ABŞ-da etirazlar

ABŞ-da etirazların başlamasından bəri doqquz mindən artıq insan saxlanılıb

5
(Yenilənib 15:59 03.06.2020)
Minneapolisdə afroamerikalı Corc Floydun polisin əlində ölməsindən sonra ABŞ şəhərlərini etiraz və iğtişaşlar dalğası bürüyüb.

 

BAKI, 3 iyun — Sputnik. ABŞ-da afroamerikalı Corc Floydun polisin əlində ölməsi ilə əlaqədar etirazların başlamasından sonra ən azı 9,3 min nəfər saxlanılıb. Sputnik Azərbaycan xəbər verir ki, bu barədə "Associated Press" agentliyinin hesablamalarında deyilir.

Agentliyin məlumatına görə, təkcə Los Ancelesdə 2700 nəfər saxlanılıb. Onun ardınca isə Nyu-York gəlir – orada etirazların başlanmasından sonra təxminən 1500 nəfər həbs olunub. Dallas, Hyuston və Filadelfiya kimi böyük şəhərlərdə də yüzlərlə adam saxlanılıb.

Minneapolisdə afroamerikalı Corc Floydun polisin əlində ölməsindən sonra ABŞ şəhərlərini etiraz və iğtişaşlar dalğası bürüyüb. İnternetdə yayılmış videogörüntülərdə polislərin Floydu qandallayaraq yerə yıxdığını və Derek Şovin adlı polis əməkdaşının onun boynunu dizi ilə yerə sıxdığını görmək olar. Floyd isə bu zaman bir neçə dəfə nəfəs ala bilmədiyini deyir. Onun reanimasiyada vəfat etdiyi bildirilib.

İğtişaşlar başlayandan sonra dörd polis nəfəri işdən çıxarılıb. Şovin isə ehtiyatsızlıqdan qətl törətmək ittihamı ilə həbs edilib.

5
Londonda küçələrin birində, arxiv şəkli

Min illərin sirli qətlinin üstü açıldı

7
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

7
Şokolad

Gündə 25 qramı sizi xoşbəxt edə bilər

6
(Yenilənib 00:04 12.07.2020)
Bir çox elm adamlarının fikrincə, tünd şokolad ürək xəstəlikləri riskini azaldır. Eyni zamanda bu şirniyyat təkcə əhval ruhiyyəni yaxşılaşdırmır, həmdə beynin funksiyasını da gücləndirir.

BAKI, 12 iyul — Sputnik. Moskva sağlamlıq departamentinin dietoloqu Antonina Starodubova gün ərzində 15-25 qram şokolad yeməyi məsləhət görüb. 

Sputnik Azərbaycan xarici mətbuata istinadla xəbər verir ki, onun fikrincə, bu miqdarda şirniyyat təhlükəsiz və faydalıdır.

Starodubova qeyd edib ki, 25 qram şokolad bir plitka şokoladın təxminən 4/1-nə bərabərdir. Səhərlər acı və tünd şokolad yemək sağlamlıq üçün faydalıdır.

Onun sözlərinə görə, bu məsləhət sağlam insanlar üçündür. Xroniki xəstəliyi olan şəxslər həkimlə məsləhətləşməlidir.

"Tərkibində yüksək miqdarda kakao paxlası (70 faizdən az olmayan) və nisbətən aşağı şəkər (25 faizdən çox olmayan) şokolad növləri faydalı hesab olunur ki, bu da acı sortlara və bəzi tünd şokolad növlərinə uyğundur. Müxtəlif dolğuları olan şokoladlar isə desert növlərinə aiddir" – deyə dietoloq vurğulayıb.

Desert şokoladın kalori miqdarı əlavələr səbəbindən artır, ancaq qoz-fındıq qarışığı olan tünd şokolad istisnadır. Belə şokoladlar bitki zülalı, lif, vitaminlər, minerallar və doymamış yağ turşuları mənbəyi hesab edilir.

Bir çox elm adamlarının fikrincə, tünd şokolad ürək xəstəlikləri riskini azaldır. Eyni zamanda bu şirniyyat təkcə əhval ruhiyyəni yaxşılaşdırmır, həmdə beynin funksiyasını da gücləndirir. Şokolad yaddaşı yaxşılaşdırır, konsentrasiyanı və mürəkkəb problemləri həll etmək qabiliyyətini artırır.

6