Oğlan, arxiv şəkli

Ölkədə ağır cinayətlərin sayı durmadan artır: Koronavirus adamların həyatını alt-üst edib

461
(Yenilənib 19:57 21.07.2020)
Sosioloq Nigar Əlizadə: İş yerlərinin fəaliyyətini dayandırması, maddi sıxıntıların artması, xəstəliyə yoluxma təhlükəsi, yaxınları itirmək qorxusu insanları psixoloji baxımdan gərginləşdirib. İnsanlar arasında doğmalıq, mərhəmət, şəfqət hissləri qalmayıb.

İradə Cəlilova, Sputnik Azərbaycan

BAKI, 21 iyul — Sputnik. Son zamanlar ölkədə ağır cinayətlərin artmasına koronavirus pandemiyanın da təsiri var. Bunu ölkədəki kriminogen vəziyyəti Sputnik Azərbaycan-a şərh edən psixoloq Ramin Hacıyev deyib.

Son zamanlar Azərbaycanda ağır cinayətlərin sayında artım müşahidə edilir. Hüquq-mühafizə orqanlarının yaydığı məlumata görə, təkcə iyulun 11-də ölkə ərazisində 5 qətl hadisəsi törədilib. Hadisələri təhlil edəndə məlum olur ki, qətllər daha çox ailə-məişət zəminində baş verib. Oğul atanı, qardaş qardaşı, ər arvadını amansızcasına öldürüb.

Bəs insanları bu qədər qəddar, amansız olmağa nə vadar edir? Ölkədə pandemiya ilə bağlı tətbiq edilən karantin rejiminin buna təsiri varmı?

Psixoloq Ramin Hacıyev Sputnik Azərbaycan-a bildirib ki, son zamanlar tətbiq edilən karantin rejimi insanları yaxınlaşdırıb. Yəni küçəyə çıxmağa qoyulan qadağa səbəbindən insanlar bir yerdə daha çox zaman keçirir. Əgər əvvəllər hamı işdə, küçədə-bacada olurdusa, indi hamı evdədir. Bu da insanların psixoloji vəziyyətinə təsir edir.

"İnsanlar biryerdə vaxt keçirdikcə, bir-birini nədəsə ittiham edir, bəzən köhnə mövzuları aktuallaşdırırlar. Çoxdan bağlanmış mövzular, nə vaxtsa yaşanmış hadisələr baş qaldırıb daha ağır formada özünü biruzə verir", - deyən psixoloqa görə, mübahisələr əsassız yaranmır. Hər birinin kökü olur. Bununla yanaşı, ekspert hesab edir ki, insanlar arasında psixoloji gərginliyə kənar amillər də təsir göstərir. Koronavirus pandemiyası və onun gətirdiyi stress, karantin rejimi də öz köməkçi rolunu oynayır:

"Yaxın qohumlar bir-birinə xəsarət yetirirsə və bu ölümlə nəticələnirsə, burada pandemiya dövrü də böyük rol oynayır. Bu dövr hərəyə müxtəlif cür təsir göstərir. İnsanlar həm sosial-iqtisadi problemlərin məngənəsində sıxılır, həm də psixoloji sarsıntı keçirirlər", - deyən mütəxəssisin sözlərinə görə, baş verən hadisələrin araşdırılması zamanı bəzilərinin affekt vəziyyətdə törədildiyi ortaya çıxır.

"Affekt vəziyyəti insanın hər hansı hadisənin təsiri ilə özünə nəzarəti itirməsidir. Bu zaman insan özünə və ya digərlərinə xəsarət yetirə, zərər verə bilər. Affekt sözünün əmələ gəldiyi "affektus" yunan dilindən tərcümədə daxili gərginlik, həyacan deməkdir. Affekt vəziyyətində insan reallıqla bağlantısını itirmiş olur, atdığı addımların, etdiyi hərəkətlərin fərqində olmur. Ancaq affekt vəziyyətə düşmək insanların cinayət törətməsinə haqq qazandırmır", - deyən psixoloq onu da vurğulayıb ki, affekt vəziyyətdən çıxdıqdan sonra insan kiməsə xəsarət yetirdiyini, cinayət törətdiyini anlayır. Bundan sonra isə başqa bir psixoloji vəziyyət başlayır. Bu zaman insan özünü günahkar hiss edir və elə günahkarlıq hissi ilə də yaşayır.

"Affekt vəziyyətində olan insan işıqforun qırmızı işığının belə fərqinə varmır. Bəzən insan daxilən hər hansı bir məsələni o qədər şişirdə bilər ki, bu zaman öz hərəkətlərinə nəzarəti itirər", - psixoloq deyib.

Sosioloq Nigar Əlizadə də hesab edir ki, pandemiya dövrü insanlara sosial-iqtisadi və psixoloji baxımdan təsir edir.

"İş yerlərinin fəaliyyətini dayandırması, maddi sıxıntıların artması, xəstəliyə yoluxma təhlükəsi, yaxınları itirmək qorxusu insanları psixoloji baxımdan gərginləşdirib. İnsanlar arasında doğmalıq, mərhəmət, şəfqət hissləri qalmayıb. Hər kəs yalnız öz maddi mənafeyini düşünür", - deyən sosioloqa görə, ölkədə artan cinayətkarlığın başlıca səbəbi insanların psixoloji vəziyyətinin qaydada olmamasıdır.

Sosioloq hesab edir ki, psixi baxımdan sağlam olan insan cinayətkar ola bilməz. Ona görə də dövlət, vətəndaşlarının psixi sağlamlığının qayğısına qalmalıdır.

461
Ermənistana məxsus taktiki PUA, arxiv şəkli

Naxçıvan istiqamətində uçan Ermənistan PUA-sı məhv edildi

15
Naxçıvan Muxtar Respublikasının Sədərək və Şərur rayonları istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib.

BAKI, 22 oktyabr — Sputnik. Naxçıvan istiqamətində uçan Ermənistan PUA-sı məhv edilib.

Bu barədə Sputnik Azərbaycan-a Azərbaycan Müdafiə Nazirliyinin Mətbuat Xidmətindən məlumat verilib.

"Oktyabrın 22-də səhər saatlarında Naxçıvan Muxtar Respublikasının Sədərək və Şərur rayonları istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib", - deyə məlumatda bildirilir.

15
Mövzu:
Azərbaycan və Ermənistan arasında müharibə
Bakıda üzərində Qarabağ Azərbaycandır! yazısı olan avtobus

BNA Azərbaycan əsgərinə dəstək şüarları hazırladı

10
Sərnişinlərimizin rəğbətinə səbəb olan digər bir maraqlı məqam isə "BakuBus"a məxsus iki avtobusun vətənpərvərlik mövzusuna aid tərtibatda xəttə çıxarılmasıdır.

BAKI, 22 oktyabr — Sputnik. Ali Baş Komandanın rəhbərliyi altında düşmənə sarsıdıcı zərbələr endirərək xalqımıza qələbə sevinci bəxş edən şanlı Ordumuza dəstək məqsədilə paytaxtın ictimai nəqliyyat vasitələri və infrastrukturu da vətənpərvərlik ruhunda bəzədilib. Bu barədə Sputnik Azərbaycan-a Bakı Nəqliyyat Agentliyinin Mətbuat katibi Mais Ağayev məlumat verib.

O bildirib ki, küçə və prospektlərdəki elektron lövhələrdə dövlət başçısının tarixə düşən ifadəsi "Qarabağ Azərbaycandır!" sözləri, həmçinin Bakıdan hazırda işğalda olan, eləcə də rəşadətli Ordumuzun azad etdiyi şəhər və rayonlara olan məsafəni bildirən məlumatlar əks olunub: "Heydər Əliyev prospekti-Hava limanı-Bilgəh və Zığ dairəsi-Hava limanı avtomagistrallarındakı elektron tablolarda da "Qarabağ Azərbaycandır!" və "Qələbə bizimlədir!" şüarları yazılıb. Vətənpərvərlik əhval ruhiyyəsi "Koroğlu" Nəqliyyat Mübadilə Mərkəzində daha aydın hiss olunmaqdadır. Bayraqlarla bəzədilən mərkəzin "Qarabağ" gözləmə zalının üzərində ölkəmizin xəritəsi və "Qarabağ Azərbaycandır!" sözləri qeyd olunub. Buradakı monitorlarda isə Müdafiə Nazirliyinin Ordumuzun düşmənə endirdiyi sarsıdıcı zərbələrlə bağlı təqdim etdiyi videoçarx nümayiş olunur".

Sərnişinlərimizin rəğbətinə səbəb olan digər bir maraqlı məqam isə "BakuBus"a məxsus iki avtobusun vətənpərvərlik mövzusuna aid tərtibatda xəttə çıxarılmasıdır.

10
Mövzu:
Azərbaycan və Ermənistan arasında müharibə
(2:08 / 17.65Mb / просмотров видео: 125)

Ermənistan silahlı qüvvələrinin ələ keçirilən növbəti hərbi texnikalarının görüntüsü

17
Ermənistan silahlı qüvvələrinin hissə və bölmələri geri çəkildikləri mövqelərdə hərbi texnikaları atıblar.

Azərbaycan Müdafiə Nazirliyi düşmənin ələ keçirilən növbəti hərbi texnikalarının videogörüntüsünü yayıb.

Bu gün səhər Müdafiə Nazirliyindən verilən məlumata əsasən, Azərbaycan Ordusunun keçirdiyi əməliyyat nəticəsində cəbhənin Qubadlı istiqamətində Ermənistan silahlı qüvvələrinin müdafiə olunan bölmələri şəxsi heyət və hərbi texnikada itki verərək vacib yüksəklik və bir sıra mövqelərdən geri çəkilməyə məcbur edilib.

Ermənistan silahlı qüvvələrinin cəbhənin Xocavənd istiqamətində mövqe tutan 155-ci artilleriya alayının D-20 batareyasının şəxsi heyəti arasında çoxlu sayda yaralanan var. Onların təxliyəsi üçün nəqliyyat vasitəsinin çatışmazlığı və yolların bağlı olması məlum olub.
Hadrut qəsəbəsindən şimalda yerləşən düşmənin artilleriya bölmələrinə yeni gətirilmiş könüllülər atəş mövqelərini tərk edərək qaçıblar.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.
Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.
Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.
Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.
Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndlərini, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.

 

17
Mövzu:
Azərbaycan və Ermənistan arasında müharibə