə ola bilər ki, karxanalar öz fəaliyyətini dayandırsın. Süni materialdan olan tikinti materialları çıxdıqca mişar daşına olan tələbat azalacaq".

Xidmət rəisi qeyd edib ki, daş karxanaları fəaliyyətləri ilə mütləq mənada ətraf mühitə ziyan vurur. Amma bu gün onların fəaliyyətini dayandırmaq faciəyə səbəb ola bilər. O səbəbdən biz "qızıl orta" deyilən həddi tapdıq. Sənədləri olanların işləməsinə icazə verilib. Amma daş karxanaları müasir texnologiyalardan yararlanmalı, mümkün qədər ətrafa az toz və səs yayan avadanlıqlardan istifadə etməlidir".

Qeyd edək ki, izləyicilər canlı yayımda daş karxanalarının tozundan və səsindən ərazidə yaşaya bilmədiklərini, amma xidmətin əməkdaşlarının Nardaranda daş karxanasına baxış keçirərək səsin və tozun normaya uyğun olduğu barədə rəy verilib.

232
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

14
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

14
Teqlər:
tələbələr, rejissor, Hindistan, prodüser, mükafat
Quşlar

Quş qripi ilə bağlı epizootoloji monitorinqlər keçirilib

7
(Yenilənib 23:48 01.12.2020)
Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub.

BAKI, 1 dekabr — Sputnik. Respublika ərazisini yüksək patogen quş qripi xəstəliyindən qorumaq məqsədilə mövsümü epizootoloji monitorinqlərə başlanılıb. İlk monitorinq 2-6 noyabr 2020-ci il tarixlərində Azərbaycan Respublikası Qida Təhlükəsizliyi Agentliyi, Azərbaycan Respublikası Ekologiya və Təbii Sərvətlər Nazirliyi, Azərbaycan Respublikası Kənd Təsərrüfatı Nazirliyi yanında Aqrar Xidmətlər Agentliyinin və Azərbaycan Qida Təhlükəsizliyi İnstitutunun nəzdində fəaliyyət göstərən laboratoriyaların əməkdaşlarının iştirakı ilə keçirilib. Agentlikdən Sputnik Azərbaycan-a verilən məlumata görə, çöl quşları arasında monitorinqlər Abşeron yarmadasını, Şirvan Milli Parklarının ərazisini, Ağzıbir ovçuluq təsərrüfatını və Qızılağac Milli Parkı ilə yanaşı, su-bataqlıq ərazilərini, eləcə də respublikamızın dənizsahili zonalarını əhatə edib. Eyni zamanda, Bakı şəhərindəki, Abşeron, Şabran, Salyan və Lənkəran rayonlarındakı ailə təsərrüfatlarında müxtəlif növ quşdan, o cümlədən Bakı və Sumqayıt şəhərlərindəki, Abşeron, Salyan, Neftçala, Sabirabad, Lənkəran, Cəlilabad, Xızı və Siyəzən rayonlarında yerləşən sənaye əsaslı iri və kiçik həcmli quşçuluq müəssisələrində ev quşundan diaqnostik materiallar götürülərək laboratoriya müayinələrinə cəlb edilib.

Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub. Müayinə zamanı yüksək patogen quş qripi xəstəliyinin törədicisi aşkar edilməyib.

Qeyd edək ki, keçirilən monitorinqlər çərçivəsində xəstəlik əlamətləri müşahidə edilən quşlara və ya quş cəsədinə rast gəlinməyib.

7