Noutbuk arxasında kişi, arxiv şəkli

Ölkədə vəsiqəlilərin sayı arta bilər

19
(Yenilənib 12:00 21.08.2020)
Baş Prokurorluq ictimai köməkçilərə vəsiqə verilməsi ilə bağlı məsələyə aydınlıq gətirib.Baş Prokurorluq ictimai köməkçilərə vəsiqə verilməsi ilə bağlı məsələyə aydınlıq gətirib.

BAKI, 21 avqust — Sputnik. Baş Prokurorluq ictimai köməkçilərə vəsiqə verilməsi ilə bağlı məsələyə aydınlıq gətirib.

Sputnik Azərbaycan xəbər verir ki, Baş Prokurorluğun "Instagram" səhifəsində aparılan sual-cavab sessiyasında bildirilib ki, hazırda Prokurorluq orqanlarında ictimai köməkçilərə vəsiqə verilməsi nəzərdə tutulmayıb: "Lakin bu məsələyə gələcəkdə baxıla bilər".

Həmçinin qeyd edilib ki, yaxın vaxtlarda mütəmadi Baş Prokuror və Baş Prokurorluğun rəhbərliyinin iştirakı ilə brifinqlər, mətbuat konfranslarının keçirilməsi nəzərdə tutulub. Kütləvi informasiya vasitələrinə tədbir keçirilməsi barədə ətraflı məlumatlar əvvəlcədən veriləcək.

Xatırladaq ki, Baş Prokurorluğun "Instagram" səhifəsində sual-cavab sessiyası keçirilir. Saat 09:00-dan başlayan sessiya 15:00-dək davam edəcək.

Vətəndaşlar onlayn sessiyaya qoşularaq prokurorluq orqanlarının fəaliyyəti ilә bağlı suallar verə bilərlər.

19
Bakıda qarlı hava, arxiv şəkli

Bakıda şaxta gözlənilir

0
Havanın temperaturu gecə saatlarında 0 dərəcəyə yaxınlaşacaq. Yanvarın 20-dən 21-nə və 21-dən 22-nə keçən gecə paytaxtda temperaturun 0-mənfi 2 dərəcə olacağı proqnozlaşdırılır".

BAKI, 19 yanvar — Sputnik. "Bu gün ərzində ölkə ərazisində Aralıq dənizi siklonunun keçməsi nəticəsində respublikanın əksər rayonlarında yağıntılı hava müşahidə edilir".

Sputnik Azərbaycan xəbər verir ki, bu barədə Milli Hidrometeorologiya Xidmətinin rəisi Umayra Tağıyeva deyib. O bildirib ki, saat 12-yə olan məlumata görə, gecə saatlarından yağan qar respublikanın dağlıq və dağətəyi rayonlarında qar örtüyünün yaranmasına səbəb olub: "Ən yüksək qar örtüyü Qax rayonunun dağlıq ərazilərində müşahidə edilib. Burada qar 40 sm-dən artıq olub. Şəki, Gədəbəy, Göygül, Daşkəsən, Oğuz, Şəki, Quba, Altıağac, Ordubad, Qəbələ, Qusarda qar örtüyünün hündürlüyü 2 sm-dən 15 sm-dək müşahidə edilib. Gün ərzində respublikanın əksər rayonlarında yağıntılar davam edəcək və axşama doğru, ayın 20-də, hətta respublikanın Aran rayonlarında yağışın sulu qara və qara keçəcəyi proqnozlaşdırılır".

U.Tağıyeva qeyd edib ki, Bakıda və Abşeron yarımadasında ayın 20-də yağışın sulu qar və qarla qarışıq yağması gözlənilir: "Havanın temperaturu gecə saatlarında 0 dərəcəyə yaxınlaşacaq. Yanvarın 20-dən 21-nə və 21-dən 22-nə keçən gecə paytaxtda temperaturun 0-mənfi 2 dərəcə olacağı proqnozlaşdırılır".

Milli Hidrometeorologiya Xidmətinin yaydığı ümumi məlumata görə, sabah havanın temperaturu Bakıda və Abşeron yarımadasında gecə 0, gündüz 1-3 dərəcə isti olacaq. Atmosfer təzyiqi 764 mm civə sütunu, nisbi rütubət 80-90 faiz təşkil edəcək.

Yanvarın 20-də Azərbaycanın rayonlarında havanın arabir yağıntılı olacağı, bəzi yerlərdə qar yağacağı, ayrı-ayrı yerlərdə intensiv olacağı gözlənilir. Gecə və səhər saatlarında duman olacaq, qərb küləyi ayrı-ayrı yerlərdə arabir güclənəcək.

Havanın temperaturu gecə 0-3, gündüz 3-6 dərəcə isti, dağlarda gecə 7-12 dərəcə şaxta, gündüz 0-5 dərəcə isti olacaq. Yolların buz bağlayacağı gözlənilir.

0
Teqlər:
buz, şaxta, hava
Xınalıqda qarlı hava

Bakılılar üçün matah, dağ əhli üçün bərəkət - VİDEO

5
(Yenilənib 13:44 19.01.2021)
Xınalıq kəndi ağappaq qarın əsarətindədir. Milli Hidrometeorologiya Xidmətinin məlumatına görə, bu gün yağıntının miqdarı bir qədər də arta bilər.

BAKI, 19 yanvar — Sputnik. Azərbaycanın şimal rayonlarına qar yağıb.

Sputnik Azərbaycan-ın məlumatına  görə, Quba, Qusar və Xızı ağ örpəyə bürünüb. Qubanın Xınalıq kəndində qarın hündürlüyü 15 sm-ə çatıb, 7 dərəcə şaxta var.

Milli Hidrometeorologiya Xidməti bildirib ki, bu gün ölkə ərazisində yağıntının intensivləşəcəyi, havanın temperaturunun daha 4-5 dərəcə aşağı enəcəyi, dağlıq və dağətəyi rayonlarda qar yağacağı, aran bölgəsində isə yağışın sulu qara keçəcəyi gözlənilir. Dağlıq və dağətəyi rayonlarda havanın şaxtalı keçməsi yolların buz bağlamasına səbəb olacaq.

5
Teqlər:
hava, qar, Bakı