ABŞ Prezidenti Donald Tramp, arxiv şəkli

Tramp bu ölkədən on minədək amerikalı hərbçinin çıxarılmasını təsdiqlədi

8
(Yenilənib 17:16 01.07.2020)
Berlinin NATO-ya ödənişləri gecikdirməsinə görə Tramp Almaniyada amerikalı hərbçilərinin sayını 34,5 mindən 25 minə endirəcəyini vəd edib.

BAKI, 1 iyul — Sputnik. ABŞ Prezidenti Donald Tramp 9500 amerikalı hərbçinin Almaniyadan çıxarılması planını təsdiqləyib.

Sputnik Azərbaycan RİA Novosti-yə istinadən xəbər verir ki, bu barədə Pentaqonun rəsmi nümayəndəsi Conatan Hofman bildirib.

O deyib ki, ötən gün hərbçilərin yerdəyişmə planı Trampa təqdim edilib və prezident onu təsdiqləyib.

"Təsdiq edilmiş təklif yalnız prezidentin göstərişinə uyğun deyil, həm də Rusiyanın məhdudlaşdırılmasını gücləndirəcək, müttəfiqlərə əminlik verəcək, ABŞ-ın Avropada strateji və operativ çevikliyini yaxşılaşdıracaq", - Hofman bildirib.

Berlinin NATO-ya ödənişləri gecikdirməsinə görə Tramp Almaniyada amerikalı hərbçilərinin sayını 34,5 mindən 25 minə endirəcəyini vəd edib. Bununla yanaşı, Polşa hələ 2018-ci ildə öz ərazisində Amerikanın zirehli tank diviziyasını yerləşdirməyə və müvafiq xərcləri (1,5-2 milyard dollar) öz üzərinə götürməyə hazır olduğunu bəyan edib. Polşa bu təklifi NATO çərçivəsindən kənarda, ikitərəfli qaydada irəli sürüb. Prezident Andjey Duda Varşavanın daimi Amerika hərbi bazasının yaradılmasına ümid etdiyini bildirib və hətta onu "Fort Tramp" adlandırmağı təklif edib.

8
Teqlər:
Varşava, NATO, Almaniya, Pentaqon, Donald Tramp
Azərbaycan hərbi təyyarələri Türkiyə səmasında

Azərbaycana məxsus təyyarənin vurulması barədə yayılan məlumat dezinformasiyadır

56
(Yenilənib 00:17 29.09.2020)
Ermənistan tərəfinin axşam saatlarında Azərbaycan Hərbi Hava Qüvvələrinə məxsus təyyarənin vurulması barədə yayılan məlumat yalan və dezinformasiyadır.

BAKI, 29 sentyabr — Sputnik. Ermənistan tərəfinin axşam saatlarında Azərbaycan Hərbi Hava Qüvvələrinə məxsus təyyarənin vurulması barədə yayılan məlumat yalan və dezinformasiyadır.

Sputnik Azərbaycan xəbər verir ki, bu barədə Müdafiə Nazirliyinin Mətbuat Xidmətinin rəisi polkovnik Vaqif Dərgahlı bildirib.

V.Dərgahlı qeyd edib ki, Azərbaycan Ordusunun bütün aviasiya vasitələri yerindədir və işləkdir.

Qeyd edək ki, Ermənistan Müdafiə Nazirliyinin mətbuat katibi Şuşan Stepanyan qondarma Dağlıq Qarabağ ordusunun Martuni üzərində Azərbaycana aid bir An-2 təyyarəsini vurduğunu iddia edib. 

56
Türkiyə Respublikasının prezidenti Recep Tayyip Erdoğan, arxiv şəkli

Ərdoğan Boris Consonla Qarabağ münaqişəsini müzakirə etdi: "Ermənistan çəkilməlidir!"

82
(Yenilənib 23:53 28.09.2020)
Ermənistanın Azərbaycana qarşı hücumları nəticəsində başlayan döyüşlərə toxunan Rəcəb Tayyib Ərdoğan deyib ki, bölgədə sülh və əmin-amanlığın bərqərar olması üçün Ermənistan işğal etdiyi Azərbaycan torpaqlarından çəkilməlidir.

BAKI, 28 sentyabr — Sputnik. Türkiyə Prezidenti Rəcəb Tayyib Ərdoğan Böyük Britaniyanın Baş naziri Boris Consonla telefonla danışıb.

Sputnik Türkiyə Türkiyənin Rabitə Nazirliyinin verdiyi xəbərə istinadla bildirir ki, görüşdə Türkiyə-İngiltərə əlaqələri, Şərqi Aralıq dənizindəki proseslər, Ermənistanın Azərbaycana qarşı təxribatları və silahlı hücumu nəticəsində bölgədə yaranan gərginlik müzakirə edilib.

Rəcəb Tayyib Ərdoğan Ermənistanın Azərbaycana qarşı hücumları nəticəsində başlayan döyüşlərə toxunaraq bildirib ki, bölgədə sülh və əmin-amanlığın bərqərar olması üçün Ermənistan işğal etdiyi Azərbaycan torpaqlarından - Dağlıq Qarabağ və ətraf rayonlardan çəkilməlidir.

82
Teqlər:
Dağlıq Qarabağ, Ermənistan, Böyük Britaniya, Boris Conson, Türkiyə Prezidenti Rəcəb Tayyib Ərdoğan, prezident Rəcəb Tayyib Ərdoğan, Ərdoğan
Əlaqədar
Ərdoğan Əliyevə zəng etdi: "Türkiyə Azərbaycanın yanındadır"
İlham Əliyev Rəcəb Tayyib Ərdoğanla görüşüb
Ərdoğan: "Türkiyə Azərbaycanın yanındadır. Artıq hesab vaxtı gəldi"
Ərdoğan: "Hər zaman olduğu kimi, bu gün də Azərbaycanın yanındayıq"