Tovuzun Əlibəyli kənd sakini Sadıq Əliyev

Unudulmayacaq qəhrəmanlıqlar - Müharibənin komandoya çevirdiyi sadə mexanizator

1163
(Yenilənib 09:30 27.03.2020)
Heç kəs öz daxilindəki potensialı bilmir. Tovuzlu Sadıq Əliyev də müharibədə bir anda mexanizatordan "Rembo"ya çevrilib. Belə qəhrəmanlarımızla fəxr etməliyik.

İlham Mustafa, Sputnik Azərbaycan

BAKI, 27 mart — Sputnik. Tovuzun Əlibəyli kəndi düşmənlə təmas xəttinə ən yaxın yaşayış məntəqəsidir. Düşmən postları ilə əhatə olunan kənddə elə bir ev yoxdur ki, onun üzərində güllə izləri olmasın. Müharibənin həm evində, həm həyatında dərin izlər buraxdığı müsahibim Sadıq Əliyevin evi isə kəndin üst hissəsində, düşmən postuyla sadəcə 100-120 metr məsafədə yerləşir.

Sadıq Əliyev Qarabağ müharibəsi zamanı ordumuzla çiyin-çiyinə kəndi müdafiə edib
© Sputnik / Ilham Mustafa
Düşmənlə təmas xəttinə ən yaxın yaşayış məntəqələrinin birində yaşayan Sadıq Əliyev

Müharibənin başlanması, qarşı tərəfin aqressiyası sadə mexanizator olan Sadıq Əliyevi cəsur döyüşçüyə, kəşfiyyatçıya, silah yaradıcısına çevirib. İlk olaraq öz evinin müdafiəsinə qalxan S.Əliyevin qorxmazlığı, hünəri az müddətdə onun ətrafına xeyli sayda həmkəndlisinin toplanmasına səbəb olub. S.Əliyev kustar üsulla hazırladığı silahlarla onlarla birgə kəndin müdafiəsini təşkil edib. Evini qərargaha, kəndin ətrafında yaratdğı və adını daşıyan 5 postu isə alınmaz səngərə çevirib. Bu gün də həmin ərazilər onun adıyla Sadıq 1, Sadıq 2 və digə adlarla adlandırılıb. Sputnik Azərbaycan-la söhbətində S.Əliyev münaqişənin onu dinc həyatından necə döyüşçüyə çevirməsi haqda danışıb:

Sadıq Əliyevin tankların qarşısını kəsmək üçün hazırladığı maneələr
© Sputnik / Ilham Mustafa
Sadıq Əliyevin tankların qarşısını kəsmək üçün hazırladığı maneələr

“80-ci illərin sonlarından qonşu respublikaya aid kəndlərdən təxribatçı hücumlar başlandı. Əvvəlcə əksər evlərdən oğurluq edir, qoyun-quzu, mal-qara aparırdılar. Mənim də bir ov tüfəngim vardı. Evin yaxınlığında bir səngər qazıb keşik çəkməyə başladım. Basqınlar artdıqca ətrafımdakı insanların da sayı artırdı. Gecələri kənddə gəzib, müdafiəni təmin edirdik. 1990-cı ildən başlayaraq basqın xarakterli hücumlar artıq işğal məqsədilə edilməyə başladı. Beləcə mən də döyüşçüyə çevrildim” - deyərək sözə başlayıb.

Sadıq Əliyevin evinin həyətindən görünən erməni kəndi
© Sputnik / Ilham Mustafa
Sadıq Əliyevin evinin həyətindən görünən erməni kəndi

İlk olaraq evinin arxasında post quran S.Əliyev sonralar onların sayını 5-ə çatdırıb. Onun rəhbərliyilə 130 könüllü öz kəndlərinin müdafiəsini təşkil edib. Ov tüfənglərindən başqa kustar üsulla hazırladığı partlayıcı maddələrlə mütəşəkkil düşmən hücumlarını dəf edilməsindən söhbət açıb:

İki il əvvəl düşmən səngərindən açılan atəşlə həyat yoldaşının vurulması Sadıq Əliyevin atəşkəs dövründə ən böyük itkisi olub
© Sputnik / Ilham Mustafa
İki il əvvəl düşmən səngərindən açılan atəşlə həyat yoldaşının vurulması Sadıq Əliyevin atəşkəs dövründə ən böyük itkisi olub

“Əvvəllər şüşələrə benzin töküb kiçik partladıcılar düzəldirdim. Yandırıb düşmən texnikasının üstünə atırdıq. Sonradan avtomobi amorizatorlarından qumbara hazırladım. Eyni zamanda dəmir boruları qaynaq edib raket hazırlamağa başladım. “Alazan” mərmiləri atırdı. Çox vaxt mərmiləri də özüm yığırdım. Bu silahların qorxusundan erməni biz tərəfə gələ bilmirdi. Onlar axşam xəbərlərdə deyirdilər ki, Tovuz istiqamətindən atılan mərmilərin nə olduğu bilinmir” - deyə Əliyev məlumat verib.

  • Tovuzun Əlibəyli kəndi düşmənlə təmas xəttinə ən yaxın yaşayış məntəqəsidir
    Tovuzun Əlibəyli kəndi düşmənlə təmas xəttinə ən yaxın yaşayış məntəqəsidir
    © Sputnik / Ilham Mustafa
  • Düşmən postları ilə əhatə olunan Tovuzun Əlibəyli kəndində  elə bir ev yoxdur ki, onun üzərində güllə izləri olmasın
    Düşmən postları ilə əhatə olunan Tovuzun Əlibəyli kəndində elə bir ev yoxdur ki, onun üzərində güllə izləri olmasın
    © Sputnik / Ilham Mustafa
  • Sadıq Əliyevin evi kəndin üst hissəsində, düşmən postu ilə 100-120 metr məsafədə yerləşir
    Sadıq Əliyevin evi kəndin üst hissəsində, düşmən postu ilə 100-120 metr məsafədə yerləşir
    © Sputnik / Ilham Mustafa
  •  74 yaşlı Əlibəyli kənd sakini atəşkəsdən sonra yenidən normal həyatına qayıtmaq istəyir
    74 yaşlı Əlibəyli kənd sakini atəşkəsdən sonra yenidən normal həyatına qayıtmaq istəyir
    © Sputnik / Ilham Mustafa
1 / 4
© Sputnik / Ilham Mustafa
Tovuzun Əlibəyli kəndi düşmənlə təmas xəttinə ən yaxın yaşayış məntəqəsidir

Müharibənin sonrakı gedişində də S.Əliyev ordumuzla çiyin-çiyinə kəndi müdafiə edib. Atəşkəsdən sonra yenidən normal həyatına qayıtmaq istəyən 74 yaşlı Əlibəyli sakininə bu demək olar ki, müyəssər olmayıb. Atəşkəs olmasına baxmayaraq, müxtəlif çaplı artileriya qurğularından atılan mərmilər onun evinin dəfələrlə dağılmasına səbəb olub. Traktoru, qaynaq aparatı, mal-qarası düşmən gülləsinin qurbanına çevrilib. 3 il öncə düşmən səngərindən açılan atəşlə həyat yoldaşının vurulması isə onun atəşkəs dövründə ən böyük itkisi olub.

1163
(1:22 / 10.03Mb / просмотров видео: 4)

Bir gecədə üç nəvəsini itirən Sənayət nənə: “Ləman bu il tələbə olacaqdı” video

1
(Yenilənib 17:17 20.10.2020)
Sənayət Qəhrəmanova bir gecədə gəlinini və üç nəvəsini itirib. Nəvələrindən biri Ləman bu il tələbə olacaqdı, arzuları gerçəkləşəcəkdi. Amma Ermənistan SQ-nin atdığı raket mərmisi onun bütün xəyallarını puç etdi.

Ermənistanın törətdiyi terror nəticəsində Sənayət Qəhrəmanova gəlinini və üç nəvəsini itirib. 18 yaşlı nəvəsi Ləman Qəhrəmanova yenicə tələbə adını qazanmışdı. Ləmanın ata-anası həmin gecə evdə olmayıblar. Geri qayıdanda isə qızlarının dağıntılar altında qaldığı xəbərini eşidiblər.

Sənayət nənənin digər iki nəvəsi, gəlini Xatirənin uşaqları isə heç məktəbi bitirməmişdilər.

Ermənistan silahlı qüvvələri oktyabrın 11-də gecə saat 02 radələrində cəbhə zonasından 100 km kənarda yerləşən, Azərbaycan Respublikasının ikinci böyük şəhəri olan və əhalinin sıx məskunlaşdığı Gəncə şəhərini Ermənistan ərazisindən növbəti dəfə raket atəşinə tutub. İçərisində uşaq, qadın, ahıl insanların da yaşadığı çoxmənzilli binalarda 4-ü qadın olmaqla 9 nəfər həlak olub, 16-sı qadın, 6-sı uşaq olmaqla 34 nəfər yaralanıb, çoxsaylı mülki infrastruktur obyektlərinə külli miqdarda ziyan dəyib.

Oktyabrın 12-də isə yaralı şəxslərdən biri, 1992-ci il təvəllüdlü Əliyeva Günay Zahid qızı müalicə olunduğu xəstəxanada vəfat edib.

Oktyabrın 17-də Ermənistan ordusunun Gəncəyə daha bir raket hücumu nəticəsində 4-ü uşaq olmaqla 16 nəfər dinc sakin həlak olub, 52 nəfər xəsarət alıb.

1
Mövzu:
Azərbaycan və Ermənistan arasında müharibə
Zəngilan rayonu, arxiv şəkli

İyirmi yeddi ildən sonra gələn azadlığın adı - Zəngilan

14
(Yenilənib 16:59 20.10.2020)
Şahidlərin sözlərinə görə, Füzuli və Cəbrayıl rayonları işğal olunduqdan sonra zəngilanlılar 67 gün tam mühasirə şəraitində ermənilərlə vuruşublar.

BAKI, 20 oktyabr — Sputnik. Bu gün işğaldan azad edildiyi elan olunan Zəngilan rayonu 1993-cü ildə oktyabrın 28-dən 29-na keçən gecə işğalçı ermənilər tərəfindən zəbt edilmişdi.

Şahidlərin sözlərinə görə, Füzuli və Cəbrayıl rayonları işğal olunduqdan sonra zəngilanlılar 67 gün tam mühasirə şəraitində ermənilərlə vuruşublar.

İlham Əliyev, arxiv şəkli
© Official website of President of Azerbaijan Republic

Ermənilərin Zəngilanda ikinci Xocalı faciəsini törətmək istəyi alınmayıb. Sakinlər cəld tərpənərək özlərini Araz çayına atmaqla İran ərazisinə keçiblər və bununla da gözlənilən növbəti soyqırımdan xilas olublar.

Ərazisi 730 kvadrat kilometr olan Zəngilan rayonu işğal olunanda əhalisi 35,6 min nəfər olub.

Zəngilan rayonu eyni adlı şəhərdən, Mincivan qəsəbəsindən və 83 kənddən ibarətdir. Rayonda 14 tibbi müəssisəsi, 11 uşaq bağçası, 62 ümumtəhsil məktəbi, 23 klub, 8 mədəniyyət evi, 3003 min cild kitab saxlanılan 70 kitabxana olub. Zəngilanın iqtisadiyyatının əsasını kənd təsərrüfatı - üzümçülük, tütünçülük və heyvandarlıq təşkil edib. İşğaldan sonra Bakı-Mincivan-Qafan dəmiryolu xəttinin keçdiyi Mincivan stansiyası tamamilə dağıdılıb. Naxçıvan istiqamətində Bakı-Naxçıvan-İrəvan dəmiryol xəttinin Mehridən keçən 41 kilometrlik ərazisi blokadaya alınıb.

Zəngilan 20 oktyabr 2020-ci il tarixində işğaldan azad edilib!

14
Əlaqədar
MN: Qubadlı-Zəngilan istiqamətində döyüşlər davam edir
Ali Baş Komandan: Zəngilan bizimdir!
İşğaldan azad edilmiş Zəngilan şəhərində Azərbaycan bayrağı dalğalanır - VİDEO