Svetlana Tixanovskaya, arxiv şəkli

Prezidentin əsas rəqibi Belarusu tərk etdi

195
(Yenilənib 12:04 11.08.2020)
Belarus MSK sədri Liliya Yeroşinanın sözlərinə görə, bazar günü baş tutan seçkidə seçici fəallığı 84,23% olub. Ümumilikdə seçkilərdə iştirak edən şəxslərin 6,02 faizi bütün namizədlərin əleyhinə səs verib.

Eldar Tanrıverdiyev, Sputnik Azərbaycan

BAKI, 11 avqust — Sputnik. Belarus Prezidentliyinə namizəd Svetlana Tixanovskaya Litvadadır. Sputnik Azərbaycan xəbər verir ki, bunu Litvanın Xarici İşlər Naziri Linas Linkevicius öz "Twitter" səhifəsində yazıb.

"Svetlana Tixanovskaya təhlükəsizlikdədir, o Litvadadır", - deyə Linkevicius qeyd edib.

Qeyd edək ki, Belarus Mərkəzi Seçki Komissiyası bazar günü keçirilən prezident seçkisinin ilkin nəticələrini açıqlayıb.

Belarus MSK-sının nəticələr aşağıdakı kimidir:

Aleksandr Lukaşenko - 80,23%

Svetlana Tixanovskaya - 9,90%

Anna Kanoptskaya - 1,68%

Sergey Çerçen - 1,13%

Andrey Dmitriyev - 1,04%

Belarus MSK sədri Liliya Yeroşinanın sözlərinə görə, bazar günü baş tutan seçkidə seçici fəallığı 84,23% olub. Ümumilikdə seçkilərdə iştirak edən şəxslərin 6,02 faizi bütün namizədlərin əleyhinə səs verib.

Seçkilərdən sonra Belarusun müxtəlif regionlarından insanlar toplaşaraq qanunsuz aksiya keçiriblər.

Belarus DİN-in məlumatına görə, Belarusda qeyri-qanuni aksiyalarda iştiraka görə 3 minə qədər adam saxlanılıb

195

İki gün əvvəl ordudan tərxis olunan könüllü əsgər ölüb

17
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

17
Qəza, arxiv şəkli

Cəlilabadda ağır yol qəzası olub, ölən yaralananlar var

14
Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir. Ölən və yaralananların şəxsiyyəti dəqiqləşdirilir.

BAKI, 17 yanvar - Sputnik. Cəlilabad rayonunda ağır yol nəqliyyat hadisəsi baş verib.

"Report"un məlumatına görə, qəza axşam saatlarında rayonun Alar kəndi ərazisində qeydə alınıb.

İlkin məlumata görə, hərəkətdə olan "Niva" markalı minik avtomobilinin aşması nəticəsində 1 nəfər ölüb, 3 nəfər yaralanıb. Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir.

Ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

14