Toy

DİN məlum toy barədə çox sərt danışdı - Şənliyi keçirənlər barədə ölçü götürüləcək

1059
(Yenilənib 19:47 21.08.2020)
"Sosial şəbəkələrdə karantin qaydalarının pozulması ilə bağlı yayılan bütün görüntülər araşdırılır. Bu faktlar təsdiqini tapacağı təqdirdə həm restoran sahibi, həmçinin də o şənliyi keçirənlər barədə tədbir görüləcək"

Sputnik Azərbaycan, Zülfiyyə Quluyeva

BAKI, 21 avqust — Sputnik. Nazirlər Kabinetinin (NK) qərarı ilə ölkəmizdə koronavirus pandemiyası dövründə toy, nişan mərasimlərinin keçirilməsi, eləcə də kütləvi toplaşmaq qadağan edilsə də, son günlər NK-nın bu qərarı kobud şəkildə pozulur. Mətbuatın yaydığı məlumata görə, hətta məmurlar arasında da övladına xeyir iş edənlər az deyil. Bu siyahıya şou-biznes əhli də daxildir. Bu gün isə daha bir müğənni, Nüşabə Musayeva məşhur restoranların birində özünə təmtərtaqlı  ad günü şənliyi təşkil edib. Şənliyə müğənninin yaxınları dəvət edilib. Öz instaram hesabında  ad gününü əks etdirən şəkil və videolar paylaşan müğənninin fotolarına baxdıqda məlum olur ki, həmin gün istirahət məkanında toy mərasimi də baş tutub. Şəkillərdə arxa fonda rəqs edən gəlinlik libasında olan gəlinin rəqsi buna sübutdur. Bir sözlə yayılan video və şəkillər ölkəmizdə koronavirus pandemiyası dövründə toy, nişan mərasimlərinin keçirilməsi qadağan olsa da, bu qadağalara məhəl qoyulmadığını təsdiqləyir. Sözsüz ki, bu hallar cəmiyyətdə ikrah hissi doğurur. Öz övladının toyunu karantinə görə təxirə salan sadə insanlar haqlı olaraq bu məsələyə irad bildirirlər. Sosial şəbəkə istifadəçiləri paylaşılan görüntülərin şərh bölümündə karantin qaydalarına nəzarətdə sosial bərabərsizliyin olduğunu qeyd edərək , polisin hansısa kənddə kiçik mərasim düzənləyən zaman müdaxilə edərək onları cərimələdiyini, məmurların, müğənnilərin və imkanlı şəxslərin keçirdiyi şənliklərə "gözün üstə qaşın var" deyənin olmadığını yazırlar.

Sputnik Azərbaycan karantin dövründə toy və nişan, eləcə də ad günü mərasimlərinin təşkilinə nəzarət, eləcə də, bunun virusun yayılmasına təsirini araşdırıb.

Nazirlər Kabinetinin mətbuat katibi İbrahim Məmmədov Sputnik Azərbaycan-a açıqlamasında bildirib ki, Nazirlər Kabinetinin karantinlə bağlı verdiyi qərarların icrasına nəzarət Daxili İşlər Nazirliyinin səlahiyyətindədir: "Toy, nişan və ad günü mərasimləri ilə bağlı qərar saytımızdadır. Bu məsələ ilə bağlı siz Daxili İşlər Nazirliyinə müraciət edin".

Daxili İşlər Nazirliyinin mətbuat xidmətinin rəhbəri Ehsan Zahidov Sputnik Azərbaycan-a açıqlamasında bildirib ki, sosial şəbəkələrdə karantin qaydalarının polzulması ilə bağlı sosial şəbəkələrdə yayılan bütün görüntülər araşdırılır. Bu faktlar təsdiqini tapacağı təqdirdə həm restoran sahibi, həmçinin də o şənliyi keçirənlər barədə tədbir görüləcək: "Polis əməkdaşları restoranın içərisinə keçə bilmir. Amma bu faktlar təsdiqini taparsa, mütləq tədbir görüləcək".

Qeyd edək ki, karantin qaydalarının məmurlar və cəmiyyətdə tanınmış  şəxslər tərəfindən pozulması ictimaiyyət tərəfindən də birmənalı qarşılanmır. Millət vəkili Fəzail Ağamallı Sputnik Azərbaycan-a açıqlamasında bildirib ki, şəxsi həyat və ailə işlərinə müdaxilənin əleyhinə olsa da, karantin qaydalarının pozulmasını düzgün saymır: "Allah ailə quran gənclərimizi xöşbəxt etsin. Bu mənim dəyişilməz yanaşmam, prinsipal mövqeyimdir. Amma karantin qaydalarının pozulması halları varsa,  araşdırılma aparılmalıdır. Azərbaycan qanunları, mövqeyindən, sosial durumundan asıl olmayaraq hər kəs üçün keçərlidir. Vəzifəli şəxslər, yaxud da vaxtıilə  vəzifədə olan şəxslər hansıki Azərbaycanda kifayət qədər  tanınmış insanlardır, onlar qanuna hörmət etmək və riayət etmək nümunəsini daşımalıdırlar, bunu hər kəsə göstərməlidirlər. Onlar bu məsələdə istisna ola bilməz. Əksinə cəmiyyətdə  tanınan şəxslər bu məsələdə nümunə olmalı, insanlarda qıcıq yaratmamalı, hər bir vətəndaşla bərabər olmalıdırlar. Mənim bu məsələdə mövqeyim belədir".

Səhiyyə Nazirliyinin baş infeksionisti Cəlal İsayev Sputnik Azərbaycan-a açıqlamasında bildirib ki, karantin dövründə toy və nişan mərasimlərinin, eləcə də təmtəraqlı ad günlərinin keçirilməsi koronavirusa yoluxma sayını artıracaq: "Yoluxma hadisələri arta bilər. Hər şeyi polis gücünə həll etmək olmaz. İnsanlar bu xəstəliyin ağırlığını, ölüm hallarını görüblər. Virusa yoluxma sayı da 500-dən aşağı düşüb. Aşağı düşməkdə də davam edir. Elə etmək lazımdır ki, bu say yenidən artmasın".

C. İsayev deyir ki, toy və nişan mərasimlərinin keçirilməsi insanların virusun varlığına inanmadığının nəticəsi deyil: "Əhalimiz virusa inanırlar. Sadəcə virusa yoluxma sayının azalması insanlarda arxayınlıq yaradıb. Amma insanlar fikirləşməlidir ki kimsə bu virusa yoluxmasın. Biz insanlara ziyan veririksə heç olmasa bura az adam dəvət etmək olar.  Biz fikirləşməliyik ki, toya, ad gününə gələn insanlar arasında yanaşı xəstəlikləri olanlar ola bilər. Belə insanlar virusa da yoluxduqda xəstəliyi çox ağır keçirdirlər. Bu hətta ölümə belə gətirib çıxardır. Biz bunu polis gücünə  buna nəzarət etməməliyik. İnsanlar özləri virusun olduğunu dərk edib bu cür yığıncaqlardan könüllü çəkinməlidirlər".

Qeyd edək ki, hazırda Nazirlər Kabineti yanında operativ qərargahın qərarı ilə ölkədə xüsusi karantin rejimi tətbiq edilir.

1059
Protezlər, arxiv şəkli

Qazilərin təminatı dərəcədədir - Agentlik hesabat verdi

2
(Yenilənib 13:37 16.01.2021)
Dəstək tədbirləri artıq 8500 şəxsi əhatə edib və onlardan 3200-ə yaxın şəxs sosial-psixoloji dəstəklə təmin olunub.

 

BAKI, 16 yanvar — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekpsertiza və Reabilitasiya Agentliyinin (DTSERA) sədri Cavid Əbdül-Qədirov Agentliyin Reabilitasiya Mərkəzində sosial-psixoloji reabilitasiya xidmətləri göstərilən Vətən müharibəsi qaziləri ilə görüşüb.

Nazirlikdən Sputnik Azərbaycan-a verilən məlumata görə, görüşdə C.Əbdül-Qədirov dövlət başçısının tapşırığı ilə Nazirlik tərəfindən postmüharibə dövründə şəhidlərin ailələri, qazilərimizlə bağlı sosial dəstək tədbirləri həyata keçirildiyini deyib.

Qeyd edilib ki, bu dəstək tədbirləri artıq 8500 şəxsi əhatə edib və onlardan 3200-ə yaxın şəxs sosial-psixoloji dəstəklə təmin olunub. O cümlədən, DTSERA-nın reabilitasiya müəssisələrində postmüharibə dövründə 260 qaziyə, şəhidlərin, yaralı hərbçilərin 20 uşağına sosial-psixoloji reabilitasiya xidmətləri göstərilib. Bakı Sağlamlıq Mərkəzində və Sərhəd Qoşunları Hospitalında müalicə alan hərbçilərdən 28 hərbçini də Agentlik sosial-psixoloji reabilitasiyaya cəlb edib. Eləcə də 5 qazi yüksək texnologiyalı müasir protezlə, 7 qazi əlil arabası, əlavə olaraq 130-a yaxın qazi 530-dan çox reabilitasiya vasitəsi ilə təmin olunub.

Nazirlər Kabinetinin 13 yanvar 2021-ci il tarixli Qərarı ilə əmək və əhalinin sosial müdafiəsi nazirinin sədrliyi ilə yaradılan komissiya tərəfindən isə hərbçilərin tibbi-sosial ekspertizasının əyani müayinə keçirməklə, operativ, vaxtında, keyfiyyətlə və mərkəzləşmiş şəkildə aparılması üçün müvafiq işlər görülür.

Görüş zamanı mərkəzdə sosial-psixoloji reabilitasiya kursu başa çatmaqda olan qazimiz - döyüşlərdə qəlpə yarası almış Cəfərov Samir İlham oğlunun doğum günü olduğu bildirilib və onun ad günü qeyd edilib. Agentlik sədri, mərkəzin kollektivi, qazi yoldaşları ona xoş arzularını ifadə ediblər.

Görüşdən sonra Agentliyin sədri göstərilən sosial-psixoloji reabilitasiya xidmətlərini nəzərdən keçirib.

2
Xalq artisti Faiq Ağayev, arxiv şəkli

Faiq Ağayev anasını klipə çəkdi, məşhurları oxutdu - VİDEO

5
(Yenilənib 13:24 16.01.2021)
Klipdə Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova və digər məşhurlar da yer alıblar

BAKI, 16 yanvar — Sputnik. Xalq artisti Faiq Ağayevin Azərbaycanın Vətən Müharibəsində əldə etdiyi əzəmətli, tarixi Qələbəsinə həsr olunan "Sən qalibsən" klipi təqdim edilib.

Sputnik Azərbaycan xəbər verir ki, mahnının sözləri və musiqisi Xanim İsmayılqızıya aiddir.

Klipə kifayət qədər məşhur simalarla yanaşı, Faiq Ağayevin anası Səfiyyə Ağayeva da çəkilib. Siyahıda Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova, PRoMete, Kamran Ağabalayev, Leyla Quliyeva, Samir Bayramlı və Əli Paşayevin adları var.

5
Teqlər:
qələbə, Qarabağ, klip, Faiq Ağayev