ABŞ polisi, arxiv şəkli

ABŞ polisi Baş Konsulluğu azərbaycanlıları qoruya bilməyib

247
(Yenilənib 14:23 24.07.2020)
Xələf Xələfov: Radikal erməni qrupları hər cür radikallıqdan çəkinməyərək, Azərbaycana məxsus diplomatik missiyalara, etnik mənsubiyyətinə görə azərbaycanlılara hücum etməklə məşğul olurlar

BAKI, 23 iyul — Sputnik. "Ermənistan hərbi meydanda məğlub olandan sonra Vaşinqtonda, Torontoda, Stokholmda, Los Ancelesdə, Brüsseldə və digər şəhərlərdə soydaşlarımıza qarşı təxribatlar törədilir".

Sputnik Azərbaycan-ın məlumatına görə, bunu Xarici İşlər nazirinin müavini Xələf Xələfov bu gün keçirdiyi mətbuat konfransında deyib.

O bildirib ki, Ermənistan danışıqlar prosesində bankrot siyasət sahibi olduqdan sonra dünya ictimaiyyətinin diqqətini yayındırmaq üçün bu cür iyrənc addımlar atmağa başlayıb: "Bu qarşıdurmalarda Azərbaycan tərəfdən vətənpərvər insanlar iştirak edir, Ermənistanın siyasətinə etirazlarını bildirirlər. Radikal erməni qrupları hər cür radikallıqdan çəkinməyərək, Azərbaycana məxsus diplomatik missiyalara, etnik mənsubiyyətinə görə azərbaycanlılara hücum etməklə məşğul olurlar".

Nazir müavini qeyd edib ki, ermənilərin bu əməlləri də boşa çıxacaq: "Həmin xarici ölkələr heç vaxt imkan verməzlər ki, ölkələrində irqi ayrı-seçkilik zəminində təxribatlar törədilsin. Ermənistan bilməlidir ki, Azərbaycanın qüdrəti onun birliyindən qaynaqlanır. Azərbaycan dövləti hər yerdə vətənpərvər soydaşlarının yanındadır. Ermənistanın təşkil etdiyi bu hücumlar artıq öz nəticəsini vermir. Çünki Azərbaycan beynəlxalq aləmə inteqrasiya olunub. Ölkələrlə yüksək səviyyədə ikitərəfli münasibətlər qurulub. İnanıram ki, ermənilərin qaragüruhçuluğuna icazə verilməyəcək".

Xələfovun sözlərinə görə, o, ABŞ səfiri ilə görüşüb. Görüşün mövzusu Los Ancelesdə ermənilərin azərbaycanlılara qarşı hücumu ilə bağlı olub.

"Təəssüf edirik ki, ABŞ polisi Baş Konsulluğu və azərbaycanlıları qoruya bilməyib. Səfir bildirdi ki, ABŞ polisi araşdırma aparır və bu təxribata hüquqi qiymət veriləcək. Biz digər səfirlərlə də görüş keçiririk. Azərbaycan dövləti hər bir soydaşımızın yanındadır. Biz imkan verə bilmərik ki, Ermənistan xaricdəki diplomatik missiyalarımıza, soydaşlarımıza təzyiq göstərsin. Azərbaycan Ordusu bu gün torpaqlarımızı işğaldan azad etməyə qadirdir. Azərbaycan dövləti də vətəndaşlarımıza harada yaşamasından asılı olmayaraq dəstək verməyə hazırdır", - Xələfov deyib.

247
Mövzu:
Azərbaycanın diplomatık nümayəndəliklərinə və azərbaycanlılara hücum (14)

İqtisadi Şuranın 2021-ci ildə ilk iclası keçirilib

3
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

3
İmtahan, arxiv şəkli

Nazirlikdən imtahanlarla bağlı açıqlama

7
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

7