Emiliya Yaqubova, arxiv şəkli

"Səs Azərbaycan" layihəsinin qalibi məşhur mahnını yeni versiyada oxuyub

71
(Yenilənib 19:58 30.06.2020)
İngiltərədə yaşayan müğənni Emiliya Yaqubova İlqar Xəyalın məşhur kompozisiyasını yeni aranjimanda ifa edib.

BAKI, 30 iyun — Sputnik, Kəmalə Əliyeva. "Səs Azərbaycan" layihəsinin və "Böyük İpək Yolunda Ulduzunu Tap" beynəlxalq musiqi müsabiqəsinin qalibi Emiliya Yaqubova "Tufanla Oynama" adlı məşhur mahnını yeni versiyada təqdim edib.

Bu barədə Sputnik Azərbaycan-a müğənninin özü məlumat verib.

İfaçı ailə qurandan sonra İngiltərəyə köçsə də, yaradıcılıqla məşğul olmağı dayandırmayıb. Yaqubova yeni kompozisiyalar yazmaqda və azarkeşləri sevindirməkdə davam edir.

İfaçı İlqar Xəyalın repertuarından ən çox sevdiyi mahnılardan birini oxuyub. Kompozisiyaya musiqini Mikayıl Vəkilov, sözləri isə Mirvari Dilbazi yazıb. Aranjimanı Tural Yusubov edib. Yaqubovanın ifası dinləyicilərin çox xoşuna gəlib və ona təşəkkür ediblər.

İlqar Xəyalın ifasında kompozisiyanın orijinal versiyasını da sizin diqqətinizə təqdim edirik.

Emiliya Yaqubova uzun müddət tanınmış "Həzz Band" musiqi qrupunun solistlərindən biri olub. Qrupun rəhbəri Azərbaycanın Əməkdar artisti Rəşad Haşımovdur.

Kollektivdən ayrılan müğənni solo karyerasına başlayıb və müxtəlif janrlarda mahnılar ifa edib. O, 2016-cı ildə "Səs Azərbaycan" musiqi müsabiqəsində iştirak edib və birinci yeri tutub. Emiliya hal-hazırda solo karyerası ilə məşğuldur.

Müğənni 2018-ci ildə Batumidə keçirilmiş "Böyük İpək Yolunda Ulduzunu Tap" beynəlxalq musiqi müsabiqəsinin qalibi olub.

71
Bakı karantinin yumşaldılmasından sonra

Kafe-restoran həsrətliləri üçün son tarix

2
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilsə də müəyyən yumşalmalar var

BAKI, 16 yanvar — Sputnik. Nazirlər Kabineti yanında Operativ Qərərgah kafe və restoranların yerində xidmət göstərəcəyi tarixi açıqlayıb. Sputnik Azərbaycan-ın məlumatına görə, 2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Qeyd edək ki, Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb.

2
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Gözəllik salonu, arxiv şəkli

Bu sahələrin fəaliyyətinə yanvarın 25-dən icazə veriləcək

7
Ancaq xəbərdarlıq da var: Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır

BAKI, 16 yanvar — Sputnik. Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb. Sputnik Azərbaycan 2021-ci il 25 yanvar saat 00:00-dan etibarən ölkə ərazisində fəaliyyətinə icazə verilən iş və xidmətlərin siyahısını təqdim edir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

7
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar