Hövsan Olimpiya Kompleksi, arxiv şəkli

Azərbaycanda 2 Olimpiya İdman Kompleksinin təyinatı dəyişir

154
(Yenilənib 19:22 04.08.2020)
Bununla bağlı sabah açılış mərasimi keçiriləcək. Tədbirdə Gənclər və İdman naziri Azad Rəhimov və TƏBİB-in sədri Ramin Bayramlı iştirak edəcəklər.

BAKI, 4 avqust — Sputnik. Azərbaycanda 2 Olimpiya İdman Kompleksinin təyinatı dəyişdirilir. Bu barədə Gənclər İdman Nazirliyinin Mətbuat katibi Səmayə Məmmədova Sputnik Azərbaycan-a açıqlamasında deyib. O bildirib ki, Abşeron və Hövsan Olimpiya İdman Kompleksləri koronavirus pandemiyası ilə mübarizə çərçivəsində modul tipli xəstəxanaya çevrilir.

Bununla bağlı sabah açılış mərasimi keçiriləcək. Tədbirdə Gənclər və İdman naziri Azad Rəhimov və TƏBİB-in sədri Ramin Bayramlı iştirak edəcəklər.

Qeyd edək ki, Abşerondakı tədbir saat 15:00-da, Hövsandakı mərasim isə 16:00-da başlayacaq.

154
Erməni əsgərlərinin dəbilqələri

Ermənistan öldürülmüş əsgərlərinin daha bir SİYAHISINI açıqladı 28 yeni ad

53
(Yenilənib 15:22 28.09.2020)
Bundan bir qədər əvvəl Qarabağ münaqişəsi zonasında 28 sentyabrda döyüşlər zamanı ölən Ermənistan hərbçilərinin daha bir siyahısı açıqlanıb.

BAKI, 28 sentyabr — Sputnik. Qarabağ münaqişəsi zonasında gedən döyüşlərdə Ermənistan tərəfi xeyli itki verib.

Sputnik Ermənistan xəbər verir ki, Ermənistanın əlavə 28 əsgəri həlak olub. Hazırda Ermənistan hərbçiləri arasında qurbanların sayı 59 nəfərdir.

Bundan bir qədər əvvəl Qarabağ münaqişəsi zonasında 28 sentyabrda döyüşlər zamanı ölən Ermənistan hərbçilərinin daha bir siyahısı açıqlanıb.

Həlak olanlar arasında 2000-2002-ci il təvəllüdlü əsgərlər çoxluq təşkil edir.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

53
Türkiyənin Milli Müdafiə Naziri Hulusi Akar

Hulusi Akar: "Ermənistan muzdlu hərbçiləri, terrorçuları geri göndərməlidir"

45
(Yenilənib 15:24 28.09.2020)
Türkiyənin Milli Müdafiə Naziri Hulusi Akar: Türkiyə öz torpaqlarının müdafiəsində Azərbaycanın yanındadır.

BAKI, 28 sentyabr — Sputnik. "Ermənistan dərhal hücumları dayandırmalı, xaricdən gətirdiyi muzdlu hərbçiləri, terrorçuları geri göndərməlidir".

Sputnik Azərbaycan xəbər verir ki, bunu Türkiyə Respublikasının Milli Müdafiə naziri Hulusi Akar Ermənistanın cəbhə xəttində törətdiyi genişmiqyaslı təxribatlarla bağlı açıqlamasında bildirib.

Nazir deyib: “Sülh yolu ilə həllə çağırış edənlər, “dərhal atəşkəs” istəyənlər, dialoqu indi xatırlayanlar, Azərbaycan ərazisinin 20 faizinin o cümlədən Dağlıq Qarabağ ilə altında olarkən, Xocalıda minlərlə günahsız insan vəhşicəsinə, haqq-hüquq tanımadan uşaq, qadın və yaşlı demədən qətlə yetirilərkən, 30 ildir milyonlarla insanın evindən, yurdundan didərgin düşərkən harada idilər? Türkiyə ilə Azərbaycan arasındakı münasibətlər “bir millət, iki dövlət” prinsipinə əsaslanır. Kədərdə də, sevincdə də daim bərabərik. Bu gün doğma torpaqlarını qorumaqda azərbaycanlı qardaşlarımızın yanındayıq. Ermənistan dərhal hücumları dayandırmalı, xaricdən gətirtdiyi muzdluları, terrorçuları geri göndərməli və Azərbaycanın işğal edilmiş torpaqlarını boşaltmalıdır. Beləliklə, atəşkəs, sülh və sabitlik təmin edilməlidir”.

45