Yuliya Timoşenko, arxiv şəkli

Vəziyyəti ağırdır: Keçmiş baş nazir süni nəfəs aparatına qoşulub

713
(Yenilənib 20:48 25.08.2020)
Yuliya Timoşenkonun və doğmalarının koronavirusa yoluxması haqqında avqustun 23-də məlum olub. Onun hansı şəraitdə və nə vaxt xəstələndiyi bilinmir.

BAKI, 25 avqust — Sputnik. Ukraynanın koronavirusa yoluxmuş sabiq Baş naziri Yuliya Timoşenko ağciyərlərin süni ventilyasiyası aparatına qoşulub.

Sputnik Azərbaycan xəbər verir ki, bu barədə "RBK-Ukrayna" agentliyinə etibarlı mənbələr deyib.

"Batkivşina" partiyasının liderinin vəziyyəti sabit ağır olaraq qiymətləndirilir, onun temperaturu 39 dərəcədən aşağı düşmür. Timoşenkonun qızı və kürəkəni koronavirusu yüngül formada keçirir.

Yuliya Timoşenkonun və doğmalarının koronavirusa yoluxması haqqında avqustun 23-də məlum olub. Onun hansı şəraitdə və nə vaxt xəstələndiyi bilinmir.

Son məlumatlara görə, pandemiyanın başlanğıcından bəri Ukraynada koronavirusa 108 mindən çox insan yoluxub, 2318 xəstə vəfat edib, 52 mindən çox xəstə sağalıb.

713
Mövzu:
Yeni tip koronavirus pandemiyası (586)
Azərbaycanda koronavirus infeksiyasına qarşı vaksinasiya

Azərbaycan vətəndaşlarının vaksinasiya olunacağı tarix açıqlandı

2
(Yenilənib 18:44 22.01.2021)
TƏBİB-in rəhbəri: "Risk qrupuna aid vətəndaşlar başda olmaqla, bütün əhali mərhələli şəkildə vaksinasiyada iştirak edəcək".

BAKI, 22 yanvar — Sputnik. "Azərbaycanda koronavirus infeksiyasına qarşı vaksinasiya başlanıb və qarşıdakı iki həftə ərzində tibb işçilərimizin peyvənd olunması prosesi başa çatacaq". Sputnik Azərbaycan-ın məlumatına görə, bunu "Anadolu" agentliyinə açıqlamasında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

Onun sözlərinə görə, daha sonra 65 yaşdan yuxarı vətəndaşlar peyvənd olunacaqlar: "Risk qrupuna aid vətəndaşlar başda olmaqla, bütün əhali mərhələli şəkildə vaksinasiyada iştirak edəcək. İlkin olaraq risk qrupları, ikinci mərhələdə isə 50 yaşdan yuxarı insanların peyvənd olunması nəzərdə tutulur. Nəticədə biz xəstəxanalarda olan aktiv xəstələrin sayında azalmaya nail ola bilərik. Xəstəxanalarda müalicə alanların 70-75 faizi 50 yaşdan yuxarı şəxslərdir".

2
Teqlər:
Tibbi Ərazi Bölmələrini İdarəetmə Birliyi, brifinq, TƏBİB
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

3
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

3