Noutbuk, arxiv şəkli

Əlahəzrət reklam ya brend kontenti necə yaratmalı

232
(Yenilənib 20:39 24.07.2020)
SputnikPro-nun növbəti vebinarının spikeri dinləyicilərə nativ reklamın nə olduğunu və maraqlı kommersiya layihələrini necə hazırlamaq lazım gəldiyini  izah edib

BAKI, 24 iyul – Sputnik. Yaxşı nativ reklam, gözə batmayan reklam komponenti ilə maraqlı bir istifadəçi hekayəsidir. Bundan əlavə bu, gözardı edilə bilməyən bir trenddir. Bu barədə "SputnikPro" maarifləndirmə layihəsi çərçivəsində təşkil edilmiş "Kommersiya kontentini auditoriya üçün necə maraqlı etmək olar" mövzusunda onlayn-sessiyada bəhs edilib.

İyulun 24-də təşkil edilən bu vebinarın spikeri "Rossiya seqodnya" BİA-nın kompleks media məhsulları şöbəsinin aparıcı redaktorunun müavini Yelena Kostomarova olub.

© Sputnik
"Rossiya seqodnya" BİA-nın kompleks media məhsulları şöbəsinin aparıcı redaktorunun müavini Yelena Kostomarova

Spikerin sözlərinə görə, ideyanın uğur qazanması üçün onun hazırlanması, uyğun formatın seçilməsi, hekayənin maraqlı danışmasına nəyin kömək etdiyini müəyyənləşdirmək, öz işini təhlil etmək lazımdır.

Buna nümunə olaraq, Yelena "Rossiya seqodnya" BİA-nın kompleks media məhsulları şöbəsinin fəaliyyətini göstərib. Həmin formul aşağıdakı kimi işləyir:

- Sifarişçinin brifi

- Mövzuya yüklənmə

- Breynstorminq

- İdeyanın təqdimatı

- Sifarişçinin istehsala cəlb edilməsi

- Mərhələli təsdiq

- Yayım və səhvlər üzərində işdən sonra səmərəliliyin izlənməsi

Səhvlərə toxunan spiker xüsusi layihələrin yaradılmasının yeddi əsas "günahı" üzərində də ətraflı dayanıb.

- Mövzunun auditoriyanın maraqlarına uyğun gəlməməsi: "Sifarişçi təkid edirsə, auditoriyaya maraqsız bir mövzu təklif etməyə ehtiyac yoxdur, onda ona insanların xoşuna gələn bir yanaşma təklif etmək daha yaxşıdır".

- İdeyanın formata uyğun gəlməməsi: "Xüsusi layihənin daşıdığı vəzifəni xatırlamaq lazımdır".

- Məzmundan "Vineqret": "Bu vəziyyətdə adam kələfin ucunu itirir və nə edəcəyini bilmir".

Digər "günahları"la bağlı Yelena Kostomarova interaktiv üçün interaktiv, açıq reklam, funksionallıq əvəzinə əsas metrik və art kimi girişləri təklif edib.

Nəşrdə kifayət qədər resurs olmadığı halda spiker reklam haqqında qeydi etmək şərtilə konstruktorlardan (məsələn, Tilda, Readymag dizayner olmadan material toplamağa imkan verir, interaktiv kartların yaradılması üçün proqramlar var və s.) istifadə etməyi və ya redaksiya formatlarını tətbiq etməyi məsləhət görüb.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

232
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

13
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

13

Heydər Əliyev prospektində dörd avtomobil toqquşub, ağır xəsarət alanlar var

13
(Yenilənib 23:48 18.04.2021)
“Bağırov körpüsü” adlanan hissəyə yaxın yerdə dörd avtomobilin toqquşması nəticəsində tıxac yaranıb.

BAKI, 18 aprel - Sputnik. Bakıda Heydər Əliyev prospektində yol-nəqliyyat hadisəsi baş verib. 

Sputnik Azərbaycan APA-ya istinadla xəbər verir ki, hadisə “Bağırov körpüsü” adlanan hissəyə yaxın yerdə qeydə alınıb.

4 avtomobilin toqquşduğu qəza nəticəsində 3 nəfər ağır xəsarət alıb. 

Hazırda hər iki istiqamətdə nəqliyyat vasitələrinin hərəkətində sıxlıq müşahidə olunur.

13