Xəzər dənizinin sahili, arxiv şəkli

Karantin dəniz suyunun təmizlənməsinə təsir edib

23
(Yenilənib 22:36 21.05.2020)
Son monitorinqlər onu deməyə əsas verir ki, sahil boyu ictimai iaşə obyektləri fəaliyyət göstərmədiyindən dəniz suyunun çirklənməsində azalma müşahidə olunub.

BAKI, 21 may — Sputnik. "Bu ilin mart-aprel aylarında ötən ilin cari dövrü ilə müqayisədə havanın çirklilik səviyyəsi aşaöı düşb. Bunun səbəbi karantin dövrü ilə əlaqədar olaraq iaşə obyektlərinin bbağlanması və havaya atılan tullantıların sayının azalması, eyni zamanda da avtomobillərdən havaya atılan zəhərli tullantıların sayının azalması ilə bağlıdır".

Sputnik Azərbaycan-ın xəbərinə görə bu barədə Ekologiya və Təbii Sərvətlər naziri Muxtar Babayev bu gün Nazirlər Kabinetinin Operativ Qərargahı tərəfindən jurnalistlər üçün təşkil olunan mətbuat konfransında deyib.

O bildirib ki, karantin dövründə tətbiq olunan məhdudlaşmalar Xəzər dənizinin suyuna da müsəbt təsir göstərib: "Nardaran, Pirşağı və Bilgəhdə dənizdə aparılan son monitorinqlər onu deməyə əsas verir ki, sahil boyu ictimai iaşə obyektləri fəaliyyət göstərmədiyindən dəniz suyunun çirklənməsində azalma müşahidə olunub".

23

Türkiyə Azərbaycan münaqişə ilə bağlı son prosesləri müzakirə etdilər

6
(Yenilənib 10:30 28.10.2020)
Türkiyə Xarici İşlər Naziri Mövlud Çavuşoğlu Azərbaycan Xarici İşlər Naziri Ceyhun Bayramovla Dağlıq Qarabağ münaqişəsini və son prosesləri müzakirə ediblər.

BAKI, 28 oktyabr — Sputnik. Türkiyə Xarici İşlər Naziri Mövlud Çavuşoğlu Azərbaycan Xarici İşlər Naziri Ceyhun Bayramovla telefonla danışıb.

Sputnik Azərbaycan xəbər verir ki, bu barədə Türkiyə XİN məlumat yayıb.

Məlumatda bildirilir ki, nazirlər telefon danışığında Dağlıq Qarabağ münaqişəsini və son prosesləri müzakirə ediblər.

6
Əlaqədar
Ceyhun Bayramovla Mövlud Çavuşoğlu növbəti erməni barbarlığını müzakirə etdilər
Mövlud Çavuşoğlu Moskva görüşü barədə: Azərbaycanın verdiyi qərarları dəstəkləyirik
Mövlud Çavuşoğlu azərbaycanlı həmkarı ilə son prosesləri müzakirə etdi
Çavuşoğlu Bayramova başsağlığı verdi, dəstəyini bildirdi
Çavuşoğlu Bayramovla danışdı: mövzu yenə Qarabağ
Erməni qüvvələrinin açdıqları atəşdən sonra Tərttərdə vəziyyət

Ermənistan Tovuz, Gədəbəy, Daşkəsən Qubadlı rayonlarını intensiv atəşə tutur

10
(Yenilənib 10:14 28.10.2020)
Ermənistan silahlı qüvvələrinin bölmələri oktyabrın 28-də gecə və səhər müxtəlif vaxtlarda Ermənistan-Azərbaycan dövlət sərhədində yerləşən yaşayış məntəqələrimizi və bölmələrimizin mövqelərini atıcı silahlardan atəşə tutub.

BAKI, 28 oktyabr — Sputnik. Ermənistan silahlı qüvvələrinin bölmələri oktyabrın 28-də gecə və səhər müxtəlif vaxtlarda Ermənistan-Azərbaycan dövlət sərhədində yerləşən yaşayış məntəqələrimizi və bölmələrimizin mövqelərini atıcı silahlardan atəşə tutub.

Bu barədə Sputnik Azərbaycan Müdafiə Nazirliyinə istinadən məlumat verir.

Belə ki, Ermənistanın Berd, Çəmbərək, Vardenis və Gorus rayonları ərazisindən Azərbaycanın Tovuz, Gədəbəy, Daşkəsən və Qubadlı rayonlarının əraziləri düşmən tərəfindən atəşə tutulub.

Səhər saat 07.35-dən 09.00-dək isə Ağcabədi rayonu ərazisi düşmən tərəfindən atəşə məruz qalıb.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlardan, minaatanlardan və müxtəlif çaplı artilleriya qurğularından intensiv atəşə tutub.

Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb.

Azərbaycan ordusunun əks-hücum əməliyyatı zamanı Cəbrayıl rayonu, Füzuli şəhəri, Zəngilan şəhəri, Qubadlı şəhəri, Hadrut qəsəbəsi də daxil olmaqla bir sıra yaşayış məntəqələrimiz işğaldan azad olunub.

10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

10