Madonna, arxiv şəkli

Dünyaca məşhur müğənni ad gününü fərqli qeyd etdi tort əvəzinə...

67
(Yenilənib 10:05 18.08.2020)
İnsanların böyük bir qismi müğənninin bu addımını tənqid atəşinə tutublarİnsanların böyük bir qismi müğənninin bu addımını tənqid atəşinə tutublar

BAKI, 17 avqust — Sputnik. Gözəlliyi ilə illərə meydan oxuyan Madonna 62 yaşını fərqli qeyd edib. Belə ki, dostları ilə birgə ad gününü qeyd edən ulduz özəl günündə tort əvəzinə narkotik qəbul edib. Müğənni bu anları sosial media hesabından yayımlamağı da unutmayıb.

Amerikalı ulduz özündən 36 yaş kiçik, 26 yaşlı sevgilisi Ahlamalik Uilyams və 23 yaşlı qızı Lurdes Leon da onunla birlikdə doğum gününü qeyd ediblər. Onun bu hərəkəti sosial şəbəkələrdə geniş müazakirələrə səbəb olub. İnsanların böyük bir qismi müğənninin bu addımını tənqid atəşinə tutublar.

67
Teqlər:
Lurdes Leon, Ahlamalik Uilyams, sosial media, Ad günü, tort, narkotik, Madonna
Əlaqədar
Rusiyanın ulduz aktyoru azərbaycanlı həkimin hekayəsini anladıb
Estetik əməliyyat etdirən ulduz büsbütün dəyişdi
Şakira, Cey Lo, Madonna və Britni: ən qaynar ulduz duetləri
Madonna "Eurovision -2019"da iştiraka razılıq verib
Gürcüstanda etirazlar

Gürcüstanda yeparxiya davası dindarların balkondan yıxılması ilə nəticələnib - VİDEO

5
(Yenilənib 00:20 09.03.2021)
Balkonda davam edən dava zamanı taxta dirəklər sınıb və oradakılar yerə yıxılıb. Xəsarət alanların arasında Gürcüstan telekanallarının jurnalistləri və operatorları da olub.

BAKI, 9 mart - Sputnik. Gürcüstanın Martvili şəhərindəki Çkondid yeparxiyasında baş verən dava zamanı on nəfər eyvandan yıxılıb, onlardan altısı xəsarət alıb.

Sputnik Gürcüstan xəbər verir ki, Gürcüstan Daxili İşlər Nazirliyi hadisəni araşdırmağa başlayıb.

Məlumata görə, yeni hakim mitropolit Stefanın sədrliyi ilə keçirilən qapalı iclasda ruhanilər arasında yaranmış mübahisə dava ilə bitib.

Çkondid və Martvilinin yeni mitropoliti Stefan ata keçmiş mitropolitin tərəfdarı olan iki dyakonun ibadət etməsini qadağan edib.

Bundan sonra yeparxiya xadimləri arasında qarşıdurma yaranıb. Kilsə və pastva xadimləri münasibətlərə aydınlıq gətirmək istəyiblər. Qarşıdurma binanın ikinci mərtəbəsinin eyvanında davam edib. Nəticədə taxta dirəklər sınıb və oradakılar yerə yıxılıb. Xəsarət alanların arasında Gürcüstanın Formula-1, POSTV, TV Pirveli, Rustavi 2 telekanallarının jurnalistləri və operatorları da olub.

Xəsarət alanlar təcili yardım briqaları tərəfindən xəstəxanaya aparılıb. Gürcüstan Patriarxlığı hələlik Çkondid yeparxiyasında baş verənləri şərh etməyib.

Gürcüstanın Daxili İşlər Nazirliyi Martvili rayonundakı Çkondid yeparxiyasında baş verən dava faktı ilə bağlı cinayət işi qaldırıb. "Ehtiyatsızlıqdan sağlamlığa zərər vurma" maddəsi üzrə təhqiqat aparılır. Gürcüstan qanunvericiliyinə görə, bu maddə özündə inzibati cərimələri və yaxud iki ilə qədər islah işlərini nəzərdə tutur.

 

5
Qadın sürücü

Polis Salyandan maşın qaçırdan iki qadını yaxalayıb

8
(Yenilənib 23:51 08.03.2021)
Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

BAKI, 8 mart - Sputnik. Salyanda ötən gün qeyri-adi hadisə baş verib. Belə ki, Salyan Rayon Polis Şöbəsinə martın 7-də saat 16.00 radələrində rayon ərazisindən Bakı şəhər sakini S. Nəcəfova məxsus “Opel” markalı avtomobilin qaçırılması barədə məlumat daxil olub.
Daxili İşlər Nazirliyinin (DİN) Mətbuat Xidmətindən Sputnik Azərbaycan-a verilən məlumata görə, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

Onların Bakı şəhər sakinləri M.Bayramova və M.Orduxanova olduğu məlum olub. Maşını qaçıranlar saxlanılarkən sükan arxasında M.Bayramova, sərnişin oturacağında isə M.Orduxanova olub. 

Salyan Rayon Polis Şöbəsi hazırda hadisənin təfərrüatlarını araşdırır. 

8