Şimal axını-2 qaz kəmərinin tikintisi, arxiv şəkli

Tramp ABŞ-ı NATO-dan çıxarmaq istəyib - "Şimal Axını-2"-yə görə

15
(Yenilənib 22:28 23.06.2020)
Boltonun sözlərinə görə, Tramp, həmçinin bildirib ki, alyansa çox hörmət edir, lakin Avrop ölkələrin Rusiya layihəsində iştirak edəcəyi təqdirdə qurumdan mütləq şəkildə çıxacaq.

BAKI, 23 iyun — Sputnik. Birləşmiş Ştatlar Prezidenti Donald Tramp Rusiyanın qaz kəməri, "Şimal axını – 2" layihəsinin tikintisini dəstəkləməyi dayandırmayacaqları təqdirdə NATO-ya üzv ölkələrin bəzilərini təhdid etmək istəyib. Sputnik Azərbaycan xəbər verir ki, bunu ABŞ Prezidentinin milli təhlükəsizlik üzrə sabiq müşaviri Con Bolton öz memuar – kitablarında bildirib.

"Bizimlə ədalətsiz davranırlar. Yanvarın 1-nə kimi bütün ölkələr öz ÜDM-lərinin 2%-ni ödəməlidirlər, biz borcları bağışlayacağıq və ya biz gedirik. Biz Rusiya ilə yola getmədiyimiz bir vaxtda, biz NATO ölkələrinin Rusiyaya milyardlar ödədiyi NATO-da olmayacağıq", - deyə Tramp bildirib.

Boltonun sözlərinə görə, Tramp, həmçinin bildirib ki, alyansa çox hörmət edir, lakin Avrop ölkələrin Rusiya layihəsində iştirak edəcəyi təqdirdə qurumdan mütləq şəkildə çıxacaq.

Sabiq müşavir əlavə edib ki, o bunu prezidentdən eşitdiyi gün dərhal dövlət katibi Mayk Pompeo ilə əlaqə saxlayıb və sonuncu Trampı NATO-da qalmağa inandıra bilib.

Xatırladaq ki, 1220 kilometr uzunluğundakı "Şimal axını-2" qaz boru kəməri Baltik dənizindən keçməklə Rusiyadan Almaniyaya ildə 55 milyard kubmetr qaz nəql etmək gücünə malik olacaq. Rusiyanın enerji nəhəngi "Qazprom" bəyan edib ki, "Şimal axını-2" layihəsi 2020-ci ilin sonunadək başa çatdırılacaq.

15
Azərbaycan hərbi təyyarələri Türkiyə səmasında

Azərbaycana məxsus təyyarənin vurulması barədə yayılan məlumat dezinformasiyadır

63
(Yenilənib 00:17 29.09.2020)
Ermənistan tərəfinin axşam saatlarında Azərbaycan Hərbi Hava Qüvvələrinə məxsus təyyarənin vurulması barədə yayılan məlumat yalan və dezinformasiyadır.

BAKI, 29 sentyabr — Sputnik. Ermənistan tərəfinin axşam saatlarında Azərbaycan Hərbi Hava Qüvvələrinə məxsus təyyarənin vurulması barədə yayılan məlumat yalan və dezinformasiyadır.

Sputnik Azərbaycan xəbər verir ki, bu barədə Müdafiə Nazirliyinin Mətbuat Xidmətinin rəisi polkovnik Vaqif Dərgahlı bildirib.

V.Dərgahlı qeyd edib ki, Azərbaycan Ordusunun bütün aviasiya vasitələri yerindədir və işləkdir.

Qeyd edək ki, Ermənistan Müdafiə Nazirliyinin mətbuat katibi Şuşan Stepanyan qondarma Dağlıq Qarabağ ordusunun Martuni üzərində Azərbaycana aid bir An-2 təyyarəsini vurduğunu iddia edib. 

63
Türkiyə Respublikasının prezidenti Recep Tayyip Erdoğan, arxiv şəkli

Ərdoğan Boris Consonla Qarabağ münaqişəsini müzakirə etdi: "Ermənistan çəkilməlidir!"

90
(Yenilənib 23:53 28.09.2020)
Ermənistanın Azərbaycana qarşı hücumları nəticəsində başlayan döyüşlərə toxunan Rəcəb Tayyib Ərdoğan deyib ki, bölgədə sülh və əmin-amanlığın bərqərar olması üçün Ermənistan işğal etdiyi Azərbaycan torpaqlarından çəkilməlidir.

BAKI, 28 sentyabr — Sputnik. Türkiyə Prezidenti Rəcəb Tayyib Ərdoğan Böyük Britaniyanın Baş naziri Boris Consonla telefonla danışıb.

Sputnik Türkiyə Türkiyənin Rabitə Nazirliyinin verdiyi xəbərə istinadla bildirir ki, görüşdə Türkiyə-İngiltərə əlaqələri, Şərqi Aralıq dənizindəki proseslər, Ermənistanın Azərbaycana qarşı təxribatları və silahlı hücumu nəticəsində bölgədə yaranan gərginlik müzakirə edilib.

Rəcəb Tayyib Ərdoğan Ermənistanın Azərbaycana qarşı hücumları nəticəsində başlayan döyüşlərə toxunaraq bildirib ki, bölgədə sülh və əmin-amanlığın bərqərar olması üçün Ermənistan işğal etdiyi Azərbaycan torpaqlarından - Dağlıq Qarabağ və ətraf rayonlardan çəkilməlidir.

90
Teqlər:
Dağlıq Qarabağ, Ermənistan, Böyük Britaniya, Boris Conson, Türkiyə Prezidenti Rəcəb Tayyib Ərdoğan, prezident Rəcəb Tayyib Ərdoğan, Ərdoğan
Əlaqədar
Ərdoğan Əliyevə zəng etdi: "Türkiyə Azərbaycanın yanındadır"
İlham Əliyev Rəcəb Tayyib Ərdoğanla görüşüb
Ərdoğan: "Türkiyə Azərbaycanın yanındadır. Artıq hesab vaxtı gəldi"
Ərdoğan: "Hər zaman olduğu kimi, bu gün də Azərbaycanın yanındayıq"