Yevlaxda bəzi məhəllələrə giriş-çıxış məhdudlaşdırılıb

“Qaraçılar məhəlləsində” vəziyyət düzəlir Məhdudiyyətlər ləğv edildi

127
(Yenilənib 22:27 21.05.2020)
“Qaraçı məhəlləsində” hücuma məruz qalaraq, başından ağır xəsarət almış polis əməkdaşı Vasif Fətəliyev müalicəsinin davam etdirilməsi Bakı şəhərinə aparılıb.

Musa Muradlı, Sputnik Azərbaycan

BAKI, 21 may — Sputnik. Yevlaxın “Qaraçılar məhəlləsi”ndə vəziyyət sabitləşib. Bu gün səhər saatlarınadan məhəllələrin giriş-çıxışında qoyulmuş postlar götürülüb. Sputnik Azərbaycan-ın hadisə yerində olan müxbirinin verdiyi məlumata görə, məhəllə sakinlərinin sərbəst hərəkətinə tətbiq edilmiş məhdudiyyətlər aradan qaldırılıb.

Qeyd edək ki, DİN Bərdə regional mətbuat xidmətindən ötən bir neçə gündə baş vermiş hadisələr barədə ictimaiyyət məlumatlandırılıb. Adı çəkilən məhəllədə yaşayanların hüquq-mühafizə orqanların əməkdaşlarına qarşı qanunsuz hərəkətləri təsdiqlənib.

Sputnik Azərbaycan-ın əldə etdiyi məlumata görə, “Qaraçı məhəlləsində” üç gün əvvəl hücuma məruz qalaraq, başından ağır xəsarət almış polis əməkdaşı Vasif Fətəliyev müalicəsinin davam etdirilməsi Bakı şəhərinə aparılıb.

Yevlaxlı  sakinlərinin bildirdiyinə görə qaraçılarla təhlükəsizlik qüvvələri arasındakı gərginlik bu gün də davam edib. Günün birinci yarısında isə məhəllələrin giriş-çıxışında tətbiq edilən hərəkət məhdudiyyəti tam götürülüb.

Xatırladaq ki, son günlərin statistikasına görə koronovirus infeksiyasının sürətlə yayılmasında Yevlax şəhəri liderə çevrilib. Koronovirusa yoluxanlar arasında Yevlax Təcili Tibbi Yardım məntəqəsinin əməkdaşları da var. Hazırda onlardan beş nəfəri Ağdaş karantin mərkəzində müalicə olunurlar.

Tibbi işçilərilə yanaşı şəhər sakinləri arasında da yoluxma halı geniş vüsət alıb. 80 nəfərə qədər yoluxmuş şəhər sakinlərindən 53 nəfəri kompakt olaraq eyni məhəllədə yaşayanlardır. Yaranmış təhlükəli vəziyyətin qarşısını almaq məqsədilə Yevlax Polis Şöbəsinin əməkdaşları məhəlləyə giriş-çıxışı məhdudlaşdırıb. Görülən təhlükəsizlik tədbirləri isə yerli qaraçıların etirazına səbəb olub. Polis əməkdaşlarının tələbinə əməl etməkdən imtinaya cəhd olunub. Təxirəsalınmaz tədbirlər sayəsində qanunazidd əməllərin qarşısı alınıb.

127
Supermarketdə qadın, arxiv şəkli

Operativ Qərargah: Vətəndaşlar həftəsonları üçün ərzaqlarını əvvəlcədən ala bilərlər

3
(Yenilənib 20:20 03.06.2020)
Bunu Nazirlər Kabinetinin Mətbuat Xidmətinin rəhbəri İbrahim Məmmədov Operativ Qərargahın bu gün keçirilən brifinqində deyib.

BAKI, 3 iyun - Sputnik. “Karantin rejiminin tətbiqi də, yumşaldılması da zərurətdən doğub. Məhdudlaşdırmaya yenidən getmək də situasiyadan irəli gəlir”.

Bunu Nazirlər Kabinetinin Mətbuat Xidmətinin rəhbəri İbrahim Məmmədov Operativ Qərargahın bu gün keçirilən brifinqində deyib.

“Məhdudlaşdırmanı heç kim istəmir. Əgər qaydalara əməl etməsək, bu, çox ciddi iqtisadi problemlərə apara bilər. Bizim belə bir problemimiz yoxdur. Ərzaqla bağlı problem yoxdur. Amma vətəndaşlar həftəsonları üçün öz ərzaq azuqələrini əvvəlcədən ala bilərlər”, - İ.Məmmədov bildirib. 

3
Pulun sayması, arxiv şəkli

Operativ Qərargahdan 190 manat birdəfəlik ödəmə ilə bağlı açıqlama

22
Məmmədov qeyd edib ki, məhdudiyyətlər olacağı təqdirdə, 190 manat birdəfəlik ödəmənin verilməsi yenidən aktuallaşa bilər.

BAKI, 3 iyun - Sputnik. “190 manat birdəfəlik ödəmə aprel və may ayları üçün nəzərdə tutulmuşdu”.

Bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Nazirlər Kabinetinin mətbuat xidmətinin rəhbəri İbrahim Məmmədov deyib.

İ. Məmmədov qeyd edib ki, məhdudiyyətlər olacağı təqdirdə, 190 manat birdəfəlik ödəmənin verilməsi yenidən aktuallaşa bilər.

22