Bakı karantinin yumşaldılmasından sonra, arxiv şəkli

Təsdiq olundu! Maska koronavirusa yoluxma ehtimalını bu qədər azaldırmış

149
(Yenilənib 22:20 30.06.2020)
"ÜST-ün məlumatlarına görə, 2 nəfər (3-5 yox) sosial məsafə gözləmədən qarşı-qarşıya söhbət edirsə, onlardan biri yoluxmuşsa, digərinin yoluxma ehtimalı 50%-dir. Yoluxmuş şəxs asqırdıqda və ya yüksəkdən öskürdükdə digərinin yoluxma ehtimalı 80% olur" - Ədalət Rüstəm

Nigar İsgəndərova, Sputnik Azərbaycan

BAKI, 30 iyun — Sputnik. "Karantin rejimi sərtləşdirilsə də, cərimələr dünəndən 2 dəfə artırılsa da sərtləşdirmə əlamətləri yenə də görünmür. Küçələrdə insanlar yenə çoxdur və ən acınacaqlısı odur ki, onların böyük əksəriyyəti maskasızdır. Ya da baxırsan ki, çöldəki şəxslərin yarısı maskanı çənə-boğaz hissədə saxlayır. Marketlərdə maskasız insanlar yenə çoxdur. Bankların qarşısında insanların böyük əksəriyyəti artıq maska taxsa da, ara məsafəsi gözləmirlər".

Bu barədə Sputnik Azərbaycan-a açıqlamasında Azərbaycan Tibb Universitetinin dosenti Ədalət Rüstəm deyib. O bildirib ki, bu gün gündəlik olaraq xəstəxanalara 520-550 COVID xəstəsi qəbul olunur: "Yoluxma faktı təsdiq olunmuş, evdə müalicə olunan (NK-nin məlum qərarı və TƏBİB-in tövsiyələri  əsasında) və olunmayan yüngül, asimptomatik xəstələr var. Onlar isə bütün xəstələrin 70-80%-ni təşkil edir, statistikaya daxil edilmir. ÜST-ün məlumatlarına görə, 2 nəfər (3-5 yox) sosial məsafə gözləmədən qarşı-qarşıya söhbət edirsə, onlardan biri yoluxmuşsa,  digərinin yoluxma ehtimalı 50%-dir. Yoluxmuş şəxs asqırdıqda və ya yüksəkdən öskürdükdə digərinin yoluxma ehtimalı 80% olur. Əgər bu şəxslər öpüşərlərsə, bu zaman risk 95-100%-dir. Həmin 2 nəfərdən biri maskalı olduqda isə, yoluxma ehtimalı 2 dəfə azalır. Bu şəxslərin hər biri maskalıdırsa, yoluxma ehtimalı 10%-ə qədər, bəzi elmi mənbələrə görə isə sosial məsafə (2 metr) gözlənilərsə, 1,5%-ə qədər azalır. Maskanın əhəmiyyəti bu qədər böyük olduğundan onun üzərində bütün dünyada bu qədər çox dayanılır".

Ekspert daha bir nümunə də misal olaraq çəkib. O, müalicəsinə nəzarət etdiyi COVID-19 xəstələrindən söz açıb: "Daha bir bəsit numunə: Qonşulardan 2 nəfər, ata-oğul yüngül COVID-19 xəstəsinin artıq 10 gündür ki, müalicəsi ilə məşğul oluram. Daha bir neçə xəstəni də ev şəraitində müalicə etmişəm. Birbaşa olaraq onlarla söhbət də edirəm. Azı 2 metr məsafə gözlədiyimə və daim maska taxdığıma, mütəmadi olaraq əllərimi spirtlə təmizlədiyimə və spirtin iyini hər dəfə 2-3 dəfə burnuma çəkdiyimə görə bu ana qədər COVID-19 əlamətlərim yoxdur".

149
ABŞ Prezidenti Donald Tramp, arxiv şəkli

"Rusiya bunu çox istəyir" - Tramp

11
(Yenilənib 23:29 12.08.2020)
Avqustun 16-18-də Vyanada Xarici İşlər nazirlərinin müavinləri səviyyəsində strateji sabitlik üzrə Rusiya və ABŞ arasında hökumətlərarası məsləhətləşmələr keçiriləcək

BAKI, 12 avqust — Sputnik. Birləşmiş Ştatlar Prezidenti Donald Tramp Rusiyanın ABŞ-la "nüvə silahları üzrə pakt" imzalamağı "çox istədiyinə" əmin olduğunu bildirib.

"Biz hazırda Rusiya ilə nüvə silahları üzrə paktın üzərində işləyirik və onlar bunu istəyirlər, çox istəyirlər. Mən hesab etmirəm ki, onlar gözləyəcəklər. Hazırda bu dünyanın ən böyük problemidir və biz Rusiya ilə hazırda işləyirik", - deyə Tramp ABŞ jurnalisti Hyu Hyuittə müsahibəsində bildirib.

Qeyd edək ki, daha əvvəl Tramp bəyan etmişdi ki, ABŞ Rusiya ilə nüvə sazişi imzalamağa şad olardı.

Qeyd edək ki, 16-18 avqust tarixlərində Vyanada Xarici İşlər nazirlərinin müavinləri səviyyəsində strateji sabitlik üzrə Rusiya və ABŞ arasında hökumətlərarası məsləhətləşmələr keçiriləcək.

11
Əlaqədar
Dünya müharibəsinin gedişini birdəfəlik dəyişəcək addım - Rusiya bunu da etdi
Rusiya hansı halda nüvə zərbəsi endirə bilər? Baş Qərargah açıqlayıb
Trampdan bahalı əməliyyat: bunun üçün pul tökmək günah deyil
Tramp NATO-nu ticarətlə qarışdırıb: Niyə Rusiyanı "Böyük yeddilik"də görmək istəmirlər
Təcavüzkarı cəzalandırmaq üçün Rusiyanın zəmanəti: "Skif" raketi
Türkiyədə məktəbli, arxiv şəkli

Türkiyə məktəblərin açılması ilə bağlı qərar verdi

22
(Yenilənib 23:15 12.08.2020)
Bu gün Türkiyə Səhiyyə Nazirliyinin nəzdindəki Elm Komitəsi məktəblərin açılması üçün daha bir ay gözləməyin lazım olduğunu tövsiyə edib

BAKI, 12 avqust — Sputnik. Türkiyədə avqustun 31-dən etibarən dərs ili başlayacaq.

Sputnik Azərbaycan Habertürk-ə istinadən bildirir ki, bu barədə Türkiyənin Təhsil naziri Ziya Selcuk məlumat verib.

Bu gün Türkiyə Səhiyyə Nazirliyinin nəzdindəki Elm Komitəsi məktəblərin açılması üçün daha bir ay gözləməyin lazım olduğunu tövsiyə edib. Təhsil naziri isə avqustun 31-dən onlayn təhsilə başlanacağını deyib. Onun sözlərinə görə, sentyabrın 21-dən isə artıq uşaqlar sosial məsafəni gözləmək şərtilə məktəblərə gələ biləcəklər.

22
Mövzu:
Dünyanı cənginə almış bəla
Əlaqədar
Yeni modelə keçidin başlanğıcı: Azərbaycanda pandemiya dövründə təhsil inqilabı
Daşa dirənmiş proses: Xaricdə təhsil alan tələbələrin taleyi necə olacaq?
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Rusiyada oxumaq istəyənlər pandemiyaya rəğmən sərhədi keçə bilərlər