Notebook, arxiv şəkli

Veb-texnologiyalar KİV-də necə işləyir?

8
(Yenilənib 20:09 03.07.2020)
SputnikPro çərçivəsində növbəti vebinarın spikeri veb-texnologiyaların KİV-də işi, kontentin idarə edilməsi, freymvork (framework) və proqramlaşdırma dilləri haqqında danışıb.

BAKI, 3 iyul — Sputnik. Bu gün dünyada çox az adam kompüterdən saytlara daxil olur, əksəriyyət mobil versiyaya üstünlük verir. Buna görə də saytların mobil versiyalarının olması çox vacibdir. Eyni zamanda, saytın mobil versiyası əsas saytın məzmununu tam əks etdirməlidir və masaüstü versiyası ilə eyni variantları yaymalıdır. Bu barədə iyulun 3-də SputnikPro maarifləndirici layihəsi çərçivəsində keçirilən vebinarda bildirilib.

"Veb-texnologiyalar KİV-də necə işləyir: saytın anatomiyası, proqramlaşdırma dilləri, freymvorklar" onlayn sessiyasının spikeri "Rossiya seqodnya" BİA-nın İnternet Texnologiyaları Mərkəzinin rəhbəri Aleksey Filippovski olub.

Руководитель Центра интернет-технологий МИА Россия сегодня Алексей Филипповский
© Sputnik / Murad Orujov
Aleksey Filippovski

Aleksey karyerasına Ümumrusiya Dövlət Televiziya və Radio Şirkətində başlayıb, "Vesti"nin beynəlxalq şöbəsinin redaktoru və sonra rəhbəri olub. 2016-cı ildən "Rossiya seqodnya" BİA-da işləyir. O, burada əvvəlcə Ria.ru saytının – Runetdəki bir nömrəli xəbər resursunun (gündə təxminən 4,5 milyon unikal ziyarətçi) SMM istiqamətinə nəzarət edib, sonra isə onun istehsal komandasına rəhbərlik edib.

2018-ci ildə Alekseyin rəhbərliyi altında sayt yenidən işə salınıb: indi resurs özü ziyarətçilərinin sorğusuna uyğun olaraq qurulur, eyni zamanda rahat viget və çat sistemi vasitəsilə müxtəlif sahələri izləməyə imkan verir. Aleksey Filippovski həmçinin Moskva Dövlət Universitetinin tələbələri üçün "Rəqəmsal jurnalistika" mövzusunda mühazirə oxuyur.

Vebinar zamanı spiker krossbrauzerlik və adaptiv səhifələmə kimi anlayışlar da daxil olmaqla, əsas terminləri açıqlayıb, Web 1.0 və 2.0-ın nə olduğunu izah edib.

"İndi biz Web 3.0. erasına gedirik. Bəzi əlamətlər: şəbəkədə iştirakınız offline iştirakınıza bərabər olduqda sosiomədəni irəliləyiş. Avtomatik kontent mübadiləsi aparılacaq", - deyə Aleksey Filippovski bildirib.

Proqramlaşdırma dilləri haqqında danışan natiq onların çox olduğunu qeyd edib.

"Hansı proqramlaşdırma dilləri ən məşhurdur? Nə qədər mütəxəssis varsa, bir o qədər də fikir var. Bu çox tez-tez mübahisə doğuran məsələlərdəndir. Nəyi başa düşmək lazımdır? Hər hansı bir İT mütəxəssisinin öz sevimli dili var. Amma hər bir dilin də öz üstünlükləri və mənfi cəhətləri mövcuddur. Buna görə də, proqramlaşdırma dillərində hansısa dəbi təqib etmək lazım deyil", - deyə mütəxəssis bildirib.

Mütəxəssis dinləyicilərə öz işlərində xarici xidmətlərə etinasızlıq göstərməməyi məsləhət görüb.

"Şərh etmə sistemləri, statistika və analitika sistemləri, müxtəlif ixtisaslaşmış xidmətlər və s. – onların hamısı çox faydalıdır. Sizə lazım olan şey haqqında "Google"-dan soruşun. Məsələn, bu və ya digər göndərişi edib-etməmək barədə hipotezi yoxlaya bilərsiniz. Hipotezlərin yoxlanılması üçün xarici xidmətlər gözəl bir vasitədir, lakin xidmətin üst səviyyədə, layiqli, ödənişli və s. olması daha yaxşıdır", - deyə Aleksey öz məsləhətini verib.

Məruzəsində spiker bir sıra mühüm məqamlara da toxunub:

- İnkişaf standartları yoxdur

- Hər şey burada və indi lazım deyil

- Çox vaxt sadə bir həll ən səmərəlisidir

- Məsələn, "Facebook"-un etdiyi ola bilsin sizin üçün deyil

- Dəb və haypdan çəkinin.

Unikal ustad dərslərindən ibarət SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərin təqdim etdiyi böyükmiqyaslı yeganə Rusiya layihəsidir. Bu layihə artıq dünyanın 13 ölkəsində həyata keçirilib. 2018-ci ilin martından etibarən layihədə iki mindən çox jurnalist və mediamenecer, PR mütəxəssislər və mətbuat xidmətlərinin əməkdaşları, blogerlər və bu istiqamətdə təhsil alan tələbələr iştirak ediblər. Layihə ilə bağlı son yenilikləri "Facebook" səhifəsində izləyə bilərsiniz (https://www.facebook.com/SputnikProject/).

8
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

20
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

20
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

8
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

8