Kloun, arxiv şəkli

Şou davam edir - Cəmi 30 manata həm əylənə bilərsiniz, həm yoluxa

2365
(Yenilənib 19:49 11.08.2020)
Kloun xidməti COVID-19 təhlükəsini belə qiymətləndirir: "Onsuz da, indi hamı bir həftəyə, tez-bazar sağalır".

Nigar İsgəndərova, Sputnik Azərbaycan

BAKI, 11 avqust — Sputnik. Pandemiya dövrü olsa da, müəyyən xidmətlər var ki, onlar sosial şəbəkələr üzərindən özlərinə müştəri yığırlar. Bu sırada şən klounlar xidmətini də görmək mümkündür.

Sputnik Azərbaycan pandemiya şəraitində klounların necə fəaliyyət göstərdiyini araşdırıb. Sosial şəbəkədə çox geniş reklamı yayılan kloun xidmətindən verilən məlumata görə, onlara hansısa məhdudiyyət qoyulmayıb: "Təxminən 1 saata qədər 1 klounun qiyməti 30 manatdır. Bundan başqa, şoularımız da var. Şoulara şar+köpük, pandalar, 2 metrədək robotlar və "Spiderman"lər daxildir".

"Biz hazırkı şəraitdə yalnız evə gedirik. Siz hansı şərtlərdə desəz, o şərtlərdə gəlib xidmət göstərəcəyik. Lakin bizim özümüzün hansısa bir şərtimiz və tələbəmiz yoxdur", - deyə xidmətdən bildirilib.

Evdəki şəxslərin maskalı olub-olmaması, evin dezinfeksiya edilib-edilməməsinin bu klounlar üçün heç bir önəmi yoxdur. Hər gün evlərdə sifarişlərə getdiyini deyən həmsöhbətimizin sözlərindən belə çıxır ki, onlar virus daşıyıcısı ola, xəstəliyi bir evdən digərinə yaya bilərlər: "İşçilərimiz sağlam və normaldır, onların səhhətləri ilə bağlı hansısa şikayətləri yoxdur. Hər şey qaydasındadır. İşçilərimizdə xəstəlik olsaydı, özümüz də qorxardıq. Onların testləri də var, lap istəsəz, sizə göstərə bilərik. Onlar 7-8 gündən bir test verirlər".

Lakin yoluxma ehtimalı testin hansı gün verilməsindən asılı deyil. Neqativ test cavabından dərhal sonra da yoluxmaq mümkündür. Amma həmsöhbətimiz fərqli düşünür: "Test 20 gün qüvvədə olur. Yoluxma isə özünü bir həftə içində də göstərir. Yəni, bizim klounlar normal adamlardır. Onsuz da, indi hamı bir həftəyə, tez-bazar sağalır".

Xidmətdən onu da bildiriblər ki, klounların qatıldığı ev şəraitində keçirilən məclislərdə olsa-olsa 15-dək adam olur. "Bizi hələlik ancaq ad günlərinə dəvət edirlər. Nişana və toylara dəvət almamışıq", - deyə xidmətdən bildiriblər.

2365
Vladimir Putin və Emmanuel Makron

Makron Putinə zəng edib: Qarabağda gedən hərbi əməliyyatlar pislənib

34
(Yenilənib 01:57 01.10.2020)
Rusiya və Fransa prezidentləri Dağlıq Qarabağ münaqişə bölgəsində vəziyyətin kəskin hal almasını pisləyiblər.

BAKI, 1 oktyabr — Sputnik. Rusiya Prezidenti Vladimir Putinlə Fransa Prezidenti Emmanuel Makron arasında telefon danışığı olub.

Sputnik Azərbaycan Kremlin mətbuat xidmətinə istinadla xəbər verir ki, söhbət zamanı dövlət başçıları Dağlıq Qarabağda, həmçinin Belarus Respublikasında yaranan son vəziyyəti müzakirə ediblər.

Telefon danışığı Fransa tərəfinin təşəbbüsü ilə baş tutub. Hər iki prezident Dağlıq Qarabağ münaqişə bölgəsində vəziyyətin kəskin hal almasını pisləyiblər. Onlar davam edən hərbi əməliyyatlardan narahatlıq keçirdiklərini ifadə ediblər.

34
Teqlər:
hərbi əməliyyatlar, Dağlıq Qarabağ bölgəsi, Dağlıq Qarabağ problemi, Dağlıq Qarabağ, Rusiya prezidenti Vladimir Putin, Fransa prezidenti Emmanuel Makron
Düşmən mövqeləri və müdafiəsinin dərinliyindəki ehtiyatlar məhv edilib

Gecə döyüşü: Ermənistan ordusunun hərbi kolonları bölmələrimiz tərəfindən məhv edilib

174
(Yenilənib 01:43 01.10.2020)
Müdafiə Nazirliyi: Ermənistanın müxtəlif istiqamətlərdə hərəkət edən hərbi kolonları bölmələrimiz tərəfindən məhv e

BAKI, 1 oktyabr — Sputnik. Ermənistanın müxtəlif istiqamətlərdə hərəkət edən hərbi kolonları bölmələrimiz tərəfindən məhv edilib.

Bu barədə Sputnik Azərbaycan-a Müdafiə Nazirliyinin mətbuat xidmətindən məlumat verilib.

Qeyd edək ki, bir qədər əvvəl MN sentyabrın 27-si səhər saatlarından sentyabrın 30-u saat 21.30-dək Ermənistan ordusunun cəbhə bölgəsindəki ümumi itkilərini açıqlayıb. Bu itkilərə 200-dək tank və digər zirehli texnika, 228 ədəd artilleriya, yaylım atəşli raket sistemləri, minaatan, 30 ədəd hava hücumundan müdafiə vasitələri, 6 komanda-idarəetmə və komanda-müşahidə məntəqəsi, 5 silah-sursat anbarı, 110-dan artıq avtomobil texnikası, 1 ədəd "S-300" zenit-raket kompleksi daxildir.

174
Teqlər:
hərbi qüvvələr, Ermənistan, Müdafiə Nazirıiyi
Əlaqədar
Ermənistanın səkkiz "Qrad" yaylım atəşli reaktiv sistemi məhv edilib-VİDEO
Ermənistan "Toçka-U" taktiki raket kompleksini tətbiq edib
Ermənistan Azərbaycan ərazilərində terrorçuları məskunlaşdırır - Hikmət Hacıyev
Ermənistan ordusunun son üç gündə məhv edilmiş döyüş texnikasının siyahısı açıqlandı