Beyrutda baş verən partlayış

Beyrutda baş verən partlayışda ölən yaralıların sayı artdı

7
(Yenilənib 12:05 06.08.2020)
İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

BAKI, 6 avqust — Sputnik. Livanın paytaxtı Beyrutda baş verən partlayış zamanı ölənlərin sayı 137-yə çatıb. Bu barədə Sputnik Livanın Səhiyyə Nazirliyinin saytına istinadən xəbər verir.

"Çərşənbə axşamı Beyrutda baş verən partlayış zamanı 137 nəfər həlak olub, 5 min şəxs yaralanıb", - deyə Səhiyyə Nazirliyinin yaydığı məlumatda qeyd olunur.

Qeyd edək ki, avqustun 4-ü Beyrutda güclü partlayışlar baş verib. Biri digərindən güclü olan iki partlayış şəhərin liman hissəsində yerləşən anbar binalarında baş verib.

İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

Beyrutun qubernatoru qeyd edib ki, ümumilikdə partlayış nəticəsində 300 minə yaxın şəxs evsiz qalıb.

7

“Mən kiməm?” Baş rolda “Günəş insanı” çəkilən ilk serial necə ərsəyə gəlib

1
(Yenilənib 12:47 25.09.2020)
Azərbaycanda inklüzivliyin getdikcə artdığını seyr etmək xoş təəssürat yaradır. Baş rolda Daun sindromlu aktyorun çəkildiyi ilk milli serialın çəkilişləri artıq başa çatıb. Sputnik Azərbaycan məmnuniyyətlə onun çəkiliş pavilyonuna baş çəkib. Daha ətraflı – videomuzda.

Bu yaxınlarda “Reji” prodakşn tərəfindən çəkilişi başa çatdırılan “Mən kiməm” adlı və baş rolda Daun sindromlu qeyri-peşəkar aktyorun çəkildiyi serial sentyabrın 29-da artıq tamaşaçıya təqdim ediləcək.

Bütün dünya mediasında inklüziv serial və filmlərin hazırlanması artıq heç kimi təəcübləndirmir. Amma Azərbaycan səhnə və ekranları üçün bu hələ də yenilik olaraq qalır. Çox vaxt “günəş insanları”na epizodik rollar həvalə edildiyi halda, bu serialda baş qəhrəman məhz 24 yaşlı Əli Əsgərovdur. Serial onun ətrafında hərlənir və o, bütün çəkiliş günlərində iştirak edib. Serialın quruluşçu rejissoru Rahim Hacıyev isə etiraf edib ki, bu serialın çıxması ilə bu cür insanlara qarşı mənfi və ya xoş olmayan fikir sahibləri mütləq öz nəzər nöqtələrini dəyişəcəklər.

“Düşünürəm ki, bu uşaqlar cəmiyyətimizə paklıq və sevgi bəxş edir. Biz onların nümayiş etdirdikləri sevgi və nəvazişə qadir deyilik. Çəkiliş zamanı da Əli qrupun bir hissəsi olub. Onun üçün xüsusi şərait yaradılmayıb, çünki biz onu özümüzdən fərqli görmürük. Hər şeyi bizimlə birgə edib. Onunla işləmək hər kəs üçün olduqca xoş və ibrət verici olub”, - deyə Hacıyev bizimlə bölüşüb.

Baş qəhrəman Əli ilə söhbətimiz əsnasında isə məlum olub ki, filmdə çəkilmək onun üçün ən həyəcanlı məqamlardan biri olub. Və o, mütləq yenidən kinoda çəkilmək istədiyini deyib.

Tamaşaçılar serialın treyleri ilə tanış olmaq imkanı əldə edib. Biz isə onun ilk seriyasını səbirsizliklə gözləyirik.

1
Emin Əmrullayev, arxiv şəkli

Təhsil nazirindən kreativ addım - sevincini Facebookda bölüşdü

8
(Yenilənib 12:56 25.09.2020)
Qəbul olunan tələbələr arasında müsabiqədənkənar tələbə adını qazananların olması bizi çox sevindirir

BAKI, 25 sentyabr — Sputnik.Təhsil naziri Emin Əmrullayev tələbə adını qazanan məzunları təbrik edib. Sputnik Azərbaycan-ın məlumatına görə, bu barədə nazir özünün "Facebook" sosial şəbəkəsindəki hesabında bunları yazıb:

"Əziz tələbə adını qazanan məzunlarımız, Sizi bu münasibətlə ürəkdən təbrik edir, hər birinizə tələbəlik həyatında uğurlar arzulayıram. Məlum olduğu kimi, bu tədris ili üzrə 42731 nəfər tələbə adını qazanıb. Onlardan 20799 nəfər dövlət sifarişi (49 faizə yaxın), 21932 nəfər ödənişli əsaslarla təhsil almaq hüququ əldə edib. İki nəfər isə maksimum nəticə göstərib. Qəbul olunan tələbələr arasında müsabiqədənkənar tələbə adını qazananların olması bizi çox sevindirir. Belə ki, onlardan 2 nəfər beynəlxalq, 28 nəfər respublika fənn olimpiadası, 74 nəfər idman sahəsi üzrə beynəlxalq yarışların qalibi, 10 nəfər isə beynəlxalq səviyyədə akkreditasiya olunan təhsil proqramları üzrə təhsil alanlardır. Bir daha hər birinizin sevincini bölüşür, sizə daha böyük nailiyyətlər arzulayıram!"

8