Xəstəxana, arxiv şəkli

Rahat nəfəs almaq olar. Alman virusoloq koronavirusun ikinci dalğasını istisna edir

30
(Yenilənib 20:36 03.07.2020)
Nə milli, nə də beynəlxalq səviyyədə SARS-CoV-2 koronavirusunun ikinci dalğası olacaq, lakin virus da "yox olmayacaq". Alim belə hesab edir.

BAKI, 3 iyul — Sputnik. Bonn Universitetinin Tibb Fakültəsinin Virusologiya və İİV Tədqiqatları İnstitutunun direktoru, professor Hendrik Ştrik (Hendrik Streeck) koronavirusun ikinci dalğasının niyə olmayacağını izah edib.

Sputnik Azərbaycan xəbər verir ki, RİA Novosti-yə verdiyi müsahibədə, Ştrik nə milli, nə də beynəlxalq səviyyədə SARS-CoV-2 koronavirusunun ikinci dalğasının olacağını, lakin virusun da "yox olmayacağını" və yeni endemik koronavirusa çevriləcəyini izah edib.

"Hazırda dünyada insanın dörd endemik koronavirusu var. Bu dörd virus qış aylarında Avropada insanlar arasında qripə yoluxma hallarının 10-30 faizinə səbəb olur. Əksər hallarda, insanın endemik koronavirusları yuxarı və aşağı tənəffüs yollarının xəstəliklərinə səbəb olur. Hesab edirəm ki, SARS-CoV-2 də endemik koronavirusa çevrilir", – Hendrik Ştrik bildirib.

O, yeni növ koronavirusun vaksin meydana gəlməmişdən əvvəl məhv edilə bilməyəcəyini də deyib.

30
Mövzu:
Dünyanı cənginə almış bəla (492)
Samsung şirkəti

Dünya nəhənginin rəhbəri vəfat etdi

11
2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

BAKI, 25 oktyabr — Sputnik. Samsung konserninin sədri Li Qon Hi vəfat edib, Sputnik Azərbaycan bildiri ki, bu barədə Rönhap agentliyi xəbər verir.

Biznesmen bazar günü Seuldakı Samsung xəstəxanasında keçinib.

Li Qon Hi 1942-ci ildə anadan olub və 1987-ci ildə Samsung-un ikinci sədri olub. O, bu vəzifədə qrupun yaradıcısı olan öz atası Li Byon Çxolu əvəz edib.

2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

Cənubi Koreya prokurorluğu Li Çjo Yonun hakimiyyəti ələ keçirmək üçün qeyri-qanuni maxinasiyalara əl atmasından şübhəlidir.

Li Çjo Yondan başqa Li Qon Hinin iki qızı qalıb - Li Bu Çjin və Li So Hyon. Daha bir qızı Li Yun Hyon 2005-ci ildə intihar edib.

11

Cəbhəboyu ərazilərdə raket, top mərmiləri dronlar zərərsizləşdirildi

6
Aparılmış əməliyyat-axtarış tədbirləri zamanı 9 ədəd partlamamış hərbi sursat (PHS), 2 ədəd hərbi məqsədlər üçün istifadə olunan meteoroloji radiopelenqator və 31 ədəd partlamış mərmi qalıqları aşkar olunub.

BAKI, 25 oktyabr — Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Bərdə, Beyləqan, Füzuli, Goranboy, Naftalan və Tərtər rayonları ərazisinə mərmilərin düşməsi barədə Daxili İşlər Nazirliyinin ″102″ Xidməti-Zəng mərkəzi sistemindən 34 və Fövqəladə Hallar Nazirliyinin Böhran Vəziyyətlərində İdarəetmə Mərkəzindən 1 müraciət daxil olub.

ANAMA-dan Sputnik Azərbaycan-a bildirilib ki, daxil olmuş 35 çağırış əsasında agentliyin xüsusi mobil çevik əməliyyat qrupları tərəfindən Ağcabədi rayonunun Hacılar, Hüsülü, Muğanlı, Rəncbərlər, Təzəkənd kəndləri, Ağdam rayonunun Alıbəyli kəndi, Quzanlı və Səfərli qəsəbəsi, Bərdə rayonunun Qazaxlar və Təhlə kəndləri, Beyləqan rayonunun Dünyamalılar kəndi, Füzuli rayonunun Alxanlı kəndi, Goranboy rayonunun Təklə kəndi, Naftalan rayonunun Qaşaltı, Tərtər rayonunun Azadqaraqoyunlu, Düyərli, Köçərli, Qazyan, Xoruzlu kəndləri, Şıxarx qəsəbəsi, M.Ə.Sabir və Nizami küçələrinə Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 9 ədəd partlamamış hərbi sursat (PHS), 2 ədəd hərbi məqsədlər üçün istifadə olunan meteoroloji radiopelenqator və 31 ədəd partlamış mərmi qalıqları aşkar olunub.

Agentliyin partlayış qrupu tərəfindən 2 ədəd raket, 8 ədəd top mərmisi və 2 ədəd dron zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 14 496 nəfər mülkü şəxs arasında mina təhlükəsizliyinə dair maarifləndirmə təbliğatı aparılıb.

6
Mövzu:
Azərbaycan və Ermənistan arasında müharibə