Azərbaycan-Türkiyə birgə genişmiqyaslı taktiki təlimləri

Türk ekspert Azərbaycan-Türkiyə təlimlərinin əsl məqsədini açıqladı

2249
Eyni anda Türkiyəyə məxsus "F-16"-ların Azərbaycana məxsus "Su" tipli qırıcılarla havada müştərək əməliyyat həyata keçirməsi xüsusi ilə diqqətə layiq faktdır.

Eldar Tanrıverdiyev, Sputnik Azərbaycan

BAKI, 11 avqust — Sputnik. Azərbaycan Respublikası ilə Türkiyə Respublikası arasında hərbi əməkdaşlıq haqqında sazişə əsasən, illik plana uyğun olaraq ölkəmizdə hər iki ölkənin quru qoşunları və hərbi hava qüvvələrinin iştirakı ilə birgə genişmiqyaslı döyüş atışlı taktiki və taktiki-uçuş təlimləri keçirilir. Birgə təlimlərə iki ölkənin ordularının şəxsi heyəti, zirehli texnikası, artilleriya qurğuları və minaatanları, həmçinin hərbi aviasiya və hava hücumundan müdafiə vasitələri cəlb edilib.

Plana əsasən təlimlər quru qoşunlarının da cəlb edilməsi ilə Bakıda və Naxçıvanda, hərbi aviasiya vasitələrinin iştirakı ilə isə iyulun 29-dan avqustun 10-dək Bakı, Naxçıvan, Gəncə, Kürdəmir və Yevlax şəhərlərində keçirilir. Azərbaycan və Türkiyənin birgə təlimləri region ölkələri tərəfindən diqqətlə izlənilir. Sputnik Azərbaycan ölkəmizdə keçirilən genişmiqyaslı təlimlərlə bağlı Türkiyənin terror və təhlükəsizlik üzrə tanınmış eksperti Abdullah Ağarla həmsöhbət olub.

Terror və təhlükəsizlik üzrə türkiyəli ekperti Abdullah Ağar
© Photo : From personal archive of Abdullah Agar
Türkiyəli ekspert Abdullah Ağar

Təlimlərin keçirilməsinə münasibət bildirən Ağar Türkiyə və Azərbaycanın hərbi sahədə güclərinin birləşdirilməsinin vacibliyini vurğulayıb: "Son zamanlar vasitəçilik müharibələrində (Proxy War) əldə olan təcrübələr, həyat bizə bir şeyi öyrətdi: "Biz iki qardaş ölkə, iki dövlət – tək millət anlayışına uyğun şəkildə, digər türk dövlətlərini də yanımıza alacaq şəkildə bir güc birliyi formalaşdırmaq məcburiyyətindəyik. Görünən budur ki, biz ayrı-ayrı olduğumuz müddətdə bizi həmişə arxadan vuracaqlar. Bizim ayrılığımızdan həmişə bizə qarşı istifadə edəcəklər. Bu baxımdan mən Azərbaycan-Türkiyə Silahlı Qüvvələri tərəfindən həyata keçirilən təlimlərin olduqca önəmli olduğunu düşünürəm. Bu təlimlər dosta güvən, düşməni qorxuya salması səbəbi ilə, ölkələrimiz arasında olan qardaşlığın döyüş meydanlarında da özünü göstərməsi, bərabər olduğumuz zaman gücümüzün necə artmasının nümayişi baxımından olduqca önəmlidir".

Ekspert xatırladıb ki, Türkiyə və Azərbaycan orduları son dərəcə modern, texnoloji, inkişaf etmiş silahlardan, silah sistemlərindən istifadə edirlər: "Bu silahların, silah sistemlərinin müştərək olaraq istifadə edilməsi, tərəflər arasında koordinasiyasının yaradılması baxımdan da olduqca önəmlidir. Eyni anda Türkiyəyə məxsus "F-16"-ların Azərbaycana məxsus "Su" tipli qırıcılarla havada müştərək əməliyyat həyata keçirməsi xüsusi ilə diqqətə layiq faktdır. Hücum helikopterlərimizin, PUA-larımızın, elektron hərb sistemlərimizin, zirehli texnikamızlarımızın birgə əməliyyatlara cəlb olunması əhəmiyyətlidir. Bir müddət əvvəl Ermənistan – Azərbaycan sərhədinin gərginliyin baş verdiyi Tovuz bölgəsi yalnız Azərbaycan və Türkiyə üçün kritik əhəmiyyətə malik deyil. Bu bölgə Avropa, Çin və Mərkəzi Asiya ölkələri üçün də strateji əhəmiyyətə malikdir. Son hadisələr fonunda regionun sabitlik baxımından bu təlimlər güc və iradə nümayişidir".

2249
Azərbaycan hərbi təyyarələri Türkiyə səmasında

Azərbaycana məxsus təyyarənin vurulması barədə yayılan məlumat dezinformasiyadır

48
(Yenilənib 00:17 29.09.2020)
Ermənistan tərəfinin axşam saatlarında Azərbaycan Hərbi Hava Qüvvələrinə məxsus təyyarənin vurulması barədə yayılan məlumat yalan və dezinformasiyadır.

BAKI, 29 sentyabr — Sputnik. Ermənistan tərəfinin axşam saatlarında Azərbaycan Hərbi Hava Qüvvələrinə məxsus təyyarənin vurulması barədə yayılan məlumat yalan və dezinformasiyadır.

Sputnik Azərbaycan xəbər verir ki, bu barədə Müdafiə Nazirliyinin Mətbuat Xidmətinin rəisi polkovnik Vaqif Dərgahlı bildirib.

V.Dərgahlı qeyd edib ki, Azərbaycan Ordusunun bütün aviasiya vasitələri yerindədir və işləkdir.

Qeyd edək ki, Ermənistan Müdafiə Nazirliyinin mətbuat katibi Şuşan Stepanyan qondarma Dağlıq Qarabağ ordusunun Martuni üzərində Azərbaycana aid bir An-2 təyyarəsini vurduğunu iddia edib. 

48
Türkiyə Respublikasının prezidenti Recep Tayyip Erdoğan, arxiv şəkli

Ərdoğan Boris Consonla Qarabağ münaqişəsini müzakirə etdi: "Ermənistan çəkilməlidir!"

73
(Yenilənib 23:53 28.09.2020)
Ermənistanın Azərbaycana qarşı hücumları nəticəsində başlayan döyüşlərə toxunan Rəcəb Tayyib Ərdoğan deyib ki, bölgədə sülh və əmin-amanlığın bərqərar olması üçün Ermənistan işğal etdiyi Azərbaycan torpaqlarından çəkilməlidir.

BAKI, 28 sentyabr — Sputnik. Türkiyə Prezidenti Rəcəb Tayyib Ərdoğan Böyük Britaniyanın Baş naziri Boris Consonla telefonla danışıb.

Sputnik Türkiyə Türkiyənin Rabitə Nazirliyinin verdiyi xəbərə istinadla bildirir ki, görüşdə Türkiyə-İngiltərə əlaqələri, Şərqi Aralıq dənizindəki proseslər, Ermənistanın Azərbaycana qarşı təxribatları və silahlı hücumu nəticəsində bölgədə yaranan gərginlik müzakirə edilib.

Rəcəb Tayyib Ərdoğan Ermənistanın Azərbaycana qarşı hücumları nəticəsində başlayan döyüşlərə toxunaraq bildirib ki, bölgədə sülh və əmin-amanlığın bərqərar olması üçün Ermənistan işğal etdiyi Azərbaycan torpaqlarından - Dağlıq Qarabağ və ətraf rayonlardan çəkilməlidir.

73
Teqlər:
Dağlıq Qarabağ, Ermənistan, Böyük Britaniya, Boris Conson, Türkiyə Prezidenti Rəcəb Tayyib Ərdoğan, prezident Rəcəb Tayyib Ərdoğan, Ərdoğan
Əlaqədar
Ərdoğan Əliyevə zəng etdi: "Türkiyə Azərbaycanın yanındadır"
İlham Əliyev Rəcəb Tayyib Ərdoğanla görüşüb
Ərdoğan: "Türkiyə Azərbaycanın yanındadır. Artıq hesab vaxtı gəldi"
Ərdoğan: "Hər zaman olduğu kimi, bu gün də Azərbaycanın yanındayıq"