Sumqayıtda küçə və yolların əsaslı təmiri

Sumqayıt sakinləri karantindən birbaşa "ağ günə" çıxacaq

57
(Yenilənib 14:28 29.04.2020)
Əsaslı təmir işləri əsasən uzun müddət istismar olunan, yol örtüyünün vəziyyəti qənaətbəxş olmayan, həmçinin torpaq əsaslı və çınqıl örtüklü küçə və yollarda aparılır.

BAKI, 29 aprel — Sputnik. Ölkə başçısının müvafiq sərəncamına əsasən, Azərbaycan Respublikasının 2020-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Avtomobil Yolları Dövlət Agentliyinə 6,4 milyon (altı milyon dörd yüz min) manat ayrılıb.

Sputnik Azərbaycan AAYDA-nın məlumatına istinadla xəbər verir ki, layihə çərçivəsində agentlik tərəfindən 135 min nəfər əhalinin yaşadığı Sumqayıt şəhərinin Corat, Hacı Zeynalabdin Tağıyev qəsəbələrində, 21-ci mikrorayon ərazisində, həmçinin "Yaşıl Dərə, "Qurd Dərəsi", "Xəzər Bağları" yaşayış massivlərində və 5 məhəllədə ümumi uzunluğu 21.4 kilometr olan küçə və yolların təmirinin həyata keçirilməsi nəzərdə tutulurdu ki, artıq bu istiqamətdə işlərə başlanılıb. Ümumilikdə təmir işlərinin ümumilikdə əhatə edəcəyi sahə 150 min kv.m-dir.

© Azerbaijan Highway State Agency
Sumqayıtda küçə və yolların əsaslı təmiri

Əsaslı təmir işləri əsasən uzun müddət istismar olunan, yol örtüyünün vəziyyəti qənaətbəxş olmayan, həmçinin torpaq əsaslı və çınqıl örtüklü küçə və yollarda aparılır.

Dövlət başçısının imzaladığı sərəncama əsasən hazırlanan layihələrə uyğun olaraq hazırda 18-21-ci məhəllələrinin daxili yollarında və 21-ci mikrorayon ərazisində yerləşən küçələrdə təmir-tikinti işləri həyata keçirilir. Sözügedən ərazilərdə aparılan əsaslı təmir işləri 5.8 km uzunluğa malik küçə və yolları əhatə edir. Aparılan işlərin sahəsi isə 40 min kv.m-dir.

© Azerbaijan Highway State Agency
Sumqayıtda küçə və yolların əsaslı təmiri

Ümumilikdə aparılan təmir-tikinti işləri çərçivəsində küçələr boyu zəruri olan yerlərdə köhnə örtük sökülür və yararsız qrunt qazılaraq çıxarılır, əvəzinə yararlı material tökülərək kipləşdirilir, yeni yol yatağı və yol əsası inşa edilir. Daha sonra isə yeni asfalt-beton örtüyünün döşənməsi icra olunur.

Yaxın günlərdə təmir-tikinti işlərinə Corat qəsəbəsinin 3.6 km uzunluğa malik küçələrində başlanılması nəzərdə tutulur. Qəsəbədə təmir işlərinin aparılacağı ümumi sahə 25 min kv.m-ə yaxındır.

Sərəncama əsasən, işlərin yekunlaşması ardıcıllığına uyğun olaraq Sumqayıt şəhərinin Hacı Zeynalabdin Tağıyev qəsəbəsinin, "Yaşıl Dərə, "Qurd Dərəsi" və "Xəzər Bağları" yaşayış massivlərində, həmçinin "Kotec" məhəlləsinin 12 km uzunluğa malik küçə və daxili yollarında da yenidənqurma işlərinin aparılması nəzərdə tutulur. Təmir işlərinin aparılacağı sahə 85 min kv.m-dir.

© Azerbaijan Highway State Agency
Sumqayıtda küçə və yolların əsaslı təmiri

Sumqayıt şəhəri üzrə qeyd olunan ərazilərdə təmir işlərinin həcmi ilkin olaraq ayrılmış vəsait hesabına aparılır. Növbəti mərhələlərdə sərəncam və investisiya proqramı ilə ayrılacaq vəsaitə uyğun, agentlik tərəfindən şəhər üzrə ehtiyacı olan digər küçə və yollarda da yenidənqurma işlərinin aparılması nəzərdə tutulur.

"İnşaat Norma və Qaydaları"nın tələblərinə əsasən aparılan işlər Azərbaycan Avtomobil Yolları Dövlət Agentliyinin rəhbərliyinin şəxsi nəzarəti altındadır. İşlərin vaxtında yekunlaşdırılması üçün ərazilərə lazımi sayda canlı qüvvə və texnika cəlb edilib.

57

İsraillilər dua edərkən tribuna çökdü - VİDEO

5
(Yenilənib 23:05 16.05.2021)
İsrailin Givat-Zeev yaşayış məntəqəsində sinaqoqun tribunası çöküb, xeyli adam yaralanıb. Hadisə yerindən video sosial şəbəkələrdə yayılıb.

KİV-in məlumatına görə, hadisə zamanı yaralananların sayı artıq 160 nəfəri ötüb. İki nəfərin həlak olduğu deyilir. Daha altı nəfərin vəziyyəti ağırdır. 

Hüquq mühafizə orqanları dini ayin keçirilən zaman bütün təhlükəsizlik qaydalarına riayət olunub-olunmamasını araşdırır.

5
Teqlər:
yaralılar, çökmə, tribuna, sinaqoq, İsrail

Gürcüstanda svanlar azərbaycanlılara hücum etdilər, dava düşdü - VİDEO

7
Milliyyətcə svan olan bir qrup şəxs azərbaycanlı sahibkar Qəşəm Şamilovun işlətdiyi mağazanın qarşısına gələrək ona, eləcə də mağazanın qarşısındakı azərbaycanlı gənclərə hücum edib.

BAKI, 16 may - Sputnik. Gürcüstanın Dmanisi rayonunda azərbaycanlılarla svanlar arasında kütləvi dava düşüb.

Sputnik Azərbaycan bildirir ki, bu barədə məlumatı APA yerli sakinlərə istinadən yayıb. Xəbərə görə, insident bu gün saat 5 radələrində rayonun “9 aprel” küçəsində baş verib.

Sakinlərin məlumatına görə, milliyyətcə svan olan bir qrup şəxs azərbaycanlı sahibkar Qəşəm Şamilovun işlətdiyi mağazanın qarşısına gələrək ona, eləcə də mağazanın qarşısındakı azərbaycanlı gənclərə hücum edib.

Hadisə zamanı bir neçə nəfərin ciddi xəsarət aldığı bildirilir. Q.Şamilovun sözlərinə görə, dava svanların aldıqları məhsulun pulunu ödəmək istəməməsi səbəbi ilə baş verib.
Faktla əlaqədar Gürcüstan Daxili İşlər Nazirliyi araşdırmalara başlayıb.

Eləcə də oxuyun:

Tbilisidə Azərbaycan və Türkiyə əleyhinə təxribat baş verib

* "Gürcüstana qarşı Rusiyanın mövqelərini dəstəkləməliyik" – Millət vəkili

Gürcüstan DTX Azərbaycanla münasibətlərə qəsdən zərər vurmaq cəhdlərinin olduğunu açıqladı

 

7
Teqlər:
azərbaycanlılar, Gürcüstan, dava