Bakıda tibbi maska taxmış şəxs, arxiv şəkli

Üzümüzə virus üfürənlərlə mübarizə: Azərbaycanda hər kəs məcburi maska taxacaq?

1037
(Yenilənib 15:48 30.04.2020)
Bəzi ölkələr karantin rejiminin yumşaldılmasının şərti kimi maska taxılmasını əsas götürürlər. Azərbaycanda da bu addımı təqdir edənlər var.

Nigar İsgəndərova, Sputnik Azərbaycan

BAKI, 30 aprel — Sputnik. Bütün dünyanı əhatə edən koronavirus pandemiyası bir çox ölkələrin tətbiq etdiyi sərt karantin tədbirləri nəticəsində bir qədər səngiyib. 

ASAN Xidmətin binası
© Official website of President of Azerbaijan Republic
Virusun yayılmasının qarşısının alındığını söyləmək hələ çox tez olsa da, artıq bir çox ölkələrdə sərt tədbirlər qismən yumşaldılır.

Amma karantini yumşaldan ölkələrin çoxu bəzi şərtlər də qoyur. Ölkələrin hökumətləri iş yerləri, ictimai-iaşə obyektlərin açılması üçün sərt tədbirlər tətbiq edir – sosial məsafə qorunmalı, evindən çıxan hər bir şəxs mütləq şəkildə maska taxmalıdır.

Azərbaycan da karantin rejimini yumşaldan ölkələr arasındadır. Amma nədənsə, azacıq azadlıq alan insanlar küçələrə axışan zaman sosial məsafə saxlamır, qoruyucu maskalardan istifadə etmir. Maraqlıdır, Azərbaycanda maskanın taıxlmasını məcburi etməklə virusa yoluxma hallarının azalmasına nail olmaq olarmı?

Milli Məclisin Səhiyyə komitəsinin üzvi, millət vəkili Müşfiq Məmmədli Sputnik Azərbaycan-a açıqlamasında maska taxılmasının zəruriliyindən danışıb: "Karantin rejiminin yumşaldılması ilə bağlı tədbirlərə keçid olduqdan sonra müəyyən qoruyucu vasitələrdən istifadə zəruriliyi meydana çıxacaq. Bu tədbirlərin görülməsinin zəruriliyi həm sosial məsafənin saxlanılması, həm də maska və dezinfeksiya maddələrindən istifadənin məcburiliyidir. Belə düşünürəm ki, maskalardan istifadə də məcburi olacaq və davamlı inzibati hal alacaq".

"Zamanla digər karantin tədbirləri bir qədər yumşaldıla bilər. Hazırkı durumda isə maskanın taxılması və sosial məsafənin qorunması vacib şərtdir", - deyə millət vəkili əlavə edib.

O, belə bir şəraitdə steril əlcəklərdən istifadənin seçimə bağlı olacağını vurğulayıb: "Çünki dezinfeksiya məhlullarından istifadə daha çox effekt verir, nəinki əlcəkdən istifadə".

© Sputnik / Evgeniy Epanchintsev

Ümumdünya Səhiyyə Təşkilatının Bakı nümayəndəliyinin rəsmisi Hande Harmancı Sputnik Azərbaycan-a açıqlamasında bildirib ki, belə bir qərarın verilib-verilməməsi hökumətin qərarından asılıdır. O qeyd edib ki, hətta belə bir qərar verilərsə, tək maska taxmaqla deyil, bir sıra nüanslara, məsələn sosial məsafənin olmasına, gigiyenik qaydalara riayət etməklə də virusdan qorunmaq olar. 

REACT-C19 layihəsi çərçivəsində Azərbaycana qayıdan Türkiyənin Hacettepe xəstəxanasının daxili xəstəliklər üzrə həkimi Cəbrayıl Cəbrayılov da virusdan qorunmada gigiyena qaydalarına əməl edilməsinin vacibliyindən və Türkiyədəki təcrübədən danışıb: "Bilirsiniz, başqa ölkələrdən fərqli olaraq Türkiyədə maskanın taxılması məcburi deyil. Rəqəmlərdə artımın olmaması üçün biz sadəcə olaraq insanları gigiyena qaydalarına əməl etməyə, sosial məsafəni qorumağa səsləyirik".

Tibb üzrə ekspert Adil Qeybulla isə Sputnik Azərbaycan-a açıqlamasında  bir sıra önəmli nüanslara toxunub: "Belə hesab edirəm ki, maska taxılması məcburi olmalıdır. Bu gün bir çox ölkələr karantin rejimini yumşaldaraq bildirir ki, insanların maska taxması məcburidir. Məsələn, Almaniyada da bu təcrübəni görə bilərik. Azərbaycanda insanlar sosial məsafəni gözləmədikləri üçün maska taxmaq zəruri olmalıdır. Ünsiyyət zaman hava vasitəsilə yoluxmanın qarşısının alınmasında maska önəmlidir".

1037
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

4
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

4

Ağdamın işğaldan azad edilmiş Abdal Gülablı kəndləri necə görünür - video

5
Azərbaycan Respublikası Müdafiə Nazirliyi ictimaiyyəti işğaldan azad edilmiş ərazilərlə tanış etməyə davam edir.

Müdafiə Nazirliyi öz rəsmi internet səhifəsində Ağdam rayonunun işğaldan azad edilmiş Abdal və Gülablı kəndindən xüsusi videoreportaj paylaşıb.

Xocavəndin işğaldan azad olunan Domi kəndinin görüntüləri
YouTube / Azərbaycan Respublikası Müdafiə Nazirliyi

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanatın şərtlərinə artıq əməl olunur. Belə ki, Ağdam rayonu 2020-ci il noyabrın 20-də Azərbaycan Respublikasına qaytarılıb.

Sənədin digər müddəalarına əsasən, 2020-ci il noyabrın 25-də Azərbaycan Respublikasına Kəlbəcər rayonu, dekabrın 1-də Laçın rayonu qaytarmalıdır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Xocavənd rayonunun işğaldan azad olunan Daşbaşı kəndindən videoreportaj>>

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

5